Аввакум
2 Ӕз лӕудзынӕн мӕ хъахъхъӕнӕн бынаты+, сыджытӕй конд быруйыл слӕудзынӕн ӕмӕ лӕмбынӕг кӕсдзынӕн+, цӕмӕй фенон, мӕн уылты цы зӕгъдзӕн+ ӕмӕ мын куы бауайдзӕф кӕна, уӕд ын цы дзуапп раттон, уый»+.
2 Ӕмӕ мын Йегъовӕ дзуапп радта: «Ныффысс ацы цӕстылуайӕн, къӕйдуртыл* ӕй афтӕ ныффысс+, цӕмӕй йӕ хъӕрӕй чи кӕса, уымӕн ӕнцонкӕсӕн уа+. 3 Ныффысс ӕй, уымӕн ӕмӕ ацы цӕстылуайӕн нырма хъуамӕ йӕ рӕстӕджы сӕххӕст уа+. Тагъд сӕххӕст уыдзӕн ӕмӕ нӕ фӕсайдзӕн. Кӕд бафӕстиат уа, уӕддӕр ӕм ӕнхъӕлмӕ кӕс, уымӕн ӕмӕ ӕнӕмӕнг сӕххӕст уыдзӕн+. Нӕ байрӕджы кӕндзӕн.
4 Йӕхиуыл фервӕссыд+, йӕ зӕрдӕ йӕ мидӕг сыгъдӕг нӕу. Рӕстгӕнӕг та цӕрдзӕн, иузӕрдион кӕй у, уый фӕрцы+. 5 Сӕн мӕнгард у+, ӕмӕ уый тыххӕй адӕймаг йӕхиуыл фервӕссы+. Фӕлӕ йӕ нысан йӕ къухы нӕ бафтдзӕн+ – йӕ зӕрдӕйы фӕндтӕн ингӕнау* кӕрон кӕмӕн нӕй ӕмӕ мӕлӕтау ӕфсис чи нӕ зоны, уымӕн+. Ӕппӕт адӕмты йӕхимӕ ӕмбырд кӕны, ӕппӕт адӕмыхӕттыты йӕ алыварс тымбыл кӕны+. 6 Фӕлӕ йыл се ’ппӕт дӕр ӕмбисӕндтӕ не скӕндзысты+ ӕмӕ йӕ дӕлгоммӕ ныхӕстӕй не ’фхӕрдзысты? Уӕд зӕгъдзысты:
„Цымӕ кӕдмӕ+ ссивдзӕн искӕй фӕллӕйттӕ?+ Додой йӕ къона, уымӕн ӕмӕ йӕ хӕстӕ фылдӕр кӕны, ӕндӕр ницы! 7 Проценттӕ дӕ чи домы, уыдон цымӕ ӕнӕнхъӕлӕджы дӕ ныхмӕ нӕ рацӕудзысты? Ӕгъатыр уыгъд дӕ чи кӕны, уыдон нӕ райхъал уыдзысты ӕмӕ дӕ нӕ фӕхӕсдзысты?+ 8 Бирӕ адӕмты кӕй бастыгътай, уый тыххӕй дын, адӕмтӕй ма чи баззад, уыдон дӕхи бастигъдзысты+. Бастигъдзысты дӕ, адӕмы туг кӕй фӕкалдтай, зӕххӕн, горӕтӕн ӕмӕ дзы чидӕриддӕр цӕры, уыдонӕн фыдмитӕ кӕй фӕкодтай, уый тыххӕй+.
9 Додой йӕ къона, йӕ хӕдзар искӕй фӕллойӕ чи дзаг кӕны+, цӕмӕй йӕхицӕн бӕрзонд ран ахстон скӕна ӕмӕ йӕхи бӕллӕхӕй бахиза!+ 10 Ды сфӕнд кодтай бирӕ адӕмты фӕцӕгъдын+, ӕмӕ уый дӕ хӕдзарӕн худинаг у, ды тӕригъӕд аразыс+. 11 Къулы дур дӕр тӕригъӕддаг дзынӕзт кӕндзӕн, ӕмӕ йӕ дзыназынмӕ цары хъӕд дӕр дзыназдзӕн+.
12 Додой йӕ къона, горӕт тугыл чи аразы, фыдхъуыддӕгты фӕрцы йӕ чи хъавы ӕрфидар кӕнынмӕ, уымӕн!+ 13 Адӕмтӕ артӕн кӕй фыдӕбон кӕндзысты ӕмӕ адӕмыхӕттытӕ сӕхи дзӕгъӕлы тухӕнӕй кӕй мардзысты, уый ӕфсӕдты хицау Йегъовӕйӕ нӕу, ӕви?+ 14 Денджыз дӕттӕй куыд дзаг у, афтӕ зӕхх дӕр байдзаг уыдзӕн Йегъовӕйы кады тыххӕй зонындзинӕдтӕй+.
15 Додой йӕ къона, иннӕтӕн йӕ маст ӕмӕ йӕ фыдӕхимӕ нуазинаг чи дӕтты, цӕмӕй сӕ срасыг кӕна+ ӕмӕ сын стӕй сӕ бӕгънӕг буармӕ кӕса+. 16 Кады бӕсты ӕгаддзинад уыдзӕн дӕ хай ӕмӕ дзы фелгъӕд уыдзынӕ+. Бануаз ды дӕр ӕмӕ у+, сунӕтгонд чи нӕу, уый хуызӕн+. Йегъовӕйы рахиз къухы цы нуазӕн ис, уый дӕумӕ дӕр бахӕццӕ уыдзӕн+, ӕмӕ дӕ кад худинаджы бын фӕуыдзӕн: 17 Ливанӕн цы фыдмитӕ фӕкодтай+, ахӕм фыдмитӕ бакӕндзысты дӕуӕн дӕр, ӕмӕ ды куыд нӕ бацауӕрстай тарст фосыл, афтӕ нӕ бацауӕрддзысты дӕ фосыл дӕр – адӕмы туг кӕй фӕкалдтай, зӕххӕн+, горӕтӕн ӕмӕ дзы чидӕриддӕр цӕры, уыдонӕн фыдмитӕ кӕй фӕкодтай, уый тыххӕй+. 18 Цы пайда ис адӕймаджы къухӕй конд гуымирыйӕ+, ӕфсӕйнаг хуыцауӕй ӕмӕ, мӕнгдзинад чи амоны, уымӕй?+ Чи сӕ скӕны, уый сыл йӕ ныфс афтӕ тынг дары+, ӕмӕ ӕгомыг, ницӕйаг хуыцӕуттӕ аразы+.
19 Додой йӕ къона, хъӕды лыггагӕн афтӕ чи зӕгъы: „Райхъал у!“ ӕмӕ ӕгомыг дурӕн афтӕ чи дзуры: „Райхъал у! Зонд нын бацамон!“+ Сызгъӕринӕй ӕмӕ йыл ӕвзистӕй цъар сӕвӕрдтой+, фӕлӕ дзы царды улӕфт нӕй+. 20 Йегъовӕ та ис йӕ рухс кувӕндоны+. Зӕхх, йӕ разы ныссабыр у!“»+