Псалом

 2 Йегъовӕ у мӕ айнӕг къӕдзӕх, мӕ фидар мӕсыг ӕмӕ мӕ Ирвӕзынгӕнӕг+.

Мӕ Хуыцау у мӕ къӕдзӕх. Ӕз мӕхи йе уазӕг бакӕндзынӕн+.

Уый у мӕ уарт, мӕ ирвӕзындзинады сыкъа ӕмӕ мӕ бӕрзонд хох+.

 3 Ӕз ӕххуысмӕ сиддзынӕн Йегъовӕмӕ, кады аккаг чи у, уымӕ+,

Ӕмӕ мӕ ме знӕгтӕй фервӕзын кӕндзӕн+.

 4 Мӕлӕты бӕндӕнтӕ мыл ӕртыхстысты+,

Ницӕйаг адӕм мыл доны гуылфӕнтау тас бафтыдтой+.

 5 Ингӕны* бӕндӕнтӕ мӕ сбастой+,

Мӕлӕты хызтӕ ӕвӕрд уыдысты мӕ размӕ+.

 6 Зын сахат ӕз дзынӕзтон Йегъовӕмӕ,

Ӕххуыс куырдтон мӕ Хуыцауӕй+.

Уый мын йӕ кувӕндонӕй фехъуыста мӕ хъӕлӕс+,

Фехъуыст ӕм мӕ дзыназын+.

 7 Ӕмӕ зӕхх барызт, нынкъуысыд+,

Базмӕлыдысты хӕхты бындуртӕ+

Ӕмӕ рызтысты, уымӕн ӕмӕ смӕсты+.

 8 Йӕ фындзыхуынчъытӕй цыд фӕздӕг, йӕ дзыхӕй – пиллон арт, ӕмӕ ӕппӕт дӕр ныхъуырдта+.

Алырдӕм дзы калд судзгӕ цӕхӕртӕ.

 9 Ӕртасын кодта арв ӕмӕ дӕлӕмӕ ӕрхызт+.

Ӕмӕ саудалынг уыд йӕ къӕхты бын.

10 Сбадт херувимыл ӕмӕ атахт+,

Атахт зӕды базыртыл*+.

11 Ӕмӕ талынг скодта йе ’мбӕхсӕн бынат+,

Йӕ алыварс цатырау лӕууыдысты

Тар дӕттӕ, бӕзджын мигътӕ+.

12 Йӕ разы ӕрттывта арв ӕмӕ мигътӕ фӕцӕйцыдысты+,

Дӕлӕмӕ калд их ӕмӕ судзгӕ цӕхӕртӕ+.

13 Йегъовӕ уӕлӕрвты ныггыбар-гыбур кодта+,

Иунӕг Стыр Хуыцауы хъӕлӕс ныннӕрыд+,

Ӕмӕ ныккалд их ӕмӕ судзгӕ цӕхӕртӕ.

14 Уый ӕхста йӕ фаттӕ, цӕмӕй сӕ алырдӕмты ныххӕлиу кодтаид+,

Калдта арвы цӕхӕртӕ, цӕмӕй сдзӕгъӕлтӕ уыдаиккой+.

15 Ӕмӕ разындысты цӕугӕдӕтты бынтӕ+,

Сзындысты зӕххы бындуртӕ+

Дӕ карз уайдзӕфӕй, о Йегъовӕ, дӕ фындзыхуынчъыты тыхджын улӕфтӕй+.

16 Бӕрзондӕй-иу йӕ къух ӕрдардта ӕмӕ-иу мӕ систа+,

Систа-иу мӕ стыр дӕтты астӕуӕй+.

17 Ирвӕзын мӕ кодта тыхджын знагӕй+,

Йе сӕфт мӕ чи уыны, уыдонӕй, уымӕн ӕмӕ уыдон мӕнӕй тыхджындӕр уыдысты+.

18 Бӕллӕхы куы бахаудтӕн, уӕд цыдысты мӕ ныхмӕ+,

Фӕлӕ-иу Йегъовӕ мӕ фарсмӕ ӕрбалӕууыд+.

19 Ӕмӕ-иу мӕ ракодта уӕрӕх ранмӕ+,

Ирвӕзын мӕ кодта, уымӕн ӕмӕ йӕ зӕрдӕйӕн уыдтӕн зынаргъ+.

20 Йегъовӕ мын арфӕ кӕны мӕ рӕстдзинадмӕ гӕсгӕ+,

Мӕ къухты сыгъдӕгдзинадмӕ гӕсгӕ мын хорздзинадӕй фиды+.

21 Уымӕн ӕмӕ ӕз фидар лӕууыдтӕн Йегъовӕйы фӕндӕгтыл+,

Ӕмӕ мӕ Хуыцауы нӕ ныууагътон – ахӕм фыдхъуыддаг нӕ бакодтон+.

22 Йӕ тӕрхӕттӕ иууылдӕр сты мӕ разы+,

Ӕмӕ йын йӕ закъӕттыл мӕ къух никуы сисдзынӕн+.

23 Йӕ разы уыдзынӕн ӕнаипп+,

Ӕмӕ мӕхи хъахъхъӕндзынӕн рӕдыд къахдзӕфӕй+.

24 Йегъовӕ мын бафидӕд мӕ рӕстдзинадмӕ гӕсгӕ+,

Йӕ цӕстыты раз+ мӕ къухтӕ куыд сыгъдӕг сты, уымӕ гӕсгӕ.

25 Иузӕрдион дыл чи у, ууыл ды дӕр уыдзынӕ иузӕрдион+,

Ӕнаипп адӕймагимӕ уыдзынӕ ӕнаипп+.

