Иов

6 Уӕд Иов загъта:

 2 «Тӕхуды, мӕ маст+ мын ӕнӕхъӕнӕй дӕр куы сбариккой

Ӕмӕ мын мӕ бӕллӕхтӕ дӕр барӕнтыл куы сӕвӕриккой!

 3 Уыдон денджызы змисӕй дӕр уӕззаудӕр сты.

Ӕмӕ ахӕм ӕнӕзонд ныхӕстӕ дӕр уый тыххӕй кӕнын+.

 4 Ӕппӕтхъомысджын Хуыцауы фаттӕ мӕ ахызтысты+,

Ӕмӕ сын сӕ марг мӕ уд нуазы+.

Хуыцау мыл бӕллӕхтӕ алырдыгӕй ӕртыхсын кодта+.

 5 Зебрӕ+ кӕрдӕгыл хизгӕйӕ хъӕр кӕндзӕн?

Кӕнӕ гал йӕ холлаг хӕргӕйӕ уасдзӕн?

  6 Ӕнад хӕринаг исчи ӕнӕ цӕххӕй бахӕрдзӕн?

Кӕнӕ галсыфы* бӕзджын донӕн исты ад ис?

 7 Мӕ зӕрдӕ нӕ комы уыдӕттӕй истӕмӕ бавналын,

Уыдон сты, зӕрдӕ кӕмӕй хӕццӕ кӕны, ахӕм хӕринаг.

 8 Тӕхуды, цы курын, уый мын лӕвӕрд куы ’рцӕуид

Ӕмӕ мын Хуыцау мӕ бӕллиц куы сӕххӕст кӕнид!

 9 Хуыцау мӕ куы ’рцӕвид,

Йӕ къух куы сисид ӕмӕ мӕ куы амарид!+

10 Уый мын уаид удӕнцой.

Фырцинӕй кафин+, кӕд удхар кӕнын,–

Ӕмӕ мын тӕригъӕд дӕр куы нӕ кодтаид,– уӕддӕр, уымӕн ӕмӕ ӕз нӕ сусӕг кодтон Сыгъдӕг Хуыцауы+ ныхӕстӕ+.

11 Уыйбӕрц хъару ма мӕм ис, цӕмӕй дарддӕр ӕнхъӕлмӕ кӕсон?+

Исты ма мӕм ӕнхъӕлмӕ кӕсы, цӕмӕй ма дарддӕр цӕрон?

12 Исты мӕ хъару дурау фидар у?

Ӕви мӕ буар ӕрхуыйӕ конд у?

13 Мӕ бон у мӕхицӕн баххуыс кӕнын?

Мӕ бон ма у афтӕ фыдӕбон кӕнын, исты-иу дзы куыд разына?

14 Иннӕмӕн йе ’нувыд уарзт чи ӕвгъау кӕны+,

Уый Ӕппӕтхъомысджын Хуыцауӕй дӕр нал тӕрсдзӕн+.

15 Ме ’фсымӕртӕ мыл зымӕгон цӕугӕдонау гадзрахатӕй рацыдысты+,

Уыдон сты, чи бахус вӕййы, ахӕм зымӕгон цӕугӕдоны донвӕдау.

16 Уыцы цӕугӕдӕттӕ ныттар вӕййынц ихӕй

Ӕмӕ, сӕ мидӕг цы мит атайы, уымӕй.

17 Сӕ афон бахус вӕййынц+, ныссабыр вӕййынц.

Куы стӕвд вӕййы, уӕд байсысынц+.

18 Сӕ фӕндаг иннӕрдӕм фӕзилы,

Ӕдзӕрӕг ранмӕ ссӕуы ӕмӕ фесӕфы.

19 Фемӕйӕ+ теуатыл чи цыд, уыдон сӕ агуырдтой.

Савейаг+ бӕлццӕттӕ сӕм ӕнхъӕлмӕ кастысты.

20 Уыдон сыл сӕ зӕрдӕ дардтой, ӕмӕ фӕхудинаг сты.

Уыцы бынатмӕ ӕрбацыдысты, ӕмӕ фӕфыдӕнхъӕл сты+.

21 Афтӕ сымах дӕр ницы стут+.

Цы стыр бӕллӕх мыл ӕрцыд, уый уынут ӕмӕ старстыстут+.

22 Исчи уын зӕгъы, зӕгъгӕ мын исты раттут,

Науӕд уӕ хъӕздыгдзинӕдтӕй рахицӕн кӕнут ӕмӕ мӕн тыххӕй лӕвар скӕнут?

23 Исчи уын зӕгъы, фервӕзын мӕ кӕнут знаджы къухӕй+,

Ӕгъатыр адӕмы къухӕй мӕ ссӕрибар кӕнут, зӕгъгӕ?+

24 Дзурут, ӕз хъусӕй лӕудзынӕн+,

Бамбарын мын кӕнут, цӕмӕй фӕрӕдыдтӕн, уый+.

25 Раст ныхӕстӕ зӕрдӕ нӕ къахынц!+

Фӕлӕ уӕ уайдзӕфтӕй та цы пайда ис?+

26 Уӕ уайдзӕфтӕ мӕ ныхӕстӕм сты?

Ӕмӕ, йӕ ныфс кӕмӕн асаст, уыцы адӕймагӕн+ йӕ ныхӕстӕ афтид ныхӕстӕ йеддӕмӕ цы сты+.

27 Сымах сидзӕрыл+ дӕр хӕлттӕ сӕппардзыстут

Ӕмӕ уе ’мбалы дӕр ауӕй кӕндзыстут!+

28 Ныр та мӕм байхъусут,

Цымӕ уын иу мӕнг ныхас дӕр зӕгъдзынӕн+.

29 Уӕ хорзӕхӕй, иу хатт-ма ахъуыды кӕнут – фыддзинадӕн ам бынат ма уӕд;

О, иу хатт-ма ахъуыды кӕнут – мӕ рӕстдзинад нырма ам ис+.

30 Афтӕ уӕм кӕсы, ӕмӕ, раст цы нӕу, уый дзурын?

Афтӕ ӕнхъӕл стут, бӕллӕхтӕ цӕмӕн ӕвзарын, уый не ’мбарын?