Лӕггаддзинады фембӕлдты расписани

ФИППАИНАГ: Сӕрды мӕйты «Нӕ паддзахадон лӕггаддзинад»-ы мыхуыр цӕудзӕн лӕггаддзинады фембӕлдты расписани алы къуырийӕн дӕр. Куы бахъӕуа, уӕд ӕмбырдтӕн сӕ бон у ивындзинӕдтӕ бахӕссын, облӕстон конгресмӕ, «Хуыцауы Ныхас амонджытӕ», зӕгъгӕ, кӕй цӕудзысты, уымӕ гӕсгӕ. Конгресмӕ ма иу къуыри куы баззайа, уӕд кӕм хъӕуа, уым лӕггаддзинады фембӕлды 15 минуты рахицӕн кӕнут ӕмӕ сфӕлхат кӕнут, «Нӕ паддзахадон лӕггаддзинад»-ы майы номыры уӕлӕмхасӕн сыфыл цы уынаффӕтӕ ис, уыдон. Октябры мӕйы лӕггаддзинады фембӕлдтӕй иу хъӕудзӕн ӕнӕхъӕнӕй дӕр рахицӕн кӕнын, цӕмӕй сфӕлхат кӕнат конгрессы программӕйы фиппаинаг хъуыдытӕ. Цӕмӕй уымӕ цӕттӕ уӕм, уый тыххӕй алкӕй бон дӕр у конгрессы рӕстӕджы цымыдисаг хъуыдытӕ фыссын, уыимӕ нӕ нӕ царды ӕмӕ уацамынды спайда кӕнын кӕмӕй фӕндид, ахӕмтӕ. Уӕд цӕттӕ уыдзыстӕм, конгрессы фӕстӕ уыцы уынаффӕтӕй куыд спайда кодтам, уый тыххӕй радзурынмӕ. Алкӕмӕндӕр ӕхсызгон уыдзӕн, куы фехъусой, конгрессы цы хорз амындтӕ райстам, уыдон нын куыд баххуыс кодтой, уый тыххӕй.

11 июнӕй райдайгӕ къуыри

Зарӕг № 178.

10 мин. Бынӕттон хъусинӕгтӕ. Цалдӕр хъусинаджы «Нӕ паддзахадон лӕггаддзинад»-ӕй. Равзар, уӕлдӕр лӕггаддзинады фембӕлды ивындзинӕдты тыххӕй цы фиппаинаг ис, уый, стӕй зӕгъ, облӕстон конгрессы фиппаинаг хъуыдытыл октябры кӕцы лӕггаддзинады фембӕлды ныхас кӕндзыстут, уый тыххӕй. Се ’ппӕты дӕр сразӕнгард кӕн, цӕмӕй бакӕсой видеофильммӕ, «Нацистты ӕфхӕрд нӕ басаста Иегъовӕйы Ӕвдисӕнты», зӕгъгӕ, ӕмӕ цӕттӕ уой 25 июнӕй райдайгӕ къуыри ууыл лӕггаддзинады фембӕлды ныхас кӕнынмӕ.

15 мин. «Дарддӕр дӕр „хорздзинад кӕн“». Хистӕр нӕлгоймаджы разӕнгардгӕнӕг раныхас.

20 мин. «Библи кӕимӕ ахуыр кӕныс, уымӕн йӕ зӕрдӕ ссар»a. Радт, спайдагӕнӕн кӕмӕй ис, ахӕм уынаффӕтӕ, цымыдисгӕнаг адӕмӕн куыд ис баххуыс кӕнӕн сӕ уырнындзинад бафидар кӕнынӕн, стӕй Иегъовӕ ӕмӕ Йесойы бауарзынӕн. Спайда кӕн, «Хъахъхъӕнӕг мӕсыджы» 1999 азы 1 августы номыры 14-ӕм фарсыл 18—20-ӕм абзацты цы сӕйраг хъуыдытӕ ис, уыдонӕй.

Зарӕг № 184 ӕмӕ кӕронбӕттӕн куывд.

18 июнӕй райдайгӕ къуыри

Зарӕг № 194.

5 мин. Бынӕттон хъусинӕгтӕ. Ӕхцайы хыгъд.

10 мин. Куыд ис ныхас адарддӕр кӕнӕн, нӕ ныхмӕ чи дзура, уыдонимӕ. Ныхас хъусджытимӕ. Ӕрныхас кӕн, брошюрӕйы, «Куыд райдайӕм ӕмӕ куыд адарддӕр кӕнӕм нӕ ныхас Библийыл», зӕгъгӕ (уыр.), 7, 8-ӕм фӕрстыл цы цӕвиттонтӕ ис, уыдоныл. 8—12-ӕм фӕрстыл цы цӕвиттонтӕ ис, уыдонӕй равзар, уӕ территорийы адӕм арӕхдӕр уӕ ныхмӕ цы фӕдзурынц, уыдон. Хъусджытӕн зӕгъ, цӕмӕй радзурой, дзуапп арӕхдӕр куыд фӕдӕттынц ӕмӕ ӕнтыстджын цӕмӕ гӕсгӕ вӕййы, уый тыххӕй.

30 мин. «Дӕ бон у зӕгъын: «Мӕнӕ ӕз»? Разӕнгардгӕнӕг раныхас. Бацӕттӕ кӕн фарстытӕ 13 ӕмӕ 18—24-ӕм абзацтӕм ӕмӕ сыл хъусджытимӕ ӕрныхас кӕн. Ныййарджыты сразӕнгард кӕн, цӕмӕй сӕ сывӕллӕттӕн баххуыс кӕной Вефилы лӕггаддзинад сӕ царды сӕйраг нысан скӕнынӕн. Зӕгъ, цӕмӕй бинонтӕ ацы уӕлӕмхасӕн сыф иумӕ равзарой, Библи куы ахуыр кӕной, уӕд.

