Лӕггаддзинады фембӕлдтӕ январы

10 январӕй райдайгӕ къуыри

Зарӕг № 107.

10 мин.: Бынӕттон хъусинӕгтӕ. Цалдӕр хъусинаджы «Нӕ паддзахадон лӕггаддзинад»-ӕй.

15 мин.: «Иегъовӕйы ном хъусын кӕнӕм ӕппӕт зӕххыл». Статья ӕвзӕрст цӕуы фарстытӕ ӕмӕ дзуаппытӕм гӕсгӕ. Спайда ма кӕн, ӕнӕнхъӕлӕджы искӕимӕ ныхас кӕнын куы райдайай, уый тыххӕй чиныг «Нӕ лӕггаддзинад»-ы 93-ӕм ӕмӕ 94-ӕм фӕрстыл (уырыс.) цы уӕлӕмхасӕн ӕрмӕг ис, уымӕй,.

20 мин.: «Закъонмӕ гӕсгӕ нын бар ис ӕнӕ тугӕй хос кӕнынӕн». Фӕлтӕрдджын хистӕр нӕлгоймаджы раныхас. Фембӕлды фӕстӕ аргъуыд хъусынгӕнджытӕй кӕй фӕнда, уыдонӕн сӕ бон уыдзӕн райсын «Медицинон документы» ног бланк, чырыстон ныййарджытӕй ӕнӕаргъуыд ӕнахъом сывӕллӕттӕ кӕмӕн ис, уыдонӕн та сӕ бон уыдзӕн райсын бланк «Удгоймаджы бӕлвырдгӕнӕн». Ацы документтӕ абон дзаг кӕнын нӕ хъӕуы. Цӕмӕй документ юридикон ӕгъдауӕй раст уа, уый тыххӕй йӕ алчидӕр хъуамӕ лӕмбынӕг бакӕса, раст ӕй байдзаг кӕна, нымӕц дзы ныффысса, ӕмӕ йыл уый фӕстӕ йӕ къух ӕрфысса дыууӕ ӕвдисӕны цур, кӕцытӕ сӕ къухфыстытӕй сфидар кӕндзысты, документы цы ис фыст, ууыл адӕймаг ӕмбаргӕйӕ ӕмӕ барвӕндонӕй кӕй разы кӕны, уый. Цалынмӕ документыл исчи йӕ къух ӕрфысса, уӕдмӕ хъӕуы ӕркӕсын документ раст дзаг у ӕви нӕ. Хъусынгӕнджытӕн документ ӕмӕ йӕ текст юридикон ӕгъдауӕй ӕнӕмӕнгхъӕугӕ не сты. Закъонмӕ гӕсгӕ алкӕмӕндӕр ис (кӕнӕ нӕй) ацы бланктӕй пайда кӕныны бар, ӕмӕ ма сын сӕ текст ивыны бар дӕр. Бланк лӕвӕрд цӕуы Иегъовӕйы Ӕвдисӕнтӕн туг уадзыны тыххӕй цы цӕстӕнгас ис, уымӕн, ӕмӕ сын ӕххуыс кӕны, уӕлдайдӕр ӕнӕбыхсгӕ уавӕрты хорз медицинон ӕххуыс райсынӕн, цыран туг уадзын нӕ хъӕуы (Куыстытӕ 15:28, 29; Фӕсномыг ныхӕстӕ 22:3а). Фӕлӕ уынаффӕ алчидӕр йӕхӕдӕг хӕссы. Брошюрӕ «Туг дӕ куыд фервӕзын кӕндзӕн?»-ы дзырдӕуы, зӕгъгӕ, «уынаффӕ хӕссыс ды, рынчын кӕнӕ ныййарӕг. Цӕмӕн? Уымӕн ӕмӕ ацы уавӕры хъуыддаг хауы дӕхимӕ (кӕнӕ сывӕллонмӕ), дӕ цардмӕ, дӕ этикон нормӕтӕм ӕмӕ ӕппӕты ахсджиагдӕр — дӕ ахастытӕм Хуыцауимӕ». Уӕрӕсейы Федерацийы закъонмӕ гӕсгӕ 15-аздзыд адӕймагӕн ис бар, цӕмӕй уынаффӕ хӕсса куыд хос кӕндзӕн, уымӕн. Уымӕ гӕсгӕ 15-⁠аздзыд аргъуыд хъусынгӕнджытӕн сӕ бон у байдзаг кӕнын сӕ документ. Ӕнӕаргъуыд хъусынгӕнджытӕн сӕ бон у сӕхицӕн документ саразын, бланкы текст сӕ уавӕртӕ ӕмӕ сӕ уырнындзинӕдтӕм гӕсгӕ фӕивгӕйӕ. «Удгоймаджы бӕлвырдгӕнӕн» сывӕллӕттӕн, сӕйраджыдӕр, уагъд у ахӕм бинонтӕн, цыран ныйарджытӕ дыууӕ дӕр сты Иегъовӕйы Ӕвдисӕнтӕ. Ныййарӕг иунӕгӕй куы хъомыл кӕна сывӕллоны, кӕнӕ иннӕ ныййарӕг Ӕвдисӕн куы нӕ уа ӕмӕ Ӕвдисӕн цы ныййарӕг у, уый цӕстӕнгӕстӕ йӕ зӕрдӕмӕ куы нӕ цӕуой, уӕд текст фӕивын хъӕуы уавӕртӕм гӕсгӕ. Ацы документ иннӕ ныййарӕгӕн дӕр дӕтты бар, цӕмӕй йӕ сывӕллонӕн хос кӕна, куыд ӕй фӕнды, афтӕ. Закъонмӕ гӕсгӕ алы уавӕры дӕр сӕйраг у сывӕллоны цард. Цӕмӕй мачи стыхса, уый тыххӕй хъусынгӕнджытӕ хъуамӕ рагацау байдзаг кӕной бланктӕ сӕ уавӕртӕ ӕмӕ сӕ уырнындзинӕдтӕм гӕсгӕ ӕмӕ сыл хъуамӕ сӕ къух ӕрфыссой ӕвдисӕнты цур. Уый саразӕн ис, ацы фембӕлды фӕстӕ цы чиныгахуыркӕнынад уа, уым. Куы бахъӕуа, уӕд хъусынгӕнджытӕн сӕ бон у ӕххуысмӕ бацӕуын чиныгахуыркӕнынады разамонджытӕм, кӕцытӕн сӕ бон цы у, уымӕй сын баххуыс кӕндзысты.

