Фарстыты асыкк
◼ Библи кӕимӕ ахуыр кӕнӕм, уыдонӕн нӕ бон куыд у баххуыс кӕнын, цӕмӕй донаргъуыд райсой ӕмӕ Йесо Чырыстийы ахуыргӕнинӕгтӕ суой?
Уымӕн иууыл хуыздӕр уыдзӕн: 1) семӕ алы къуыри дӕр хӕдзары Библи ахуыр кӕн, цӕмӕй сӕ уырнындзинад фидардӕр кӕна; 2) разӕнгард сӕ кӕн, цӕмӕй алы къуыри дӕр ӕмбырды фондз фембӕлдмӕ иудадзыг цӕуой ӕмӕ сӕ цӕмӕй хайад исой ӕмӕ 3) Библийы домӕнтӕм гӕсгӕ куы цӕрой, уӕд сын ӕххуыс кӕн, цӕмӕй уацамынды хайад исын райдайой ӕмӕ сын уыцы хъуыддаг амон.
Йесо Чырысти йӕ фӕдылдзӕуджытӕн бафӕдзӕхста, цӕмӕй ахуыргӕнинӕгтӕ цӕттӕ кодтаиккой, аргъуыд сын лӕвӕрдтаиккой ӕмӕ сӕ йӕ фӕдзӕхстытӕ ӕххӕст кӕнын ахуыр кодтаиккой. Уыцы фӕдзӕхст хауы абоны чырыстӕттӕм дӕр. Уый бӕрӕг у ахӕм ныхӕстӕй: «Ӕмӕ мӕнӕ, Ӕз сымахимӕ ӕппӕт бонты, дунейы фӕуынмӕ [«ацы цардӕвӕрды кӕронмӕ», НД]» (Матф. 28:19, 20).
Ахуыргӕнинаг у, кӕйдӕр цӕстӕнгӕстыл, ахуырӕдтыл разы чи у ӕмӕ сӕ зӕрдиагӕй чи парахат кӕны, ахӕм адӕймаг. Уымӕ гӕсгӕ аргъуыд чи исы, уыдон хъуамӕ ӕрмӕст Библийы сӕйраг ахуырӕдтӕ ма зоной, фӕлӕ ма хъуамӕ ӕвдисой, Иегъовӕйы рӕстаг уагӕвӕрдтӕ кӕй ӕмбарынц ӕмӕ сӕ цард уыдонмӕ гӕсгӕ кӕй аразынц, уый. Уымӕй уӕлдай ма, куыд Йесо Чырыстийы ахуыргӕнинӕгтӕ, афтӕ аргъ кӕнынц Иегъовӕйы зӕххон организацийӕн ӕмӕ разы сты, Йесо Чырысти «ӕууӕнкджын ӕмӕ зондджын цагъары» уылты разамынд кӕй цӕуы, ууыл (Матф. 24:45—47; Ап. к. 1:8). Ныртӕккӕ ӕвӕстиатӕй архайын кӕй хъӕуы, уый кӕй ӕмбарынц, уымӕ гӕсгӕ Иегъовӕйы адӕмимӕ иумӕ ӕххӕст кӕнынц, Йесо кӕй райдыдта ӕмӕ йӕ фӕдылдзӕуджытӕн кӕй бафӕдзӕхста, уыцы хъуыддаг (Лук. 8:1; Матф. 24:14). Уыцы ахуыргӕнинӕгтӕ донаргъуыд кӕй райсынц, уымӕй ӕвдисынц, сӕхи ӕппӕт зӕрдӕйӕ дӕр Иегъовӕ Хуыцауӕн кӕй снывонд кодтой, уый. (Абар Псалом 39:9.)
Хорз ма уыдзӕн зӕрдыл дарын, Библи кӕимӕ ахуыр кӕнӕм, уыдонӕн кӕй ӕххуыс кӕнӕм нӕ ахуыргӕнинӕгтӕ нӕ, фӕлӕ Йесо Чырыстийы ахуыргӕнинӕгтӕ суӕвынӕн. Нӕ бон куы нӕ уа нӕ сӕрмагонд уавӕрты тыххӕй, нӕ рӕстӕджы, нӕ курдиӕттӕ кӕнӕ ӕндӕр ахсджиаг фарстаты тыххӕй, Библи кӕимӕ ахуыр кӕнӕм, уымӕн ахуыргӕнинаг суӕвынӕн баххуыс кӕнын, уӕд хъуамӕ ууыл аныхас кӕнӕм хистӕр нӕлгоймӕгтимӕ. Уыдон нын бауынаффӕ кӕндзысты, цы ис саразӕн, цӕмӕй ахуыргӕнинагӕн йӕ уырнындзинад фидардӕр кӕна, 1 Коринфӕгты 3:5—9-ӕм стихты апостол Павел куыд загъта, уымӕ гӕсгӕ.