Дзуапдӕттӕг аппарат дын дзуапп куы ратта, уӕд цы зӕгъдзынӕ?

Телефон хорз мадзал у, хӕдзары кӕй нӕ баййафӕм кӕнӕ зын бацӕуӕн кӕдӕм у, ахӕм бынӕтты чи цӕры, уыцы адӕмӕн хорз хабар фехъусын кӕнынӕн. Фӕлӕ фылдӕр адӕм телефоны хӕтӕл нӕ сисынц, куы сӕм фӕдзурынц, уӕд – сӕ бӕсты дзуапп ратты дзуапдӕттӕг аппарат (автоответчик). Куыд бакӕндзынӕ, дзуапдӕттӕг аппарат дын дзуапп куы ратта, уӕд? Хӕтӕл-иу ма ӕрӕвӕр. Хъуамӕ дӕм уа, рагацау кӕй бацӕттӕ кодтай ӕмӕ кӕй ныффыстай, ахӕм дзуапп, цӕмӕй йӕ дӕ бон уа бакӕсын. Бакӕс ӕй фӕлмӕн ӕмӕ, ӕнӕуи куыд фӕдзурыс, ахӕм хъӕлӕсӕй. Цы ис зӕгъӕн?

Зӕрдиагӕй йӕ фӕхон, иннӕ къуыри Паддзахады залы цы ӕргом раныхас уыдзӕн, уымӕ. Дӕ бон у зӕгъын: «Хъыг мын у, хӕдзары дӕ кӕй нӕ баййӕфтон. Кӕд дӕ фӕнды байхъусын Библийы бындурыл арӕзт раныхасмӕ [ӕргом раныхасӕн йӕ ном], уӕд, дӕ хорзӕхӕй, ӕрбацу Иегъовӕйы Ӕвдисӕнты Паддзахады залмӕ. Алкӕй дӕр хонӕм. Ӕхца фидын дзы нӕ хъӕуы». Уый фӕстӕ зӕгъ, фембӕлд кӕд ӕмӕ цафон уыдзӕн, стӕй йын бамбарын кӕн, Паддзахады зал цы ран ис кӕнӕ йӕм куыд цӕуын хъӕуы, уый.

Дӕ хъус дар, фембӕлдтӕм ногӕй чи ӕрбацӕуы, уыдонмӕ. Семӕ-иу базонгӕ у ӕмӕ-иу сыл бацин кӕн. Зӕгъ-ма-иу сын Библи хӕдзары лӕвар ахуыр кӕныны тыххӕй.