Лӕггаддзинады фембӕлдты расписани

8 январӕй райдайгӕ къуыри

Зарӕг № 90.

7 мин. Бынӕттон хъусинӕгтӕ. Цалдӕр хъусинаджы «Нӕ паддзахадон лӕггаддзинад»-ӕй.

18 мин. Куыд ис бацӕттӕгӕнӕн адӕймагимӕ ныхас райдайынмӕ. Раныхас ӕмӕ равдыстытӕ. Равзар сӕйраг хъуыдытӕ брошюрӕйӕ «Куыд райдайӕм ӕмӕ куыд адарддӕр кӕнӕм нӕ ныхас Библийыл», 2 фарс (уыр.). Равдис, куыд у нӕ бон брошюрӕйӕ ахӕм цӕвиттонтӕй спайда кӕнын, нӕхицӕн ӕнцондӕр куыд уой ӕмӕ нӕ территорийы адӕмы цы тыхсын кӕны, ууыл дзурӕг куыд уой. Равзар цалдӕр цӕвиттоны, брошюрӕ «Цы домы» куыд ис дӕттӕн, ӕмӕ дзы иу-дыууӕ равдис. (Кӕс «Нӕ паддзахадон лӕггаддзинад», 1997 аз, апрель, 8 ф., уыр.) Се ’ппӕты дӕр сразӕнгард кӕн, брошюрӕйы «Куыд райдайӕм ӕмӕ куыд адарддӕр кӕнӕм нӕ ныхас Библийыл» ӕмӕ «Нӕ паддзахадон лӕггаддзинад»-ы цы цӕвиттонтӕ ис, уыдонӕй уацамынды ӕнтыстджынӕй пайда кӕнынмӕ.

20 мин. «Лӕмбынӕг хъусӕг у». Раныхас ӕмӕ ныхас хъусджытимӕ. Равзар цалдӕр хъуыдыйы чиныг «Скъолайы разамынд»-ӕй, 27, 28 фӕрстӕ, 15—17 абзацтӕ (уыр.). Куыд хъусӕм, уый ӕппӕты хуыздӕр сбӕлвырд кӕнӕн ис, цас бахъуыды кӕнӕм, уымӕ гӕсгӕ. Хъусджытӕн зӕгъ, цӕмӕй ӕрхъуыды кӕной, уыцы бон Теократон лӕггаддзинады скъолайы хайадисджытӕ цы цымыдисаг хъуыдытӕ загътой, уыдонӕй цалдӕр.

Зарӕг № 96 ӕмӕ кӕронбӕттӕн куывд.

15 январӕй райдайгӕ къуыри

Зарӕг № 51.

15 мин. Бынӕттон хъусинӕгтӕ. Ӕхцайы хыгъд. «Фарстыты асыкк».

10 мин. Бынӕттон домӕнтӕ.

20 мин. Алыбон дӕр Фыстытӕ ӕвзарыс? Раныхас ӕмӕ ныхас цалдӕр адӕймагимӕ. Равзар цалдӕр хъуыдыйы «Хъахъхъӕнӕг мӕсыг»-ӕй, 1996 аз, 15 декабрь, 17, 18 фӕрстӕ, 12—14 абзацтӕ (уыр.) ӕмӕ равдис, алыбон дӕр бинонтимӕ стих ӕвзарын зондджын ми кӕй у, уый. Райс интервью бинонтӕй. Уыдонӕй алчи дӕр дзуры, фӕстаг хатт ӕрвылбоны стих куыд ӕвзӕрстой ӕмӕ сын уӕлдай тынг куыд баххуыс кодта ӕмӕ уый афтӕ цӕмӕн уыд, уый тыххӕй. Бахахх кӕн, ӕрвылбоны стих ӕвзарын бинонтӕ кӕй хъуамӕ нымайой, иумӕ алыбон дӕр кӕй хъуамӕ кӕной, ахӕм хъуыддагыл, цӕмӕй сӕ уырнындзинад фидар кӕна ӕмӕ зӕрдиагӕй лӕггад кӕной.

Зарӕг № 67 ӕмӕ кӕронбӕттӕн куывд.

22 январӕй райдайгӕ къуыри

Зарӕг № 29.

7 мин. Бынӕттон хъусинӕгтӕ.

13 мин. «Ӕрттивӕд уӕ рухс»a. Спайда кӕн «Хъахъхъӕнӕг мӕсыг»-ӕй, 1997 аз, 1 июнь, 14, 15 фӕрстӕ, 12, 13 абзацтӕ (уыр.). Се ’ппӕты дӕр сразӕнгард кӕн хъусын кӕныны алы фадатӕй дӕр пайда кӕнынмӕ.

