Хъуыддӕгтӕ

21 Ӕппынфӕстаг сӕ куы фӕхицӕн стӕм, уӕд науыл сбадтыстӕм ӕмӕ аленк кодтам Космӕ. Иннӕ бон Косӕй ацыдыстӕм Родосмӕ, уырдыгӕй та – Патарӕмӕ. 2 Уым ссардтам, Финикимӕ чи цыд, ахӕм нау, сбадтыстӕм ыл ӕмӕ уырдыгӕй араст стӕм. 3 Сакъадах Кипрмӕ+ куы баввахс стӕм, уӕд ӕй галиуырдыгӕй фӕуагътам ӕмӕ дарддӕр ацыдыстӕм Сиримӕ+. Бахӕццӕ стӕм Тирмӕ ӕмӕ уым рахызтыстӕм, уымӕн ӕмӕ ам хъуамӕ нау равдӕлон кодтаиккой+. 4 Тиры ссардтам ахуыргӕнинӕгты ӕмӕ авд боны уым фестӕм. Уыдон, Хуыцауы сыгъдӕг тых+ сын цы раргом кодта, уымӕ гӕсгӕ Павелӕн дзырдтой, Иерусалиммӕ ма ацу, зӕгъгӕ. 5 Авд боны фӕстӕ уырдыгӕй рацыдыстӕм ӕмӕ нӕ фӕндаг адарддӕр кодтам. Ӕмӕ нӕ се ’ппӕт дӕр, сылгоймӕгтимӕ ӕмӕ сывӕллӕттимӕ, суанг денджызы былмӕ ахизын кодтой. Денджызы былмӕ куы бахӕццӕ стӕм, уӕд нӕ зонгуытыл ӕрлӕууыдыстӕм+ ӕмӕ скуывтам. 6 Стӕй кӕрӕдзийӕн хӕрзбон загътам+, ӕмӕ мах науыл сбадтыстӕм, уыдон та сӕ хӕдзӕрттӕм аздӕхтысты.

7 Тирӕй науыл ӕрцыдыстӕм Птолемаидӕмӕ. Уым фембӕлдыстӕм ӕфсымӕртимӕ ӕмӕ сӕм иу бон баззадыстӕм. 8 Иннӕ бон нӕ фӕндаг адарддӕр кодтам ӕмӕ ӕрцыдыстӕм Кесаримӕ+. Кесарийы бацыдыстӕм авд ӕвзӕрст лӕгӕй+ сӕ иумӕ – хорз хабар хъусынгӕнӕг* Филиппмӕ, ӕмӕ уымӕ ӕрлӕууыдыстӕм. 9 Филиппӕн уыди цыппар чызджы*, уыдон пехуымпариуӕг кодтой+. 10 Цасдӕр сӕм куы фестӕм, уӕд Иудейӕйӕ ӕрцыд иу пехуымпар, Агав+, зӕгъгӕ, 11 ӕмӕ нӕм бацыд, Павелы рон райста, йӕ къӕхтӕ ӕмӕ дзы йӕ къухтӕ сбаста ӕмӕ загъта: «Афтӕ зӕгъы сыгъдӕг тых: „Ацы рон кӕй у, уыцы лӕджы дзуттӕгтӕ Иерусалимы раст афтӕ сбӕтдзысты+ ӕмӕ йӕ иннӕ адӕмты къухтӕм ратдзысты“»+. 12 Уый куы фехъуыстам, уӕд нӕхӕдӕг дӕр ӕмӕ, уым чи уыди, уыдон дӕр Павелӕн лӕгъстӕ кӕнын байдыдтам, зӕгъгӕ, ма ацу+ Иерусалиммӕ. 13 Фӕлӕ нын Павел загъта: «Уый цы кусут? Цӕуыл кӕут+ ӕмӕ мын мӕ ныфс цӕмӕн сӕттут?+ Ӕз цӕттӕ дӕн, цӕмӕй мӕ Чырыстийы номы тыххӕй Иерусалимы бӕтгӕ нӕ, фӕлӕ маргӕ дӕр акӕной»+. 14 Куы нӕ йӕ басастам, уӕд ын ницыуал дзырдтам ӕмӕ загътам: «Йегъовӕйы куыд фӕнды+, афтӕ уӕд».