Зарӕг № 197 ӕмӕ кӕронбӕттӕн куывд.

25 июнӕй райдайгӕ къуыри

Зарӕг № 2.

15 мин. Бынӕттон хъусинӕгтӕ. Зӕгъ, июль ӕмӕ августы цавӕр литературӕ парахат кӕнын хъӕудзӕн, уый тыххӕй. Уе ’мбырды цы брошюрӕтӕ ис, уыдонӕй дыууӕ равзар ӕмӕ зӕгъ, цы хорз хъуыдытӕ дзы ис, уыдоны тыххӕй. Уацамынды сӕ пайдагӕнӕн куыд ис, уымӕн хорз бацӕттӕ кӕн дыууӕ равдысты. Куыд ма сӕ ис дӕттӕн, уый тыххӕй кӕс «Нӕ паддзахадон лӕггаддзинад»-ы 1995—1998 азты июль ӕмӕ августы номырты, фӕстаг фӕрстыл (уыр.).

30 мин. «Нӕ басастӕн! Нӕ басастӕн! Нӕ басастӕн!». Ныхас хъусджытимӕ видеофильм «Нӕ басаста»-йы фӕдыл, спайда кӕн 2-аг абзацы лӕвӕрд фарстытӕй. Уый фӕстӕ равзар 3-аг ӕмӕ 4-ӕм абзацтӕ. Кӕроны радзур, «Райхъал ут!»-ы 1999 азы 22 ноябры номыры (уыр.) 31-ӕм фарсыл цы цау уыд, уый.

Зарӕг № 29 ӕмӕ кӕронбӕттӕн куывд.

2 июлӕй райдайгӕ къуыри

Зарӕг № 5.

13 мин. Бынӕттон хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй июнӕн уацамынды хыгъд радтой. Равзар рамкӕ «Дӕ библиотекӕйы „Ӕрвылазон чингуытӕ“ иууылдӕр сты?» Цыбыртӕй радзур, 1997—2000 азты «Ӕрвылазон чингуыты» (уыр.) цы цаутӕ ис, уыдоны тыххӕй ӕмӕ бахахх кӕн, уыцы чингуытӕн аргъ кӕй нӕй, уый. Уыцы «Ӕрвылазон чингуытӕ» кӕмӕ нӕ уой, уыдонӕн зӕгъ, цӕмӕй сӕ заказ скӕной, цалынмӕ ма сты, уӕдмӕ.

15 мин. Ӕрыгӕттӕ, уӕхицӕн царды фӕндаг зондджынӕй ӕвзарут. Абонӕй фӕстӕмӕ ӕртӕ лӕггаддзинады фембӕлды ӕвзардзыстӕм, скъолайы фӕстӕ нын ахуыры фарста равзарынӕн чи баххуыс кӕндзӕн, уыцы библион принциптӕ. Ӕрыгон чырыстӕттӕй иуӕй-иутӕ ацы дунейы стырдӕр бынат бацахсынӕн тырнынц уӕлдӕр ахуырад райсынмӕ, фӕлӕ сын уый сӕ уырнындзинадыл ӕвзӕрырдӕм бандавы. Ацы хатт фыд ӕмӕ мад ныхас кӕнынц сӕ ӕвзонг лӕппуимӕ кӕнӕ чызгимӕ. Лӕппу кӕнӕ чызджы хъӕуы ахсджиаг уынаффӕ рахӕссын йӕ фидӕны царды тыххӕй. Иуӕй-иутӕ, чи зоны, тырной фылдӕр ӕхца бакусынмӕ, стыр бынатмӕ кӕнӕ ӕнцон цардмӕ, фӕлӕ ацы бинонтӕ кӕсынц, Библи уый тыххӕй цы уынаффӕтӕ дӕтты, уымӕ. (Кӕс чиныг «Фӕсивӕды фарстытӕ» (уыр.), 174, 175 ф., «Хъахъхъӕнӕг мӕсыг» 1997 аз 15 август, 21 ф. (уыр.) ӕмӕ «Хъахъхъӕнӕг мӕсыг» 1999 аз 1 сентябрь, 28, 29 ф., 1—3, 5, 6 абз.) Лӕппу кӕнӕ чызг разы у, зондджын ми кӕй у царды ахӕм фӕндаг равзарын, цӕмӕй йын ӕххуыс кӕна Паддзахады хъуыддаджы нысӕнттӕ ӕвӕрынӕн ӕмӕ сӕ ӕххӕст кӕнынӕн.

17 мин. «Цӕттӕ у дӕ территорийы, хъусӕй чи нӕ хъусы, ахӕм адӕмы агурынмӕ»b. Кӕд ӕй зоныс, уе ’мбырды территорийы цас цӕры, хъусӕй чи нӕ хъусы, ахӕм адӕм, уӕд уый тыххӕй зӕгъ. Ӕмбырдтӕм 1998 азы 15 октябры цы фыстӕг ӕрцыд ӕрвыст, уым уыд ахӕм сӕргонд «Ӕндӕр ӕвзӕгтыл чи дзуры, ахӕм адӕмы агурын», ӕмӕ йыл ӕрныхас кӕн. Радзур, 1998 азы февралы номыры «Нӕ паддзахадон лӕггаддзинад»-ы (уыр.) 3-ӕм фарсыл 7-ӕм абзацы цы цау ис, уый.

Зарӕг № 32 ӕмӕ кӕронбӕттӕн куывд.

[Фиппаинӕгтӕ]