Амонӕгӕн. Идифун. Давиды зарӕг.
62 Мӕ уд ӕнӕдзургӕйӕ ӕнхъӕлмӕ кӕсы Хуыцаумӕ+.
Уый у мӕ ирвӕзынгӕнӕг+.
2 Уый у мӕ къӕдзӕх ӕмӕ мӕ ирвӕзынгӕнӕг, мӕ бӕрзонд хох+.
Ӕз афтӕ нӕ фӕцуддзынӕн, ӕмӕ ахауон+.
3 Цас ма лӕбурдзыстут адӕймагмӕ, цас ӕй хъавдзыстут амарынмӕ?+
Сымах иууылдӕр стут, чи акъул, ахӕм къулы хуызӕн, ныккӕлынӕввонг чи у, ахӕм дурӕй амад къулы хуызӕн+.
4 Адӕймагӕн ахӕм уынаффӕтӕ дӕттынц, цӕмӕй йын хинӕй йӕ сӕры кад къӕхты бынмӕ ӕрӕппарой+.
Сайын йеддӕмӕ сын мацы ратт+.
Дзыхӕй арфӕ кӕнынц, сӕ зӕрдӕйы та – ӕлгъитгӕ+. (Села́)
5 Мӕ уд, ӕнӕдзургӕйӕ ӕнхъӕлмӕ кӕс Хуыцаумӕ+,
Уымӕн ӕмӕ мын уый дӕтты ныфс+.
6 Уый у мӕ къӕдзӕх ӕмӕ мӕ ирвӕзынгӕнӕг, мӕ бӕрзонд хох+.
Ӕз нӕ фӕцуддзынӕн+.
7 Хуыцау мын дӕтты ирвӕзындзинад ӕмӕ кад+.
Уый у мӕ фидар къӕдзӕх, Хуыцау у ме ’мбӕхсӕн+.
8 Уӕ ныфс ыл дарут алкӕддӕр+.
Ӕргом ын кӕнут уӕ зӕрдӕтӕ+.
Хуыцау у не ’мбӕхсӕн+. (Села́)
9 Адӕймаджы фырттӕ комулӕфт йеддӕмӕ ницы сты+,
Зӕххон адӕм сты мӕнг+.
Уӕзбарӕныл сӕ куы ӕрӕвӕрай, уӕд иууылдӕр иумӕ комулӕфтӕй рогдӕр разындзысты+.
10 Уӕ зӕрдӕ цӕстфӕлдахӕн митыл ма дарут+,
Ӕмӕ уӕ ныфс дзӕгъӕлы ма сӕвӕрут давӕггагыл+.
Уӕ мулк фылдӕр куы кӕна, уӕд ыл уӕ зӕрдӕ ма бабӕттут+.
11 Иу хатт ӕй загъта Хуыцау, дыууӕ хатты йӕ фехъуыстон+,
Хъару Хуыцаумӕ кӕй ис+.
12 Дӕумӕ ис ӕнувыд уарзт дӕр, о Йегъовӕ+.
Ды алкӕмӕн дӕр фидыс йӕ хъуыддӕгтӕм гӕсгӕ+.