Ионӕ
4 Фӕлӕ Ионӕйӕн уый уыди тынг хъыг+, ӕмӕ мӕстӕй рафыхт. 2 Ӕмӕ Йегъовӕмӕ скуывта ӕмӕ йын загъта: «Охх, Йегъовӕ, мӕхи зӕххыл ма куы уыдтӕн, уӕд дӕр уый нӕ дзырдтон? Фарсисмӕ дӕр фыццаг уый тыххӕй куы алыгътӕн+. Зыдтон ӕй, ды тӕригъӕдгӕнаг ӕмӕ фӕлмӕнзӕрдӕ+ Хуыцау дӕ, мӕсты кӕнынмӕ тагъд нӕ кӕныс, де ’нувыд уарзт ӕгӕрон у+ ӕмӕ, бӕллӕх ӕруадзинаг кӕй уыдтӕ, ууыл фӕфӕсмон кӕндзынӕ+. 3 Ӕмӕ дӕ ныр курӕг дӕн, Йегъовӕ, айс мын мӕ цард+, уымӕн ӕмӕ мын цардӕй мӕлӕт хуыздӕр у»+.
4 Уӕд ын Йегъовӕ загъта: «Кӕй смӕсты дӕ, уый раст у?»+
5 Уый фӕстӕ Ионӕ горӕтӕй скӕсӕнырдӕм ацыд ӕмӕ уым сбадт. Стӕй йӕхицӕн халагъуд сарӕзта, цӕмӕй аууоны бадтаид+, горӕт цы бауыдзӕн, уый фенон, зӕгъгӕ+. 6 Уӕд ын Йегъовӕ Хуыцау йӕ сӕрмӕ куысыфтӕг* сзайын кодта, цӕмӕй йӕм аууон дардтаид ӕмӕ йын фенцондӕр уыдаид+. Ӕмӕ Ионӕ куысыфтӕгыл тынг бацин кодта.
7 Фӕлӕ дыккаг бон, куыддӕр ӕрбарухс, афтӕ ӕцӕг Хуыцау куысыфтӕг зулкъӕн+ бахӕрын кодта, ӕмӕ бахус+. 8 Хур куы скаст, уӕд та Хуыцау скӕсӕйнаг дымгӕ радымын кодта+, ӕмӕ хур Ионӕйы сӕр афтӕ сыгъта, ӕмӕ гыццыл ма бахъӕуа, йӕ зӕрдӕ бахъарм уа+. Гъемӕ йӕхицӕн мӕлӕт курын райдыдта ӕмӕ дзырдта: «Цардӕй мын мӕлӕт хуыздӕр у»+.
9 Уӕд Хуыцау Ионӕйы бафарста: «Куысыфтӕджы тыххӕй афтӕ кӕй смӕсты дӕ, уый раст у?»+
«Раст дӕн,– дзуапп ын радта Ионӕ.– Афтӕ смӕсты дӕн, ӕмӕ мӕм цӕрын дӕр нал цӕуы». 10 Фӕлӕ йын Йегъовӕ загъта: «Дӕумӕ ӕвгъау фӕкаст, ды кӕуыл нӕ бафыдӕбон кодтай ӕмӕ ды кӕй не сзайын кодтай, уыцы куысыфтӕг, иу ӕхсӕвмӕ чи сзад ӕмӕ иу ӕхсӕвмӕ чи фесӕфт, уый. 11 Ӕмӕ уӕд ӕз куыннӕ хъуамӕ фӕтӕригъӕд кӕнон уыцы стыр горӕт Ниневийӕн+, сӕдӕ дыууын мин адӕймагӕй дзы фылдӕр куы цӕры ӕмӕ рахиз къух галиу къухӕй куы нӕ хицӕн кӕнынц, стӕй ма дзы дуне фос дӕр куы ис, уӕд?»+