Уацамындӕй дӕ зӕрдӕ тынгдӕр рухс кӕнӕд
1 Хорз хабар хъусын кӕнынӕй ӕхсызгондӕр ницы ис. Дӕуӕн дӕр ӕхсызгон у? Цырддзаст куы нӕ уӕм, уӕд ныл ацы фыддуне бандавдзӕн ӕмӕ хъусын кӕнынмӕ нӕ ныфс нал хӕсдзыстӕм, ӕмӕ цин дӕр нал кӕндзыстӕм. Нӕ участокы нӕм адӕм куы нӕ хъусой, уӕд, гӕнӕн ис, нӕ куыстӕй нӕ зӕрдӕ мауал райа. Цы нӕ хъӕуы, цӕмӕй уацамындӕй нӕ зӕрдӕ тынгдӕр рухс кӕна?
2 Хорз ахаст дарын. Хорз ахаст нын ӕцӕгдӕр ӕххуыс кӕны. Цӕвиттон, дӕ бон у хъуыды кӕнын, «Хуыцауы ӕмкусджытӕ» кӕй стӕм, уыцы стыр кадыл (1 Кор. 3:9, НД). Уыцы хъуыддаджы ма немӕ архайы Йесо дӕр (Матф. 28:20). Стӕй ма нын ӕххуысӕн рарвыста тынг бирӕ зӕдты дӕр (Матф. 13:41, 49). Уӕдӕ мах фидарӕй зонӕм, нӕ архайд Хуыцауы разамындӕй кӕй цӕуы (Рар. 14:6, 7). Уымӕ гӕсгӕ нын адӕм нӕ архайдмӕ куыдфӕнды ма кӕсой, уӕддӕр уӕларвыл ууыл тынг цин кӕнынц!
3 Хорз цӕттӕ кӕнын. Хорз цӕттӕ кӕнын дӕр нын ӕххуыс кӕны цин кӕнынӕн. Уацамындмӕ цӕттӕ кӕнынӕн бирӕ рӕстӕг нӕ хъӕуы. Ацы мӕй цы журналтӕ кӕнӕ цы литературӕ парахат кӕнӕм, уыдон куыд ис радтӕн, уый бацӕттӕ кӕнӕн ис цалдӕр минутмӕ. Кӕнӕ та равзар цӕвиттон «Нӕ паддзахадон лӕггаддзинад»-ӕй, рамкӕ «Журналтӕ дӕтгӕйӕ цы ис зӕгъӕн»-ӕй. Ӕркӕс ма 2002 азы январы «Нӕ паддзахадон лӕггаддзинад»-ы уӕлӕмхасӕн сыфмӕ, «Уацамынды ныхас райдайӕн куыд ис», кӕнӕ та равзар хорз цӕвиттон брошюрӕ «Куыд райдайӕм ӕмӕ куыд адарддӕр кӕнӕм нӕ ныхас Библийыл» (уыр.). Адӕм арӕхдӕр нӕ ныхмӕ цы фӕдзурынц, уымӕн дын кӕд зын у дзуапп радтын, уӕд бацӕттӕ кӕн, сӕ хъуыдыйӕ тынг чи нӕ хицӕн кӕна ӕмӕ сын цымыдисаг цы фарст уыдзӕн, ахӕм дзуапп. Уымӕн дӕр ахъаз уыдзӕн брошюрӕ «Куыд райдайӕм ӕмӕ куыд адарддӕр кӕнӕм нӕ ныхас Библийыл» (уыр.). Ацы уынаффӕтӕй куы пайда кӕнӕм, уӕд ныфсджын уыдзыстӕм ӕмӕ ӕхсызгонӕй хъусын кӕндзыстӕм.
4 Зӕрдиагӕй кувын. Цӕмӕй дарддӕр дӕр цин кӕнӕм, уый тыххӕй нӕ хъӕуы кувын. Ацы хъуыддаг нын Иегъовӕ кӕй бахӕс кодта, уымӕ гӕсгӕ дзы хъуамӕ курӕм йӕ сыгъдӕг уд, уымӕн ӕмӕ йӕ дыргътӕй иу у циндзинад (Гал. 5:22). Иегъовӕ нын ратдзӕн тых, цӕмӕй дарддӕр дӕр хъусын кӕнӕм (Фил. 4:13). Нӕ лӕггаддзинады тыххӕй куы кувӕм, уӕд нын уый баххуыс кӕндзӕн хъуыддӕгтӕм раст цӕстӕй кӕсынӕн, суанг нын исчи стыр маст куы скӕна, уӕд дӕр (Ап. к. 13:52; 1 Пет. 4:13, 14). Хъусын кӕнынмӕ нӕ ныфс куы нӕ хӕссӕм, уӕд нын куывд баххуыс кӕндзӕн уӕндонӕй ӕмӕ ӕхсызгонӕй хъусын кӕнынӕн (Ап. к. 4:31).
5 Хъусын кӕнынӕн фадӕттӕ агурын. Кӕй зӕгъын ӕй хъӕуы, нӕ лӕггаддзинадӕй нӕ зӕрдӕ тынгдӕр рухс кӕны, адӕмӕн хорз хабар куы фӕхъусын кӕнӕм, уӕд. Хӕдзарӕй-хӕдзармӕ хъусынгӕнгӕйӕ, алы хатт иу рӕстӕджы нӕ хъӕуы цӕуын, хуыздӕр уаид фӕссихор кӕнӕ та изӕрырдӕм ацӕуын, цӕмӕй фылдӕр адӕмы баййафӕм сӕ хӕдзӕрты. Адӕмыл ӕмбӕлыс алы хатт дӕр уынджы, дуканийы, автобусы кӕнӕ та парчы. Цӕуылнӕ ис бацӕттӕ кӕнӕн, ныхас куыд райдайӕн ис, уымӕн цыбыр цӕвиттон ӕмӕ дӕм хӕларзӕрдӕ чи фӕкӕса, уыдонимӕ аныхас кӕнӕн? Ӕвӕццӕгӕн искуы кусыс кӕнӕ та скъолайы ахуыр кӕныс, ӕмӕ уӕд алы бон дӕр адӕмыл ӕмбӕлыс. Ӕмӕ дын уымӕ гӕсгӕ, чи зоны, фӕзына уый фадат, цӕмӕй сӕ искӕимӕ Библийӕ иу цымыдисаг фарстыл аныхас кӕнай. Хорз цӕвиттонтӕ ссарӕн ис 2002 азы январы «Нӕ паддзахадон лӕггаддзинад»-ы уӕлӕмхасӕн сыфы фыццаг фарсыл. Афтӕмӕй уацамындӕй дӕ зӕрдӕ тынгдӕр рухс кӕндзӕн.
6 Циндзинад нын фӕразынӕн кӕй ӕххуыс кӕны, уымӕ гӕсгӕ бацархайӕм, цӕмӕй дардӕрдӕр цин кӕнӕм! Афтӕмӕй райсдзыстӕм стыр арфӕдзинад, чи никуыуал уыдзӕн, уыцы куыст кӕронмӕ куы ахӕццӕ уа, уӕд. Ӕрмӕст уыцы хъуыдыйӕ дӕр уацамындӕй нӕ зӕрдӕ тынгдӕр рухс кӕндзӕн (Матф. 25:21).