Псалом

108 Мӕ зӕрдӕ фидар у, о Хуыцау+.

Ӕз цӕгъддзынӕн ӕмӕ зардзынӕн+,

Цӕгъддзӕн ӕмӕ зардзӕн мӕ кад дӕр+.

 2 Райхъал у, хъисфӕндыр, ӕмӕ ды дӕр, дыууадӕстӕнон фӕндыр+.

Ӕз сыстдзынӕн боныцъӕхтыл+.

 3 Адӕмты ’хсӕн дӕ кадджын кӕндзынӕн, о Йегъовӕ+.

Адӕмыхӕттыты ’хсӕн дын зардзынӕн+,

 4 Уымӕн ӕмӕ де ’нувыд уарзт стыр у – суанг уӕлӕрвтӕм+,

Дӕ рӕстдзинад* хӕццӕ кӕны арвы онг+.

 5 О Хуыцау, дӕ кад уӕлӕрвтӕй дӕр уӕлдӕр ссӕуӕд+.

Дӕ кад нӕрӕд ӕгас зӕххы сӕрмӕ+.

 6 Баххуыс мын кӕн дӕ рахиз къухӕй ӕмӕ мын дзуапп ратт+,

Цӕмӕй, кӕй уарзыс, уыдон фервӕзой+.

 7 Хуыцау, сыгъдӕг Хуыцау, загъта+:

«Ӕз цин кӕндзынӕн. Сихем+ ратдзынӕн, кӕмӕн мӕ фӕнды, уымӕн+,

Сокхофы+ дӕлвӕз дӕр, кӕмӕн мӕ фӕнды, уымӕн сбардзынӕн.

 8 Мӕн у Галаад+, мӕн у Манасси+ дӕр,

Ефрем у ме ’вӕрд сӕргълӕууӕджы фидар+,

Иудӕ мын у хицауы лӕдзӕг+.

 9 Моав+ у мӕ къӕхтӕхсӕн аг*+.

Едомыл+ фехсдзынӕн мӕ дзабыр+.

Филистийыл+ фӕуӕлахиз уыдзынӕн ӕмӕ фырцинӕй хъӕр кӕндзынӕн»+.

10 Чи мӕ бакӕндзӕн фидаргонд горӕтмӕ?+

Чи мӕ фӕхӕццӕ кӕндзӕн Едоммӕ?+

11 Дӕу йеддӕмӕ ничи, о Хуыцау – йӕхицӕй нӕ чи аппӕрста+

Ӕмӕ не ’фсӕдтимӕ хӕстмӕ чи нӕ цӕуы, уыцы Хуыцау.+

12 Фервӕзын нӕ кӕн тыхст уавӕрӕй+,

Уымӕн ӕмӕ нӕ зӕххон адӕймаг нӕ фервӕзын кӕндзӕн+.

13 Хуыцау нын ратдзӕн хъару+,

Уый йӕхӕдӕг ныссӕнддзӕн не знӕгты+.