Лӕггаддзинады фембӕлдты расписани

10 декабрӕй райдайгӕ къуыри

Зарӕг № 205.

13 мин. Бынӕттон хъусинӕгтӕ. Цалдӕр хъусинаджы «Нӕ паддзахадон лӕггаддзинад»-ӕй. 8-ӕм фарсыл цы уынаффӕтӕ ис, уыдонӕй спайда кӕн ӕмӕ равдис, куыд ис радтӕн: 1) 15 декабры «Хъахъхъӕнӕг мӕсыг» (уыр.) ӕмӕ 2) 22 декабры «Райхъал ут!» (уыр.)

12 мин. Бынӕттон домӕнтӕ.

20 мин. «Иегъовӕйӕ йӕ уарзты тыххӕй бузныг куы уӕм, уӕд уыдзыстӕм арфӕгонд» (2-аг хай)a. 2—6-ӕм абзацтыл куы ныхас кӕнай, уӕд ӕмбырдӕй искӕйты бафӕрс, цӕмӕй радзурой цалдӕр цауы, ӕрӕджы цы бӕллӕх ӕрцыд, уымӕй сагъӕсты бын чи фӕци, ахӕм адӕймаджы куыд бафидар кодтой ӕмӕ дзы ныфс куыд бауагътой, уый тыххӕй. Рагацау бацӕттӕ кӕн иу кӕнӕ дыууӕ ахӕм равдысты.

Зарӕг № 222 ӕмӕ кӕронбӕттӕн куывд.

17 декабрӕй райдайгӕ къуыри

Зарӕг № 211.

10 мин. Бынӕттон хъусинӕгтӕ. Ӕхцайы хыгъд. Ӕрныхас кӕн, 1 январмӕ цавӕр уацамындон фембӕлдтӕ цӕттӕ кӕнут, уый тыххӕй.

22 мин. «Хуыцауы дзырд раст амонын»b. 4-ӕм абзацмӕ бацӕттӕ кӕн, уӕ уавӕрты кӕмӕй ис спайдагӕнӕн, ахӕм равдыст. Ноджыдӕр ма равдис, ныртӕккӕ дунейы уавӕртыл чи сагъӕс кӕны, уыдонимӕ-иу ӕнтыстджынӕй ныхас кӕнын куыд райдыдтат ӕмӕ-иу сӕ куыд бафидар кодтат, уый. Дӕ бон у радзурын цыбыр цау. Зӕгъ хъусджытӕн, цӕмӕй сӕ хъуыды зӕгъой, Библийӕ куы пайда кӕнӕм, уӕд уацамынды ӕнтыстджындӕр цӕмӕн уыдзыстӕм.

13 мин. «Сымахӕн уӕхи Библи ис». Ныхас хъусджытимӕ 7-ӕм фарсыл рамкӕйы лӕвӕрд ӕрмӕджы бындурыл. «Ног дунейы тӕлмацӕй» кӕй пайда кӕнӕм, уый тыххӕй нӕм адӕмы хъусын куы нӕ фӕнда, уӕд сын цы у нӕ бон зӕгъын? Рагацау баныхас кӕн цалдӕр хъусынгӕнӕгимӕ, цӕмӕй рамкӕйы цы дзуаппытӕ ис, уыдон бацӕттӕ кӕной ӕмӕ сӕ хиныхӕстӕй радзурой.

Зарӕг № 225 ӕмӕ кӕронбӕттӕн куывд.

24 декабрӕй райдайгӕ къуыри

Зарӕг № 218.

10 мин. Бынӕттон хъусинӕгтӕ. Зӕгъ, январы цы литературӕ уардзыстӕм ӕмӕ ӕмбырды цавӕр чингуытӕ ис, уый. 8-ӕм фарсыл лӕвӕрд уынаффӕтӕй спайда кӕн дыууӕ цыбыр равдыст бацӕттӕ кӕнынӕн, иу 1-ӕм январы «Хъахъхъӕнӕг мӕсыг»-ӕй ӕмӕ иннӕ та 8-ӕм январы «Райхъал ут!»-ӕй. Иу дзы бахӕс кӕн ӕвзонг хъусынгӕнӕгӕн.