25 мин. Не ’нӕниздзинадыл нын кӕй мӕт кӕнынц, уый бӕлвырдгӕнӕн. Фӕлтӕрдджын хистӕр нӕлгоймаджы раныхас. Фембӕлды фӕстӕ, 15 азӕй фылдӕр кӕуыл цӕуы, ахӕм аргъуыд хъусынгӕнджытӕй кӕй фӕнда, уыдонӕн сӕ бон уыдзӕн райсын «Медицинон документы» ног бланк, чырыстон ныййарджытӕй та, 15 азӕй къаддӕр кӕуыл цӕуы, ахӕм сывӕллӕттӕ кӕмӕн ис, уыдонӕн сӕ бон уыдзӕн райсын бланк «Удгоймаджы бӕлвырдгӕнӕн». Ацы документтӕ ӕнӕмӕнг уыцы бон дзаг кӕнын нӕ хъӕуы. Цӕмӕй документ юридикон ӕгъдауӕй раст уа, уый тыххӕй йӕ алчидӕр хъуамӕ лӕмбынӕг бакӕса, раст ӕй байдзаг кӕна, кӕд ӕй байдзаг кодта, уый дзы ныффысса ӕмӕ йыл уый фӕстӕ йӕ къух ӕрфысса дыууӕ ӕвдисӕны цур, кӕцытӕ сӕ къухфыстытӕй сфидар кӕндзысты, документы цы ис фыст, ууыл адӕймаг ӕмбаргӕйӕ ӕмӕ барвӕндонӕй кӕй разы кӕны, уый. Цалынмӕ документыл исчи йӕ къух ӕрфысса, уӕдмӕ хъӕуы ӕркӕсын, документ кӕронмӕ дзаг у ӕви нӕ. Юридикон ӕгъдауӕй ӕнӕмӕнгхъӕуӕг нӕу, цӕмӕй хъусынгӕнджытӕ ацы документ ӕмӕ йӕ текстӕй пайда кӕной. Закъонмӕ гӕсгӕ алкӕмӕндӕр ис, ацы бланктӕй пайда кӕна ӕви нӕ, уый бар ӕмӕ ма сын сӕ текст ивыны бар дӕр. Бланктӕ лӕвӕрд цӕуынц, Иегъовӕйы Ӕвдисӕнтӕн туг уадзыны тыххӕй цы цӕстӕнгас ис, уый хынцгӕйӕ, ӕмӕ сын ӕххуыс кӕнынц, уӕлдайдӕр ӕнӕбыхсгӕ уавӕрты, туг уадзынимӕ баст чи нӕу, ахӕм хорз медицинон ӕххуыс райсынӕн (Ап. к. 15:28, 29; Фӕс. н. 22:3а). Фӕлӕ уынаффӕ алчидӕр йӕхӕдӕг хӕссы. Брошюрӕ «Туг дӕ куыд фервӕзын кӕндзӕн?»-ы дзырдӕуы, зӕгъгӕ, «уынаффӕ хӕссыс ды, рынчын кӕнӕ ныййарӕг. Цӕмӕн? Уымӕн ӕмӕ ацы уавӕры хъуыддаг хауы дӕхимӕ (кӕнӕ дӕ сывӕллонмӕ), дӕ цардмӕ, дӕ этикон нормӕтӕм ӕмӕ ӕппӕты ахсджиагдӕр — дӕ ахастытӕм Хуыцауимӕ». Уӕрӕсейы Федерацийы закъонмӕ гӕсгӕ 15-аздзыд адӕймагӕн ис бар, цӕмӕй йӕхӕдӕг уынаффӕ хӕсса, куыд хос кӕндзӕн, уымӕн. Уымӕ гӕсгӕ 15-аздзыд аргъуыд хъусынгӕнджытӕн сӕхи бон у сӕ документ байдзаг кӕнын. Ӕнӕаргъуыд хъусынгӕнджытӕй 15 азӕй фылдӕр кӕуыл цӕуа, уыдонӕн сӕ бон у сӕхицӕн документ саразын, бланкы текст сӕ уавӕртӕ ӕмӕ сӕ уырнындзинӕдтӕм гӕсгӕ фӕивгӕйӕ. «Удгоймаджы бӕлвырдгӕнӕн» сывӕллӕттӕн, сӕйраджыдӕр, уагъд у ахӕм бинонтӕн, цыран ныййарджытӕ дыууӕ дӕр сты Иегъовӕйы Ӕвдисӕнтӕ. Ныййарӕг иунӕгӕй куы хъомыл кӕна сывӕллоны, кӕнӕ иннӕ ныййарӕг Иегъовӕйы Ӕвдисӕн куы нӕ уа ӕмӕ Ӕвдисӕн цы ныййарӕг у, уый цӕстӕнгӕстимӕ разы куы нӕ уа, уӕд текст фӕивын хъӕуы уавӕртӕм гӕсгӕ. Ацы документ иннӕ ныййарӕгӕн дӕр дӕтты бар, цӕмӕй йын уа йӕхи цӕстӕнгас, йӕ сывӕллонӕн ӕй хос кӕнын куыд фӕнды, уый тыххӕй. Закъонмӕ гӕсгӕ алы уавӕры дӕр сӕйраг у сывӕллоны цард. Хъусынгӕнджытӕн цӕмӕй ӕнцондӕр уа, уый тыххӕй сӕ бон у бланктӕ рагацау байдзаг кӕнын, сӕ уавӕртӕ ӕмӕ сӕ уырнындзинӕдтӕм гӕсгӕ, ӕмӕ сыл уый фӕстӕ сӕ къух ӕрфыссын ӕвдисӕнты цур.

