Псалом

92 Хорз у Йегъовӕйӕн арфӕ кӕнын+.

Хорз у дӕ номӕн зарын, о Иунӕг Стыр Хуыцау+,

 2 Райсомӕй де ’нувыд уарзты тыххӕй дзурын+

Ӕмӕ ӕхсӕвы – дӕ иузӕрдиондзинады тыххӕй+,

 3 Дӕстӕнон фӕндырыл ӕмӕ хъисфӕндырыл* цӕгъдгӕйӕ+,

Дыууадӕстӕнон фӕндыры рӕсугъд цагъдмӕ+.

 4 О Йегъовӕ, дӕ хъуыддӕгтӕ мын ӕрхастой стыр циндзинад,

Дӕ къухты хъуыддӕгтыл хъуыды кӕнгӕйӕ фырцинӕй зарын+.

 5 Куыд стыр сты дӕ хъуыддӕгтӕ, о Йегъовӕ!+

Тынг арф сты дӕ хъуыдытӕ+.

 6 Ӕнӕмбаргӕ адӕймагӕн сӕ йӕ бон нӕу базонын+,

Ӕнӕзонд уый нӕ бамбардзӕн+.

 7 Фыдгӕнджытӕ кӕрдӕгау куы сзайынц+,

Ӕмӕ, фыдхъуыддӕгтӕ чи кӕны, уыдон дидинӕг куы ракалынц,

Уӕд уый тыххӕй, цӕмӕй ӕнустӕм фесӕфой+.

 9 Де знӕгтӕ, о Йегъовӕ+,

Де знӕгтӕ фесӕфдзысты+.

Фыдхъуыддӕгтӕ чи кӕны, уыдон иууылдӕр алырдӕмты ныппырх уыдзысты+.

10 Фӕлӕ мын ды сбӕрзонд кӕндзынӕ мӕ сыкъа хъӕддаг галы сыкъайау+.

Ӕз мӕхи байсӕрддзынӕн ног оливӕйы сойӕ+.

11 Мӕ цӕстытӕ сӕрыстырӕй кӕсдзысты ме знӕгтӕм+.

Мӕ хъустӕ фехъусдзысты, мӕ ныхмӕ чи цӕуы, уыцы фыдгӕнджытӕн се сӕфты хабар.

12 Рӕстгӕнӕг дидинӕг калдзӕн пальмӕбӕласау+.

Ливаны кедрау бӕрзонд фӕцӕудзӕн+.

13 Йегъовӕйы хӕдзары+,

Нӕ Хуыцауы кӕртыты сагъд чи у, уыдон+ дидинӕг калдзысты.

14 Дидинӕг калдзысты, сӕ сӕртӕ куы сурс уой, уӕд дӕр+,

Уыдзысты раздӕрау цӕрдӕг ӕмӕ уӕнгрог+,

15 Цӕмӕй дзурой, Йегъовӕ кӕй у рӕстзӕрдӕ Хуыцау+.

Уый у мӕ Къӕдзӕх+, уымӕ нӕй фыддзинад+.