Фембӕлдты уыдзӕн

ФИППАИНАГ: Сӕрды мӕйты «Нӕ хъусын кӕныны хъуыддаджы» мыхуыр цӕудзӕн фембӕлдты программӕ алы къуырийӕн дӕр. Куы бахъӕуа, уӕд дзы ӕмбырдтӕн сӕ бон у ивындзинӕдтӕ бахӕссын, облӕстон конгресмӕ, «Кадджын кӕнут Хуыцауы», зӕгъгӕ, кӕй цӕудзысты, уымӕ гӕсгӕ. Конгресмӕ ма иу къуыри куы баззайа, уӕд кӕм хъӕуа, уым хъусын кӕныны фембӕлды 15 минуты рахицӕн кӕнут ӕмӕ сфӕлхат кӕнут, ацы мӕйы «Нӕ хъусын кӕныны хъуыддаджы» уӕлӕмхасӕн сыфы уынаффӕтӕй уе ’мбырдӕн чи фӕахъаз уыдзӕн, уыдон. Октябры мӕйы хъусын кӕныны фембӕлдтӕй иуы фӕлхат кӕндзыстӕм конгрессы программӕйы сӕйраг хъуыдытӕ. Цӕмӕй уымӕ цӕттӕ уӕм, уый тыххӕй нӕ алкӕй дӕр хъӕуы конгрессы рӕстӕджы цымыдисаг хъуыдытӕ фыссын, уыимӕ нӕ нӕ царды ӕмӕ уацамынды спайда кӕнын кӕмӕй фӕндид, ахӕмтӕ. Уӕд нӕ бон уыдзӕн, уыцы уынаффӕтӕй куыд спайда кодтам, уый тыххӕй радзурын. Конгрессы цы амындтӕ райстам, уыдон нын царды куыд баххуыс кодтой, уый фехъусын алкӕй дӕр бафидар кӕндзӕн.

14 апрелӕй райдайгӕ къуыри

20 зарӕг.

15 мин. Хъусинӕгтӕ. Цалдӕр хъусинаджы «Нӕ хъусын кӕныны хъуыддаг»-ӕй. 8-ӕм фарсыл лӕвӕрд уынаффӕтӕй спайда кӕн ӕмӕ бацӕттӕ кӕн дыууӕ равдысты: куыд ис раттӕн 15 апрелы «Хъахъхъӕнӕн мӕсыг» ӕмӕ 22 апрелы «Райхъал ут!». Дыууӕ равдысты дӕр кӕд ӕрмӕстдӕр иу журналы тыххӕй дзурдзынӕ, уӕддӕр хъӕуы раттын дыууӕ дӕр.

10 мин. Фарстыты асыкк. Хистӕр нӕлгоймаджы раныхас.

20 мин. «Ӕрттивут... стъалытау»a. Дӕ хӕслӕвӕрд фӕу фондзминутон раныхасӕй, райс ӕй 1997 азы 1 июны «Хъахъхъӕнӕн мӕсыг»-ӕй, 14, 15 фф., 8—13 абз. (уыр.). Уӕлдай тынгдӕр дӕ хъус ӕрдар, Паддзахады хабар адӕмӕй цӕуылнӕ хъуамӕ сусӕг кӕнӕм, уымӕ.

134 зарӕг ӕмӕ кӕронбӕттӕн куывд.

21 апрелӕй райдайгӕ къуыри

25 зарӕг.

10 мин. Хъусинӕгтӕ. Ӕхцайы хыгъд.

15 мин. «Иумӕ ӕмбырд кӕнӕм Иегъовӕйы кадджын кӕнынмӕ»b. Пайда кӕн амынд фарстытӕй. Алкӕйдӕр сразӕнгард кӕн, цӕмӕй программӕйы иу хай дӕр ма фӕцух кӕной майрӕмбоны райсомӕй хуыцаубон фӕссихормӕ. Бахахх кӕн, мах ӕрмӕст хъусын кӕй нӕ хъӕуы, фӕлӕ ма цы базонӕм, уымӕй царды пайда кӕнын дӕр. Ӕрдзур уӕлдӕр амынд фиппаинагыл ӕмӕ зӕгъ, октябры хъусын кӕныны фембӕлды цы уыдзӕн, конгрессы программӕйы ахсджиаг хъуыдытӕ куы фӕлхат кӕнат, уӕд. Зӕгъ, цӕмӕй иууылдӕр цыбыр фиппаинӕгтӕ кӕной.

20 мин. «Уыцы лӕварӕн дӕ царды „бынат ссар“»c. Райс интервью иу кӕнӕ дыууӕ ӕнӕкъай хъусынгӕнӕгӕй, бинонтӕ сын кӕй нӕй, уый фӕрцы Паддзахады хъуыддӕгты фылдӕр чи аразы, уыдонӕй. Зӕгъ сын, цӕмӕй радзурой, цы сын ӕххуыс кӕны сӕ лӕггадӕй ӕхцондзинад исынӕн.

35 зарӕг ӕмӕ кӕронбӕттӕн куывд.

28 апрелӕй райдайгӕ къуыри

51 зарӕг.

10 мин. Хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй апрелӕн уацамынды хыгъд раттой. 8-ӕм фарсыл лӕвӕрд уынаффӕтӕй спайда кӕн ӕмӕ бацӕттӕ кӕн дыууӕ равдысты: куыд ис раттӕн 1 майы «Хъахъхъӕнӕн мӕсыг» ӕмӕ 8 майы «Райхъал ут!».

15 мин. «Фӕзминаг уӕм хорз хъуыддӕгты»d. Пайда кӕн амынд фарстытӕй. Бахахх кӕн, цӕрӕнбынӕттӕ ӕвзарынӕн нын цы амындтӕ фӕдӕттынц, уыдон мах пайдайӕн кӕй сты ӕмӕ уыдонмӕ гӕсгӕ архайын кӕй хъӕуы, уый. Бамбарын кӕн, алкӕйдӕр йӕхи хорз дарын цӕмӕн хъӕуы.

20 мин. «Адӕмы ногӕй бӕрӕг кӕнын — хорз фадат Библи искӕимӕ ахуыр кӕнын райдайынӕн»e. Ӕрмӕг ӕвзары хистӕр нӕлгоймаг мыхуыр фарстытӕм гӕсгӕ. Хъусынгӕнджытӕн зӕгъ, цӕмӕй цыбыр цаутӕ радзурой, цӕуыл дзурут, уый ахсджиаг кӕй у, уый сбӕлвырд кӕнынӕн. 5-ӕм абзацыл куы ныхас кӕнай, уӕд цыбыртӕй равдис, уӕ территорийы чи ӕрцыд, ахӕм хабар: адӕймагимӕ Библи ахуыр кӕнын куыд райдыдтой.

89 зарӕг ӕмӕ кӕронбӕттӕн куывд.

5 майӕ райдайгӕ къуыри

120 зарӕг.

10 мин. Хъусинӕгтӕ. Цыбыртӕй сфӕлхат кӕн 2002 азы «Нӕ паддзахадон лӕггаддзинад»-ы 2 фарсыл амынд статья «Сӕрдмӕ цы фӕнд кӕнӕм?»-ы уынаффӕтӕ.

20 мин. «Нӕ аив уӕлӕдарӕсӕй кад кӕнӕм Хуыцауӕн»f. Ныхас ыл кӕны хистӕр нӕлгоймаг. Пайда кӕн мыхуыр фарстытӕй. Абзацтӕ кӕсын хъӕуы бахӕс кӕнын, хорз чи кӕсы, ахӕм ӕфсымӕрӕн.

15 мин. Хорз хабар — цины хос (Ӕмб. 15:30). Ныхас хъусджытимӕ, мартъи ӕмӕ апрелы ӕмбырд уӕлдай фылдӕр куы хъусын кодта, уӕд сӕ къухы цы бафтыд, уый тыххӕй. Хъусынгӕнджытӕн зӕгъ, цӕмӕй радзурой, цавӕр цымыдисаг цаутӕ сыл ӕрцыд, 1) цымыдисгӕнаг адӕймагӕн Ӕрымысӕн изӕрмӕ ӕрбацӕуынӕн куы ӕххуыс кодтой, 2) ӕххуысгӕнӕг пионерӕй куы лӕггад кодтой, 3) рагӕй чи нӕ хъусын кӕны, ахӕм хъусынгӕнӕджы куы разӕнгард кодтой фӕстӕмӕ ӕмбырдимӕ лӕггад кӕнынмӕ, 4) ног хъусынгӕнӕгӕн куы ӕххуыс кодтой уацамынды, 5) Ӕрымысӕн изӕры чи уыд, уыдонимӕ уый фӕстӕ куы ныхас кодтой, уӕд. Рагацау искӕмӕн бахӕс кӕн уыцы цаутӕй иуӕй-иутӕ радзурын. Алкӕмӕйдӕр раппӕл ӕмӕ сын зӕгъ, цӕмӕй дарддӕр дӕр афтӕ зӕрдӕргъӕвдӕй архайой.

126 зарӕг ӕмӕ кӕронбӕттӕн куывд.

[Фиппаинӕгтӕ]