15 Уыцы хабӕртты фӕстӕ нӕхи фӕндагмӕ срӕвдз кодтам ӕмӕ Иерусалиммӕ араст стӕм+. 16 Немӕ ма рацыд цалдӕр ахуыргӕнинаджы Кесарийӕ+, цӕмӕй нӕ фӕхӕццӕ кодтаиккой, кӕй хӕдзары хъуамӕ ӕрфысым кодтаиккам, уымӕ – кипраг Мнасонмӕ, фыццаг ахуыргӕнинӕгтӕй сӕ иумӕ. 17 Иерусалиммӕ+ куы бахӕццӕ стӕм, уӕд ныл ӕфсымӕртӕ тынг бацин кодтой+. 18 Дыккаг бон та Павел немӕ бацыд Иаковмӕ+. Уым ӕрӕмбырд сты хистӕр нӕлгоймӕгтӕ иууылдӕр. 19 Павел сын салам радта ӕмӕ сын лӕмбынӕг дзурын райдыдта+, Хуыцау йӕ лӕггады фӕрцы иннӕ адӕмты ’хсӕн цы хъуыддӕгтӕ сарӕзта, уый тыххӕй+.

20 Уый фехъусгӕйӕ ӕфсымӕртӕ райдыдтой Хуыцауы кадджын кӕнын, стӕй Павелӕн загътой: «Кӕсыс, не ’фсымӕр, дзуттӕгтӕй уырнджытӕ цал мины систы, ӕмӕ се ’ппӕт дӕр Закъоныл ӕнувыд сты+. 21 Фӕлӕ дӕу тыххӕй фехъуыстой ахӕм ныхӕстӕ, зӕгъгӕ, дам, иннӕ адӕмты ’хсӕн цы дзуттӕгтӕ цӕры, уыдонӕн амоныс, цӕмӕй Моисейы закъоныл сӕ къух сисой+: дзурыс, дам, сын, цӕмӕй сӕ сывӕллӕттӕн сунӕт ма кӕной+ ӕмӕ, фидар кӕуыл хӕцынц, уыцы ӕгъдӕуттӕ ныууадзой. 22 Ӕмӕ ныр куыд бакӕнӕм? Кӕй ӕрцыдтӕ, уый уӕддӕр базондзысты. 23 Гъемӕ дын куыд зӕгъӕм, афтӕ бакӕн: ам нӕм ис, Хуыцауӕн дзырд чи радта, цыппар ахӕм лӕджы. 24 Демӕ сӕ акӕн+ ӕмӕ Закъонмӕ гӕсгӕ семӕ дӕхи ссыгъдӕг кӕн, сӕ хӕрдзтӕ дӕр сын дӕхимӕ райс+, цӕмӕй сӕ сӕртӕ адасой+. Ӕмӕ йӕ уӕд алчидӕр зондзӕн, цытӕ дӕ дзурынц, уыдӕттӕ ӕцӕг кӕй не сты, фӕлӕ алцыдӕр, куыд ӕмбӕлы, афтӕ кӕй кӕныс ӕмӕ дӕхӕдӕг дӕр Закъон кӕй ӕххӕст кӕныс+. 25 Иннӕ адӕмтӕй уырнӕг чи сси, уыдонмӕ та фӕхӕццӕ кодтам, цы уынаффӕ рахастам, уый, зӕгъгӕ, уӕхи хизут, мӕнгхуыцӕуттӕн+ цы снывонд кӕнынц, уыдӕттӕй, стӕй тугӕй+, хӕдмӕл фосы* дзидзайӕ+ ӕмӕ хӕтындзинадӕй»+.

26 Дыккаг бон Павел уыцы лӕгты йемӕ ракодта ӕмӕ Закъонмӕ гӕсгӕ семӕ йӕхи ссыгъдӕг кодта+. Стӕй кувӕндонмӕ бацыдысты ӕмӕ загътой, сыгъдӕг кӕныны бонтӕ кӕд фӕуыдзысты+ ӕмӕ сӕ алкӕй+ тыххӕй дӕр нывонд хаст кӕд ӕрцӕудзӕн, уый+.

