Софони
2 Ӕрӕмбырд ут, иумӕ ӕрӕмбырд ут+, худинаг чи нӕ зоны, уыцы адӕм+. 2 Цалынмӕ тӕрхоны уынаффӕ йӕ тыхы нӕ бацыд+, цалынмӕ бон хъӕмпыхалау нӕ атахт, цалынмӕ уыл Йегъовӕ йӕ судзгӕ маст нӕ ныккалдта+, цалынмӕ уӕ Йегъовӕйы судзгӕ масты бон нӕ баййӕфта+, 3 уӕдмӕ агурут Йегъовӕйы+, зӕххыл цыдӕриддӕр сӕрныллӕг* адӕм ис+, йӕ закъӕттӕ йын чи ӕххӕст кӕны, уыдон. Агурут рӕстдзинад+, агурут сӕрныллӕгдзинад+. Кӕд+ Йегъовӕйы судзгӕ масты бон ӕмбӕхсӕн ссариккат+. 4 Газӕ дзӕгъӕл баззайдзӕн+, Аскалон дӕр ӕдзӕрӕг фӕуыдзӕн+. Азоты+ цӕрджыты ӕмбисбон фӕтӕрдзысты+, Екрон бындзарӕй стондзысты+.
5 «Додой сӕ къона, денджызы был чи цӕры, уыцы адӕмӕн, хелефейтӕн!+ Йегъовӕ уӕ ныхмӕ дзуры. О Ханаан, филистимӕгты зӕхх, дӕу дӕр ныппырх кӕндзынӕн, ӕмӕ дыл цӕрӕг нал уыдзӕн+. 6 Денджызмӕ хӕстӕг зӕххытӕ суыдзысты хизӕнтӕ+, фыййӕуттӕн дзы уыдзӕн цъайтӕ, ӕмӕ фыстӕн – дурӕй конд фысдӕттӕ. 7 Уыцы зӕхх уыдзӕн, Иудӕйы адӕмӕй ма чи баззайа, уыдоны+. Уым хиздзысты, изӕрӕй та-иу Аскалоны хӕдзӕртты сӕхицӕн дзӕбӕх хуысдзысты. Сӕ Хуыцау Йегъовӕ сӕм йе ’ргом раздахдзӕн+ ӕмӕ дзы уацары чи уыд, уыдоны фӕстӕмӕ ӕрӕмбырд кӕндзӕн»+.
8 «Ӕз фехъуыстон Моавы+ фидистӕ ӕмӕ, Аммоны+ фырттӕ мӕ адӕмӕй цы ӕфхӕрӕн ныхӕстӕ кодтой, уыдон, стыр дзыхӕй куыд дзырдтой, сӕ зӕххытӕ мах бауыдзысты, зӕгъгӕ, уый. 9 Ӕз, удӕгас Хуыцау+, мӕхицӕй сомы кӕнын,– зӕгъы ӕфсӕдты хицау, Израилы Хуыцау Йегъовӕ,– уый тыххӕй Моав Содомы хуызӕн фестдзӕн+, Аммоны фырттӕ+ та – Гоморрӕйы хуызӕн. Пысыраты бын фӕуыдзысты, фестдзысты цӕхджын зӕхх ӕмӕ ӕнустӕм ӕдзӕрӕг бӕстӕ+. Мӕ адӕмӕй ма чи баззайа, уыдон сын сӕ мулк фӕхӕсдзысты ӕмӕ сын сӕ зӕххытӕ сӕхи бакӕндзысты+. 10 Ахӕм бон сыл акӕндзӕн, сӕрбӕрзонд кӕй уыдысты+, ӕфсӕдты хицау Йегъовӕйы адӕмӕн фидистӕ кӕй кодтой ӕмӕ сӕм уӕлейӕ дӕлӕмӕ кӕй кастысты, уый тыххӕй+. 11 Йегъовӕ сӕ ныхмӕ куы рацӕуа, уӕд сыл тас бафтаудзӕн+. Афтӕ бакӕндзӕн, ӕмӕ зӕххыл цыдӕриддӕр хуыцӕуттӕ ис, уыдон уыдзысты ницы+, ӕмӕ адӕм Хуыцауӕн кувдзысты+, алчидӕр йӕхи бынатӕй, сакъадӕхтыл цӕрӕг адӕмтӕ се ’ппӕт дӕр+.
12 Ефиопийы+ цӕрджытӕ, сымах дӕр мӕ хъамайӕ фӕцагъды уыдзыстут+.
13 Цӕгатырдӕм йӕ къух фӕдардзӕн ӕмӕ Ассири фесафдзӕн+. Ниневи ӕдзӕрӕг ӕмӕ хус бӕстӕ фестын кӕндзӕн+, уыдзӕн ӕдзӕрӕг быдыры хуызӕн. 14 Уым-иу хуысдзысты фосы дзугтӕ ӕмӕ, уыцы зӕххыл цыдӕриддӕр хъӕддаг сырдтӕ ис, уыдон+. Пеликан ӕмӕ-иу уызын*+ се ’хсӕв арвитдзысты йӕ пырх цӕджындзты астӕу+. Рудзгуытӕй хъуысдзӕн зарын. Йӕ бахизӕнты хӕлддзӕгтӕ йеддӕмӕ ницы уыдзӕн, ӕмӕ йын йӕ къултӕ ӕрыстигъдзӕн+. 15 Ай, цин чи кодта, уыцы горӕт у. Ӕнӕмӕтӕй цард+ ӕмӕ йӕхицӕн дзырдта: „Ӕрмӕстдӕр ӕз дӕн, ӕндӕр ничи“+. Фӕлӕ диссагӕн дзуринаг фӕци, хъӕддаг сырдтӕ кӕм фӕхуыссынц, ахӕм бынат фестад! Йӕ рӕзты чи фӕцӕйцӕуа, уый-иу ныхситт кӕндзӕн ӕмӕ-иу фырдисӕй йӕ къухтӕ батилдзӕн»+.