Лӕггаддзинады фембӕлдты расписани

8 октябрӕй райдайгӕ къуыри

Зарӕг № 109.

10 мин. Бынӕттон хъусинӕгтӕ. Цалдӕр хъусинаджы «Нӕ паддзахадон лӕггаддзинад»-ӕй. 8-ӕм фарсыл цы цӕвиттонтӕ ис, уыдонмӕ гӕсгӕ дыууӕ равдысты бацӕттӕ кӕн. Спайда кӕн 1 ноябры «Хъахъхъӕнӕг мӕсыг» ӕмӕ 22 октябры «Райхъал ут!»-ӕй (уыр.).

35 мин. «Облӕстон конгрессы, „Хуыцауы Ныхас амонджытӕ“, зӕгъгӕ, цы базыдтай, уымӕй дӕ царды пайда кӕныс?» Ныхас хъусджытимӕ конгрессы программӕйы фӕдыл. Цӕттӕ йӕ кӕны, «Хъахъхъӕнӕг мӕсыджы» ахуыркӕнынад чи фӕуадзы, уыцы ӕфсымӕр. Райдианы зӕгъ дыууӕ ныхасы, стӕй алы боны программӕйӕн дӕр рахицӕн кӕн 10—12 минуты. Ӕртӕ боны сӕйраг пункттыл ӕрдзур ӕмӕ уый фӕстӕ хъусджытӕн зӕгъ, цӕмӕй радзурой, 1) уынаффӕтӕй царды куыд спайда кодтой, 2) уый сын хорзӕй цы ӕрхаста ӕмӕ 3) ма сӕ ноджыдӕр цы кӕнын хъӕуы. Радт, хъуыды кӕнынмӕ чи сразӕнгард кӕндзӕн, ахӕм фарстытӕ, цӕмӕй бӕстон аныхас кӕнат. Се ’ппӕтӕн дӕр баххуыс кӕн, цы базыдтой, уымӕй пайда кӕнын куыд ахсджиаг у, уый бамбарынӕн.

Зарӕг № 151 ӕмӕ кӕронбӕттӕн куывд.

15 октябрӕй райдайгӕ къуыри

Зарӕг № 113.

10 мин. Бынӕттон хъусинӕгтӕ. Ӕхцайы хыгъд.

15 мин.«Коммӕгӕс зӕрдӕ» дын ис? (3 Пад. 3:9). Хистӕр нӕлгоймаджы раныхас, бындуриуӕг кӕны 1998 азы 15 июлы «Хъахъхъӕнӕг мӕсыг»-ыл, 29—31 ф. (уыр.). Ӕрныхас кӕн, ӕмбырдимӕ уӕхски-уӕхск лӕггадгӕнгӕйӕ куыд ис коммӕгӕс уын, ууыл.

20 мин. Нӕ журналтӕй ӕнтыстджынӕй пайда кӕнӕм. Службӕйон цӕстдарӕг ӕмӕ, журналтӕн дзуапп чи дӕтты, уыцы ӕфсымӕр ныхас кӕнынц, ӕмбырд журналтӕ куыд парахат кӕны, ууыл. Уыдон дзурынц, ӕмбырд алы мӕй дӕр цал журналы райсы ӕмӕ дзы цал апарахат кӕны, ууыл. Бӕрӕг куыд у, афтӕмӕй бирӕ журналтӕ баззайы, ӕмӕ сӕ уый фӕстӕ аппарын дӕр бахъӕуы. Хъусынгӕнджытӕн сӕ бон куыд у журналтӕй ӕнтыстджындӕрӕй пайда кӕнын? Ӕфсымӕртӕ ӕвзарынц, 1999 азы 4 октябрӕй райдайгӕ къуырийӕн программӕйы сӕргонды, «Журналтӕ парахат кӕныны ахсджиагдзинад бамбар!», зӕгъгӕ, цы 7 уынаффӕйы ис, уыдон. Ноджыдӕр ма дзурынц, 1998 азы 15 февралы «Хъахъхъӕнӕг мӕсыджы», 28, 29-ӕм фӕрстыл (уыр.) цы цау ис, ууыл, ӕмӕ хъуыды кӕнынц, уынаффӕтӕй ӕмбырды куыд ис спайдагӕнӕн. Хорз уаид, алчидӕр куы пайда кӕнид, «Нӕ паддзахадон лӕггаддзинад»-ы алы мӕй дӕр уацамынд райдайынӕн цы цӕвиттонтӕ вӕййы, уыдонӕй.

Зарӕг № 156 ӕмӕ кӕронбӕттӕн куывд.

22 октябрӕй райдайгӕ къуыри

Зарӕг № 120.

15 мин. Бынӕттон хъусинӕгтӕ. 8-ӕм фарсыл цы цӕвиттонтӕ ис, уыдонмӕ гӕсгӕ дыууӕ равдысты бацӕттӕ кӕн. Спайда кӕн 1 ноябры «Хъахъхъӕнӕг мӕсыг» (уыр.) ӕмӕ 8 ноябры «Райхъал ут!»-ӕй (уыр.).