Зарӕг № 155 ӕмӕ кӕронбӕттӕн куывд.

17 январӕй райдайгӕ къуыри

Зарӕг №12.

10 мин.: Бынӕттон хъусинӕгтӕ. Ӕхцайы хыгъд.

15 мин.: Бынӕттон домӕнтӕ.

20 мин.: «Трактаттӕй пайда кӕн ныхас райдайынӕн». Ӕрдзур уӕ территорийы арӕхдӕр цы трактаттӕй пайда кӕнынц, уыдоныл; равзар дзы цыппар. Алы трактатмӕ дӕр фарст ратт, цӕмӕй йыл трактатӕй дзуапп раттӕн уа. Зӕгъ хъусджытӕн, цӕмӕй радзурой куыд ис спайдагӕнӕн фарстайӕ искӕимӕ ныхас кӕнын ӕмӕ, гӕнӕн уӕвгӕйӕ, Библи ахуыр кӕнын райдайынӕн. Дыууӕ трактатӕй равдис, куыд ӕй ис саразӕн.

Зарӕг № 57 ӕмӕ кӕронбӕттӕн куывд.

24 январӕй райдайгӕ къуыри

Зарӕг № 110.

10 мин.: Бынӕттон хъусинӕгтӕ ӕмӕ уацамындӕй цалдӕр цауы.

15 мин.: «Алы бон дӕр хъус Иегъовӕйы Ныхасмӕ!» Раныхас ӕмӕ ныхас хъусджытимӕ. Алкӕйдӕр сразӕнгард кӕн, цӕмӕй пайда кӕной брошюрӕйӕ «Алы бон дӕр ӕвзар Фыстытӕ — 2000», (уыр.). Спайда кӕн разныхасы хъуыдытӕй, 3, 4 фӕрстӕ. Зӕгъ хъусджытӕн, цӕмӕй радзурой алы бон дӕр куыд ӕвзарынц ӕрвылбоны текст ӕмӕ йӕм цы комментаритӕ ис, уыдон.

20 мин.: «Ды дзы уыдзынӕ?» Хистӕр нӕлгоймаг рацӕудзӕн ныхасимӕ ӕмӕ цардӕй ӕрхӕсдзӕн цӕвиттонтӕ. Библион рӕстӕджытӕй абоны онг стыр ӕмбырдтӕн уыд ӕмӕ ис стыр нысаниуӕг Хуыцауы адӕмы фидар кӕнынӕн. (Кӕс брошюрӕ «Иегъовӕйы Ӕвдисӕнтӕ Хуыцауы фӕндон иумӕйагӕй ӕххӕст кӕныц ӕппӕт зӕххыл», 19 ф.) Алкӕйдӕр сразӕнгард кӕн, цӕмӕй сӕхи абонӕй райдайой цӕттӕ кӕнын ацы азы областон конгрессы ӕртӕ бонмӕ дӕр. Зӕгъ хъусджытӕн, цӕмӕй сӕхи цардӕй ӕрхӕссой цӕвиттонтӕ, кӕцытӕ ӕвдисынц, конгресмӕ сӕ зӕрдиагӕй кӕй фӕндыд цӕуын, уый духовон ӕгъдауӕй арфӕгонд куыд ӕрцыд.

