АХУЫРГӔНӔН ЖУРНАЛ

АХУЫРГӔНӔН СТАТЬЯТӔ

▪ Хъӕбатыр у – Йегъовӕ демӕ ис!

Библийы кӕй кой ис, уыдонӕй бирӕтӕ равдыстой уырнындзинад ӕмӕ хъӕбатырдзинад. Сӕ царды хабӕрттӕй кӕцыдӕртӕм куы ’ркӕсӕм, уӕд нӕ уырнындзинад бафидар уыдзӕн, стӕй нын уый баххуыс кӕндзӕн Йегъовӕйӕн хъӕбатырӕй лӕггад кӕнынӕн. Ацы статьяйӕ ма базондзыстӕм 2013 азы стих дӕр.

▪ Йегъовӕйӕ дӕ мацы адард кӕнӕд

▪ Йегъовӕмӕ ӕввахсдӕр кӕн

Царды бирӕ цыдӕртӕ нӕхӕдӕг не ’взарӕм, зӕгъӕм, нӕ ныййарджыты, нӕ хӕрз хотӕ ӕмӕ ӕфсымӕрты, стӕй нӕ райгуырӕн бынат дӕр. Фӕлӕ, Йегъовӕимӕ хӕлӕрттӕ уӕм ӕви нӕ, уый та нӕхӕдӕг ӕвзарӕм. Нӕхицӕй кӕнгӕ у, ӕввахс ӕм кӕндзыстӕм ӕви нӕ. Ацы статьяты дзырд цӕудзӕн, Йегъовӕйӕ кӕй тыххӕй хъуамӕ ма адард уӕм, ахӕм авд хъуыддагыл.

▪ Хуыцауӕн лӕггад кӕн ӕнӕ фӕсмонӕй

Ӕвӕццӕгӕн нӕ иу дӕр ахӕм нӕй, ӕмӕ йӕ ма фӕнда рӕстӕг фӕстӕмӕ раздахын ӕмӕ цыдӕр ӕндӕрхуызон саразын. Фӕлӕ хъуамӕ ахӕм фӕсмойнаг хъуыдытӕн бар ма раттӕм, цӕмӕй нӕ Хуыцауӕн лӕггад кӕнын хъыгдарой. Ацы статьяйы ӕркӕсдзыстӕм, апостол Павел нын фӕзминаг цӕмӕй у ӕмӕ нӕ бон куыд у Хуыцауӕн дарддӕр ӕнӕ фӕсмонӕй лӕггад кӕнын.

▪ Хистӕр нӕлгоймӕгтӕ сты «не ’мкусджытӕ, цӕмӕй нын нӕ циныл цин ӕфтауой»

Павел коринфӕгтӕм йӕ дыккаг фыстӕджы йӕхи тыххӕй ӕмӕ йе ’мбӕлтты тыххӕй ныффыста, зӕгъгӕ, мах «стӕм уе ’мкусджытӕ, цӕмӕй уын уӕ циныл цин ӕфтауӕм» (2 Кор. 1:24). Павелы ныхӕстӕй хистӕр нӕлгоймӕгтӕн сӕ бон зондӕн райсын цы у? Ӕмӕ махӕй алкӕмӕн дӕр йӕ бон цы у аразын, цӕмӕй не ’мбырды хотӕ ӕмӕ ӕфсымӕртӕм фылдӕр циндзинад уа? Ацы фарстатӕн дзуапп базондзыстӕм ацы статьяйӕ.