30 мин. «Иннӕтӕн ӕххуыс кӕн, цӕмӕй Хуыцауы Ныхасӕй арӕхстджынӕй пайда кӕной»a. Равдис, ахсджиаг кӕй у кӕрӕдзийӕн ӕххуыс кӕнын, цӕмӕй лӕггаддзинады алы хуызты ӕнтыстджындӕрӕй архайӕм. Бацӕттӕ кӕн равдыстытӕ: хъусынгӕнӕг ӕххуыс кӕны, Библи кӕимӕ ахуыр кӕны ӕмӕ хъусын кӕнын чи райдыдта, уымӕн уацамындмӕ цӕттӕ кӕнынӕн; ныййарӕг уацамындмӕ цӕттӕ кӕны йӕ сывӕллоны.

Зарӕг № 47 ӕмӕ кӕронбӕттӕн куывд.

29 октябрӕй райдайгӕ къуыри

Зарӕг № 164.

12 мин. Бынӕттон хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй октябрӕн уацамынды хыгъд радтой. Ноябры парахат кӕндзыстӕм брошюрӕ «Хуыцау нӕ цы домы?» ӕмӕ чиныг «Ӕнусон цардмӕ кӕнӕг базонынад». Равдис мӕнӕ ацы цӕвиттон: «Ацы уӕззау рӕстӕджы адӕмӕй бирӕтӕ сӕ къухтӕм ӕмхасӕнтӕ кӕнынц, цӕмӕй искуыдтӕй аирвӕзой. Куыд дӕм кӕсы, хицауӕдтӕ ацы фарст афтӕ аскъуыддзаг кӕндзысты, цӕмӕй алчидӕр райгондӕй баззайа? (Бауадз ӕй дзуапп радтын.) Библийы уый тыххӕй цы зӕрдӕвӕрд ис, уый мын стыр ныфс радта». Бакӕс Псалом 71:12—14. Уый фӕстӕ йын радт брошюрӕ «Цы домы» кӕнӕ чиныг «Базонынад», публикацийӕ дӕм хуыздӕр цы кӕсы, уый тыххӕй йын уырдыгӕй бакӕс.

15 мин. Бынӕттон домӕнтӕ.

18 мин. «Монон хӕринагыл ахуыр дӕ?»b Хъусджытӕ ма ноджыдӕр бамбарын кӕнӕнт, цӕмӕн ӕмӕ куыд хъуамӕ архайӕм, цӕмӕй монон хӕринагыл сахуыр уӕм, спайда кӕнӕнт 1997 азы 15 апрелы «Хъахъхъӕнӕг мӕсыг»-ӕй, 28—31 ф. (уыр.).

Зарӕг № 181 ӕмӕ кӕронбӕттӕн куывд.

5 ноябрӕй райдайгӕ къуыри

Зарӕг № 167

10 мин. Бынӕттон хъусинӕгтӕ.

18 мин. Бинонтӕ цӕттӕ кӕнынц фембӕлдмӕ. Фыд йӕ бинонтимӕ дзуры, алкӕй бон дӕр куыд у хуыздӕр цӕттӕ кӕнын, цӕмӕй фембӕлды иууылдӕр хайад исой. 1999 азы 1 июлы «Хъахъхъӕнӕг мӕсыджы» 28-ӕм фарсыл 9-ӕм абзацы цы хъуыдытӕ ис, уыдонӕй пайдагӕнгӕйӕ уыдон цӕттӕ кӕнынц комментаритӕ, ацы къуыри «Хъахъхъӕнӕг мӕсыг»-ӕй цы статья ахуыр кӕндзыстӕм, уымӕ. 1) Бинонтӕй алчидӕр йӕхицӕн ӕвзары, дзуапп кӕмӕн ратдзӕн, ахӕм фарстатӕй иу-дыууӕ. 2) Фарстытӕ цы абзацтӕм сты, уыдон кӕсынц ӕмӕ сӕхи ныхӕстӕй дӕттынц дзуапп. 3) Цы стихтӕ дзы ис, уыдонӕй сӕйрагдӕртӕ ӕвзарынц, ныхас кӕнынц, ӕрмӕгимӕ куыд баст сты ӕмӕ хъуыды кӕнынц, сӕ бастдзинад статьяйы темӕимӕ куыд ис бамбарын кӕнӕн, ууыл. Се ’ппӕты дӕр тынг фӕнды фембӕлды архайын.

17 мин. «Адӕмимӕ Библи цӕмӕн фӕахуыр кӕнӕм?»c Сӕйраджыдӕр зӕгъ, куыд ахсджиаг у ахуыргӕнинӕгтӕн бамбарын кӕнын, ӕмбырды фембӕлдтӕм цӕуын сӕ цӕмӕн хъӕуы, уый. Уый бамбарын кӕнынӕн, хорз бацӕттӕ кӕн равдыст, спайда кӕн чиныг «Базонынад»-ӕй, 17 сӕр, 6—8 абзацтӕ.

Зарӕг № 186 ӕмӕ кӕронбӕттӕн куывд.

[Фиппаинӕгтӕ]