Зарӕг № 1 ӕмӕ кӕронбӕттӕн куывд.

29 январӕй райдайгӕ къуыри

Зарӕг № 139.

10 мин. Бынӕттон хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй январӕн уацамынды хыгъд радтой. Зӕгъ, февралы цавӕр литературӕ парахат кӕндзыстӕм, уый тыххӕй, уӕлдайдӕр та ӕмбырды цы чингуытӕ ис, уыдоны тыххӕй.

15 мин. Хуыздӕр базон де Сфӕлдисӕджы. Раныхас бындуриуӕг кӕны «Хъахъхъӕнӕг мӕсыг»-ыл, 1999 аз, 1 июль, 18 фарс ӕмӕ 1999 аз, 15 июнь, 25, 26 фӕрстӕ (уыр.), ӕмӕ цӕттӕ кӕны ӕмбырд чиныг «Ӕнувыд Сфӕлдисӕг уӕвы?»-йы ахуырмӕ. Ӕрыгӕтты сразӕнгард кӕн алы къуыри дӕр чиныгахуыркӕнынады хайад исынмӕ. Иууылдӕр бацархайдзыстӕм, цӕмӕй уыцы фембӕлд ма цух кӕнӕм, уымӕн ӕмӕ нӕ фӕнды нӕ диссаджы Сфӕлдисӕджы хуыздӕр базонын.

20 мин. «Ныййарджытӕ, уӕ сывӕллӕтты хорз миниуджытыл ахуыр кӕнут». Раныхас ӕмӕ ныхас, сӕ сывӕллӕттӕ уырнындзинады фидар кӕмӕн сты, уыцы ныййарджытимӕ. Ныййарджытӕ дзурынц, сӕ сывӕллӕттӕн хъусын кӕныны хъуыддаджы зӕрдиагӕй хайад исынӕн куыд ӕххуыс кӕнынц, уый тыххӕй. Рӕстӕг ма куы уа, уӕд равзар цалдӕр хъуыдыйы чиныг «Бинонты сусӕгдзинад»-ӕй, 55—59-ӕм фӕрстӕ (уыр.).

Зарӕг № 149 ӕмӕ кӕронбӕттӕн куывд.

5 февралӕй райдайгӕ къуыри

Зарӕг № 168.

10 мин. Бынӕттон хъусинӕгтӕ.

15 мин. «Дӕ циндзинад ма фесаф»b. Спайда кӕн «Хъахъхъӕнӕг мӕсыг»-ӕй, 1995 аз, 15 январь, 16—20 фӕрстӕ, 4, 7, 11, 13, 16 абзацтӕ (уыр.) ӕмӕ равдис, Хуыцауӕн лӕггадгӕнгӕйӕ нӕ циндзинад цӕй руаджы фылдӕр кӕны, уый.

20 мин. Дӕ бон у хорз хиирхӕфсӕнтӕ равзарын. Бинонтӕ ныхас кӕнынц, «Райхъал ут!»-ы, 1997 аз, 22 май (уыр), цы уынаффӕтӕ ис, уыдоныл. Фыд тыхсы, йӕ бинонты зӕрдӕмӕ цы ирхӕфсӕнтӕ цӕуынц, ууыл. Раздӕр уал цыбыртӕй дзурынц темӕйыл, «Цы ӕрцыд хиирхӕфсӕнтыл?», зӕгъгӕ (4—7 ф.), стӕй ӕргом здахынц хорз хиирхӕфсӕнтӕм. Равзар чиныг «Нӕ лӕггаддзинад»-ы (уыр.), 131, 132 фӕрстӕ, сӕргонд «Улӕфт», ӕмӕ 134—136 фӕрстӕ, сӕргонд «Алцыдӕр кӕнут Хуыцауы кадӕн». Бахахх кӕн, уыцы хъуыддаджы ныййарджытӕ кӕй хъуамӕ дӕттой разамынд ӕмӕ бинонтӕ сӕ кӕрӕдзийӕн кӕй хъуамӕ ӕххуыс кӕной, уый.

Зарӕг № 190 ӕмӕ кӕронбӕттӕн куывд.

[Фиппаинӕгтӕ]