27 Авд+ боны куы фӕуд кодтой, уӕд азиаг дзуттӕгтӕ, Павелы кувӕндоны фенгӕйӕ, ӕппӕт адӕмы дӕр сызмӕстой+ ӕмӕ йӕ ӕрцахстой. 28 Ӕмӕ хъӕр систой: «Израилӕгтӕ, баххуыс нын кӕнут! Ацы адӕймаг алы рӕтты алкӕмӕн дӕр цытӕ дзуры, уымӕй нын нӕ адӕмы+, нӕ Закъон ӕмӕ ацы бынат ӕгад кӕны. Суанг ма кувӕндонмӕ дӕр грекъӕгты ӕрбакодта ӕмӕ ацы сыгъдӕг бынат фегад кодта»+. 29 Афтӕ та уымӕн дзырдтой, ӕмӕ уымӕй размӕ горӕты Павелимӕ федтой ефесаг Трофимы+, ӕмӕ ӕнхъӕлдтой, кувӕндонмӕ йӕ бакодта. 30 Ӕгас горӕт дӕр базмӕлыд+, ӕмӕ адӕм кувӕндонмӕ агуылф кодтой. Павелыл ныххӕцыдысты ӕмӕ йӕ кувӕндонӕй ӕддӕмӕ раластой+. Ӕмӕ дуӕрттӕ уайтагъд сӕхгӕдтой. 31 Адӕм Павелы нӕмын райдыдтой, марынмӕ йӕ хъавыдысты, фӕлӕ уӕдмӕ ӕфсӕддон къорды сӕргълӕууӕгӕн* фехъусын кодтой, зӕгъгӕ, ӕгас Иерусалимы адӕм сызмӕстой+. 32 Уӕд уый ӕфсӕддонты ӕмӕ ӕфсӕддон хицӕутты амбырд кодта ӕмӕ сӕм атындзыдта+. Адӕм ӕфсады сӕргълӕууӕджы+ ӕмӕ ӕфсӕддонты куы федтой, уӕд Павелы нал надтой.

33 Ӕфсады сӕргълӕууӕг сӕм бацыд, Павелы ӕрцахста ӕмӕ бардзырд радта, цӕмӕй йын йӕ дыууӕ къухыл дӕр рӕхыстӕ бакӕной+. Стӕй адӕмы фӕрсын райдыдта, зӕгъгӕ, чи у ӕмӕ цы сарӕзта. 34 Фӕлӕ адӕмӕй иутӕ иу хъӕр кодтой, иннӕтӕ – ӕндӕр+. Ӕмӕ хъӕлӕбайы тыххӕй бӕлвырдӕй кӕй ницы базыдта, уымӕ гӕсгӕ бардзырд радта, цӕмӕй йӕ ӕфсӕддонты хӕдзармӕ акодтаиккой+. 35 Фӕлӕ Павел асинтыл куы схызт, уӕд ӕй ӕфсӕддонтӕн хӕссын бахъуыди, уымӕн ӕмӕ адӕм сызнӕт сты. 36 Сӕ фӕдыл цыди дуне адӕм ӕмӕ хъӕр кодтой: «Амарут ӕй!»+

37 Ӕфсӕддонты хӕдзармӕ йӕ мидӕмӕ куы фӕцӕйкодтой, уӕд Павел ӕфсады сӕргълӕууӕгӕн загъта: «Иу ныхас зӕгъыны бар мын ис?» Уый та йын афтӕ: «Грекъагау дзурыс? 38 Уӕдӕ уӕд ды, ӕрӕджы чи сызмӕста+ ӕмӕ цыппар мин лӕджы ӕд хъаматӕ ӕдзӕрӕг быдырмӕ чи акодта, уыцы египетаг нӕ дӕ?» 39 Уӕд ын Павел загъта: «Ӕз дзуттаг+ дӕн, киликиаг Тарсӕй+, зындгонд горӕтӕй. Курын дӕ, бар мын ратт, ӕмӕ адӕмӕн мӕ ныхас зӕгъон». 40 Бар ын куы радта, уӕд Павел, асинтыл лӕугӕйӕ, адӕммӕ къухӕй ацамыдта+, ӕмӕ иууылдӕр куы ныссабыр сты, уӕд сӕм дзуттагау+ сдзырдта: