Фарстыты асыкк

◼ Искӕмӕ Хуыцауы тыххӕй куы фыссӕм, уӕд нӕ хъус цӕмӕ хъуамӕ дарӕм?

Цӕмӕй адӕмӕн хорз хабар фехъусын кӕнӕм, уый тыххӕй тынг рагӕй пайда кӕнӕм фыстӕджытӕй. Фӕлӕ ӕрӕджы дунейы цы цаутӕ ӕрцыд, уыдоны фӕстӕ адӕм ӕнӕзонгӕ адӕмы фыстӕджытӕ байгом кӕнын дӕр тӕрсгӕ кӕнынц. Фыстӕг кӕмӕй кӕнӕ кӕцӕй у, уый бӕрӕг куы нӕ уа, уӕд арӕх адӕймаг гуырысхо кӕнын райдайы, уӕлдайдӕр та къухӕй фыст куы уа ӕмӕ стыр куы уа, уӕд. Хӕдзары хицау ӕй, гӕнӕн ис, кӕсгӕ дӕр ма бакӕна, ӕмӕ йӕ афтӕмӕй аппара. Цӕмӕй афтӕ ма рауайа, уый тыххӕй цы ис саразӕн?

Кӕд уӕ бон у, уӕд фыстӕг дӕр ӕмӕ къонвертыл дӕр ныффыссут фыссӕн машинкӕйӕ. Къонвертыл ныффысс хӕдзары хицауы ном, хуымӕтӕгӕй «хӕдзары хицауӕн» нӕ, фӕлӕ. Ӕмӕ-иу алы хатт дӕр дӕхи адрис бацамон. Дӕхи адрис фыссын тӕссаг куы уа, уӕд ыл ныффысс дӕ ном ӕмӕ Паддзахады залы адрис. Фыстӕгыл ном ӕмӕ адрис куы нӕ уа, уӕд ӕй нӕ хъӕуы ӕрвитын. Филиалы адрис дзы фыссын нӕ хъӕуы. (Кӕс 1996 азы ноябры «Нӕ паддзахадон лӕггаддзинад»-ы «Фарстыты асыкк», уыр.)

Фылдӕр базонӕн ис чиныг «Ахуыр кӕнӕм Хуыцауы Ныхас хъусынгӕнджыты скъолайы», 71—73 ф. (анг.), уым ма ссардзынӕ уынаффӕтӕ фыстӕг фыссыны тыххӕй дӕр. Уыцы амындтӕ нын баххуыс кӕндзысты, цӕмӕй фыстӕджытӕй ӕнтыстджынӕй пайда кӕнӕм адӕмӕн хорз хабар хъусын кӕнынӕн.