Зарӕг № 157 ӕмӕ кӕронбӕттӕн куывд.

31 январӕй райдайгӕ къуыри

Зарӕг № 16.

12 мин.: Бынӕттон хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй январы уацамынды хыгъд раттой. Зӕгъ сын, февралы кӕй парахат кӕндзыстӕм чиныг «Бинонты амонды сусӕгдзинад». Равдис, ныхас райдайынӕн куыд ис спайдагӕнӕн 12-ӕм фарсыл рамкӕйы цы ӕртӕ фарст ис, уыдонӕй.

15 мин.: Дзуапп фарстӕн, зӕгъгӕ, цӕст дарын кӕмӕ хъӕуы. Хистӕр нӕлгоймаджы раныхас, бындуриуӕг кӕны 1999 азы 15 июлы «Хъахъхъӕнӕг мӕсыг»-ыл, 29—31 фӕрстӕ (уырыс.).

18 мин.: Адӕмӕн куыд баххуыс кӕндзыстӕм ӕцӕг дин раиртасынӕн. Фӕлтӕрдджын службӕйон ӕххуысгӕнӕг ныхас кӕны дыууӕ-ӕртӕ фӕлтӕрдджын хъусынгӕнӕгимӕ. Уыдон ныхас кӕнынц, Иегъовӕйы Ӕвдисӕнтӕ адӕмыл куыд ӕндавынц, ӕмӕ адӕм уӕддӕр кӕй нӕ уынынц, нӕ дин иннӕ динтӕй цӕмӕй хицӕн кӕны, уый. Равзар дӕс пункты, кӕцытӕ сты 1995 азы 8 майы «Райхъал ут!»-ы 20-ӕм фарсыл (уырыс.). Бамбарын кӕн, сыгъдӕгзӕрдӕ адӕймаг ацы хицӕндзинӕдтӕ куы зона, уӕд куыд базондзӕн ӕцӕг кувынад мӕнг кувынадӕй цӕмӕй хицӕн кӕны, ӕмӕ Иегъовӕйы адӕмимӕ иумӕ ахуыр кӕнын ӕмӕ фембӕлдты ӕмбырд кӕнын кӕй хъӕуы, уый.

Зарӕг № 60 ӕмӕ кӕронбӕттӕн куывд.

7 февралӕй райдайгӕ къуыри

Зарӕг № 113.

8 мин.: Бынӕттон хъусинӕгтӕ.

17 мин.: Афӕлгӕст чиныгыл «Данелы пехуымпарад». Раныхас ӕмӕ ныхас хъусджытимӕ. Равзар ног чиныджы сӕрты нӕмттӕ, рӕсугъд къамтӕ, алы сӕры фӕстӕ дӕр рамкӕйы фӕлхат кӕнынӕн цы фарстытӕ ис, уыдон; цаутӕ лӕмбынӕг цы картӕтӕ ӕмӕ таблицӕты цӕуынц ӕвзӕрст, уыдон. Равзар, Михаил ӕнахуыр хуызы куыд «растдзӕн», уый (288—290 фӕрстӕ). Аныхас кӕн, мах дӕр, куыд Хуыцауы Ныхас ахуыргӕнджытӕ, афтӕ нӕ кӕронмӕ цӕмӕн хъӕуы бафӕразын (311, 312 фӕрстӕ). Мах иуылдӕр хъуамӕ ацы чиныг лӕмбынӕг бакӕсӕм ӕмӕ цымыдисгӕнӕг адӕмы дӕр уымӕ сразӕнгард кӕнӕм.

20 мин.: Уыдон зондджын уынаффӕ рахастой. Раныхас, бындуриуӕг кӕны 1997 азы 15 октябры «Хъахъхъӕнӕг мӕсыг»-ыл 19—21 фӕрстӕ, 3—16 абзацтӕ (уырыс.). Пионерты ныхӕстӕ сфӕлхат кӕн ӕмӕ бамбарын кӕн, уыдон цӕмӕн загътой, тынг хорз кӕй цӕрынц, ӕмӕ стыр пайда кӕй хӕссынц. Хъусджыты сразӕнгард кӕн, цӕмӕй ӕркӕсой сӕ уавӕртӕм, пионертӕй сӕ бон лӕггад кӕнын суыдзӕн ӕви нӕ.

Зарӕг № 182 ӕмӕ кӕронбӕттӕн куывд.