10 мин. «Теократон лӕггаддзинады скъола 2002-ӕм азӕн». Скъолайы цӕстдарӕджы раныхас. Се ’ппӕты дӕр сразӕнгард кӕн, цӕмӕй зӕрдиагӕй ӕххӕст кӕной сӕ хӕслӕвӕрдтӕ.

25 мин. «Ӕххуыс кӕн иннӕтӕн Иегъовӕйӕн зӕрдиагӕй лӕггад кӕнынӕн». Хистӕр нӕлгоймаг ныхас кӕны хъусынгӕнджытимӕ. Фӕлтӕрд ӕххӕстрӕстӕг пионерӕн бахӕс кӕн, цӕмӕй равдиса, Библи чи ахуыр кӕны ӕмӕ ӕмбырдтӕ чи нӕ цух кӕны, фӕлӕ аргъуыд райсыныл чи нӕ тагъд кӕны, ахӕм адӕймагимӕ куыд ис зӕрдӕбынӕй аныхасгӕнӕн. Спайда кӕн 1992 азы 1 октябры «Хъахъхъӕнӕг мӕсыджы» статьяйӕ «Следует ли мне креститься?» (уыр.), зӕгъгӕ. Бафӕрс, ӕххӕстрӕстӕг лӕггадгӕнджытӕй иу кӕнӕ дыууӕйы, чи сӕ сразӕнгард кодта ӕмӕ сын чи баххуыс кодта сӕ хъуыддӕгтӕ афтӕ саразын, цӕмӕй ӕххӕстрӕстӕг лӕггад кӕнын райдайой. Бафӕрс сӕ, цавӕр ӕндӕр нысӕнттӕм ма тырнынц дарддӕр.

Зарӕг № 24 ӕмӕ кӕронбӕттӕн куывд.

31 декабрӕй райдайгӕ къуыри

Фиппаинаг. Ӕмбырдтӕ 31 декабрӕй райдайгӕ къуырийы лӕггаддзинады фембӕлд хъуамӕ раздӕр ма ауадзой. Уӕлӕмхасӕн сыфы конгрессы тыххӕй цы темӕ ис, ууыл алы ӕмбырды дӕр хъуамӕ ӕрныхас кӕной лӕггаддзинады фембӕлдты расписанимӕ гӕсгӕ. Уыцы къуыри районон конгресс куы уа, уӕд чиныгахуыркӕнынӕдты разамонджытӕ сӕ чиныгахуыркӕнынады фембӕлды хъуамӕ фехъусын кӕной, конгресс кӕм ӕмӕ кӕд уыдзӕн, уый.

Зарӕг № 140.

10 мин. Бынӕттон хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй декабрӕн уацамынды хыгъд радтой. Ног азӕй уе ’мбырды фембӕлдты рӕстӕг куы фӕива, уӕд уӕзданӕй се ’ппӕты дӕр сразӕнгард кӕн, цӕмӕй ӕмбырды фембӕлдтӕ ма цух кӕной. Бацархай, цӕмӕй цымыдисгӕнӕг адӕм ӕмӕ рагӕй чи нал хъусын кӕны, уыдон дӕр зоной ивындзинӕдты тыххӕй.