26 Сыгъдӕг адӕймаг фендзӕн, сыгъдӕг кӕй дӕ, уый+,

Мӕнгард чи у, ууыл та хинӕй рацӕудзынӕ+,

27 Уымӕн ӕмӕ ды ӕфхӕрд адӕмы фервӕзын кӕндзынӕ+,

Хъал цӕстӕй чи кӕсы, уыдоны та фегад кӕндзынӕ+.

28 Ды мын ссудздзынӕ мӕ цырагъ, о Йегъовӕ+.

Мӕ Хуыцау мын талынджы рухс кӕндзӕн+.

29 Дӕ фӕрцы мӕ бон у абырджыты ныхмӕ рацӕуын дӕр+.

Мӕ Хуыцауы фӕрцы мӕ бон у къулыл сбырын дӕр+.

30 Ӕцӕг Хуыцауы фӕндаг у ӕххӕст+.

Йегъовӕйы ныхӕстӕ сты сыгъдӕг+.

Уый у уарт, йӕхи йе уазӕг чи бакӕны, уыдонӕн+.

31 Чи у Хуыцау, Йегъовӕйы йеддӕмӕ?+

Чи у къӕдзӕхы хуызӕн, нӕ Хуыцауы йеддӕмӕ?+

32 Ӕцӕг Хуыцау мын мӕ астӕу ӕрбалвасы хъаруйӕ+.

Уый мын слӕгъз кӕндзӕн мӕ фӕндаг+.

33 Мӕ къӕхтӕ мын фестын кӕны саджы къӕхтӕ+,

Ӕмӕ мӕ слӕууын кӕны бӕрзонд рӕтты+.

34 Мӕ къухтӕ мын ахуыр кӕны хӕцын+,

Ӕмӕ мӕ къухтӕ ӕркъӕдз кӕнынц ӕрхуы ӕрдын+.

35 Ды мын ратдзынӕ дӕ ирвӕзындзинады уарт+,

Дӕ рахиз къух мыл хӕцдзӕн+,

Ӕмӕ мӕ дӕ сӕрныллӕгдзинад сбӕрзонд кӕндзӕн+.

36 Мӕ къӕхтӕн мын уӕрӕх фӕндаг скӕндзынӕ+,

Ӕмӕ мӕ къах нӕ фӕцуддзӕн+.

37 Ӕз ме знӕгты фӕстейӕ асурдзынӕн ӕмӕ сӕ баййафдзынӕн,

Ӕмӕ фӕстӕмӕ нӕ раздӕхдзынӕн, цалынмӕ сӕ нӕ ныццӕгъдон, уӕдмӕ+.

38 Афтӕ сӕ ныппырх кӕндзынӕн, ӕмӕ сӕ бон сыстын нал суыдзӕн+.

Мӕ къӕхты бынмӕ ӕрхаудзысты+.

39 Ды мын тохы бонмӕ мӕ астӕу хъаруйӕ ӕрбалвасдзынӕ.

Мӕ ныхмӕ чи цӕуы, уыдоны мын мӕ къӕхты бынмӕ ӕрӕппардзынӕ+.

40 Ме знӕгты мын мӕ разӕй лидзӕг фӕкӕндзынӕ*+,

Ӕмӕ мӕ йе сӕфт чи уыны, уыдонӕн ӕз афтӕ бакӕндзынӕн, ӕмӕ ӕнустӕм бамыр уыдзысты+.

41 Уыдон ӕххуысмӕ дзыназынц, фӕлӕ сӕ ирвӕзынгӕнӕг нӕй+,

Дзыназынц Йегъовӕмӕ, фӕлӕ сын дзуапп нӕ дӕтты+.

42 Рыг сӕ фестын кӕндзынӕн ӕмӕ сӕ дымгӕмӕ ныддардзынӕн+,

Уынджы цъыфау сӕ акалдзынӕн+.

43 Ды мӕ фервӕзын кӕндзынӕ адӕмы уайдзӕфтӕй+.

Ды мӕ сӕвӕрдзынӕ адӕмты сӕргъы+.

Цы адӕмы нӕ зыдтон, уыдон мын лӕггад кӕндзысты+.

44 Афтид мӕ койӕ дӕр мӕ коммӕ кӕсдзысты+,

Ӕндӕрбӕстӕгтӕ мӕ разы кӕндзысты зӕрдӕлхӕнӕн митӕ+.

45 Ӕндӕрбӕстӕгтӕм хъару нал уыдзӕн,

Ӕмӕ зырзыргӕнгӕ рацӕудзысты сӕ фидӕрттӕй+.

46 Йегъовӕ у удӕгас Хуыцау+. Арфӕгонд уӕд мӕ айнӕг къӕдзӕх!+

Кад уӕд мӕ ирвӕзынгӕнӕг Хуыцауӕн!+

47 Ӕцӕг Хуыцау у мӕ Мастисӕг+,

Ӕмӕ мын адӕмты кӕны мӕ дӕлбар+.

48 Ирвӕзын мӕ кӕны ме знӕт знӕгтӕй+.

Ды мӕ сисдзынӕ, мӕ ныхмӕ чи цӕуы, уыдонӕй уӕлдӕр+,

Фервӕзын мӕ кӕндзынӕ тыхгӕнӕгӕй+.

49 Адӕмты ’хсӕн дӕ уый тыххӕй кадджын кӕндзынӕн, о Йегъовӕ+,

Ӕмӕ дӕ номӕн зардзынӕн+.

50 Уый йӕ паддзахы+ ирвӕзын кӕнгӕйӕ аразы стыр хъуыддӕгтӕ

Ӕмӕ ӕнувыд уарзтӕй уарзы йӕ сӕрст лӕггадгӕнӕджы+,

Давиды, ӕмӕ йӕ байзӕддаджы – ӕнустӕм+.