15 мин. Аргъ кӕнут хистӕр нӕлгоймӕгтӕн. Дыууӕ кӕнӕ ӕртӕ службӕйон ӕххуысгӕнӕджы сӕ ныхас аразынц, 1999 азы 1 июны «Хъахъхъӕнӕг мӕсыджы» 18, 19 фӕрстыл цы ӕрмӕг ис, уый бындурыл. Уыдон дзурынц, хистӕр нӕлгоймӕгтыл куысты, бинонты царды ӕмӕ ӕмбырды цас хӕстӕ ис, уый тыххӕй. Ӕмбарын кӕнынц, ӕмбырды уӕнгтӕй алкӕмӕндӕр йӕ бон куыд у хистӕр нӕлгоймӕгты фидар кӕнын, сӕ уаргъ сын рогдӕр кӕнын ӕмӕ сын сӕ разамындмӕ хъусын. Службӕйон ӕххуысгӕнджытӕ разы сты, хистӕр нӕлгоймӕгтӕ ахсджиаг куыст кӕй кӕнынц ӕмӕ сын «фылдӕр аргъ кӕнын» кӕй хъӕуы, ууыл (1 Фес. 5:12, 13).

20 мин. «Иегъовӕйы Ӕвдисӕнты конгресс 2002-ӕм азӕн „Паддзахады ӕнувыд хъусынгӕнджытӕ“»c. Ныхас ыл кӕны ӕмбырды секретарь, лӕмбынӕгдӕр дзуры 4—11 абзацтыл. 3-аг абзацыл ныхасгӕнгӕйӕ, бакӕс 2001 азы 15 декабры хуынды фыстӕг конгресмӕ. Зӕрдӕбынӕй сразӕнгард кӕн хъусынгӕнджыты, цӕмӕй конгресмӕ гӕнӕн уӕвгӕйӕ раздӕр бацӕттӕ кӕной.

Зарӕг № 219 ӕмӕ кӕронбӕттӕн куывд.

7 январӕй райдайгӕ къуыри

Зарӕг № 20.

10 мин. Бынӕттон хъусинӕгтӕ.

20 мин. Дӕ цардӕй фӕсмойнаг ма фӕу. Бинонтӕ ныхас кӕнынц 1998 азы 15 августы «Хъахъхъӕнӕг мӕсыг»-ыл, 8, 9 фӕрстӕ (уыр.). Фыды фӕнды, цӕмӕй бинонтӕ равзарой, фыдӕнхъӕл кӕмӕй нӕ фӕуыдзысты, фӕлӕ сын циндзинад чи ӕрхӕсдзӕн, ахӕм фӕндаг. Бинонтӕ ӕвзарынц, статьяйы Фыстады бындурыл амондджынӕй цӕрынӕн цы уынаффӕтӕ ис, уыдон. Се ’ргом здахынц, уый тыххӕй кӕй хъӕуы ӕмбаргӕ уын, ахсджиагдӕр хъуыддӕгтӕ фыццаг бынаты ӕвӕрын ӕмӕ Иегъовӕйыл ӕууӕндын. Бӕлвырд кӕнынц, куыд бинонтӕ, афтӕ сӕ бон цавӕр ивындзинӕдтӕ у скӕнын.

15 мин. Нӕ Паддзахады зал цы уавӕры ис? Хистӕр нӕлгоймаджы раныхас. Ӕрныхас кӕн, Паддзахады зал цы уавӕры ис, ууыл. Цӕмӕй Ӕрымысӕн изӕры размӕ зал бафснайат, алы уалдзӕг дӕр ӕй куыд фефснайут, афтӕ, уый тыххӕй цы фӕнд кӕнут? Уый размӕ уал уӕ цы хъӕуы бацалцӕг кӕнын? Зӕгъ, ӕмбырдӕн йӕ бон цӕмӕй у баххуыс кӕнын, уый тыххӕй. Бахахх кӕн, кӕй хъуамӕ архайӕм, цӕмӕй кӕм кувӕм, уыцы бынат уа, Иегъовӕйы хӕдзарӕн куыд ӕмбӕлы, афтӕ рӕсугъд ӕмӕ сыгъдӕг (Пс. 83:2).

Зарӕг № 126 ӕмӕ кӕронбӕттӕн куывд.

[Фиппаинӕгтӕ]