Фембӕлдты уыдзӕн

14 июлӕй райдайгӕ къуыри

56 зарӕг.

10 мин. Хъусинӕгтӕ. Цалдӕр хъусинаджы «Нӕ хъусын кӕныны хъуыддаг»-ӕй. 4-ӕм фарсыл лӕвӕрд уынаффӕтӕй спайда кӕн ӕмӕ бацӕттӕ кӕн, уе ’мбырды территорийы чи сбӕздзӕн, дыууӕ ахӕм равдысты: куыд ис раттӕн 1 августы «Хъахъхъӕнӕн мӕсыг» ӕмӕ 22 июлы «Райхъал ут!». Дыууӕ равдысты дӕр кӕд ӕрмӕстдӕр иу журналы тыххӕй дзурӕм, уӕддӕр хъӕуы раттын дыууӕ дӕр.

15 мин. Иегъовӕйӕн кӕй кувӕм, уый нын нӕ цард фӕрнджындӕр куыд кӕны? Ныхас хъусджытимӕ. Ӕцӕг Хуыцауӕн кӕй кувӕм, уый у амондджын царды хос. 1) Уый нын ӕххуыс кӕны зындзинӕдтӕ ӕмӕ царды сагъӕстӕ фӕразынӕн (Фил. 4:6, 7). 2) Уый нӕ разӕнгард кӕны Хуыцауӕн зӕрдӕмӕдзӕугӕ миниуджытыл кусынмӕ (2 Пет. 1:5—8). 3) Уый нын ӕххуыс кӕны, цӕмӕй нӕ рӕстӕг ӕмӕ нӕ исбонӕй, куыд хуыздӕр у, афтӕ пайда кӕнӕм (1 Тим. 6:17—19). 4) Уый нын дӕтты ӕцӕг ныфс фидӕны тыххӕй (2 Пет. 3:13). 5) Уый фӕрцы нӕ бон у Иегъовӕмӕ ӕввахс кӕнын (Иак. 4:8, НФ). Абар ӕй, Иегъовӕйы чи нӕ зоны йе та йын чи нӕ лӕггад кӕны, уыдоны ’хсӕн ахӕм хъуыддӕгтӕ кӕй нӕй, уыимӕ.

20 мин. «Аргъ кӕнӕм Хуыцауы фӕлмӕнзӕрдӕдзинадӕн»a 3-аг абзацыл ныхасгӕнгӕйӕ ратт уынаффӕтӕ, куыд ис ссарӕн ахӕм адӕмы, журналтӕ иудадзыг кӕмӕн хӕссай; ӕрмӕг райсӕн ис 1998 азы «Нӕ паддзахадон лӕггаддзинад»-ӕй, 8 фарс. Иу кӕнӕ дыууӕ фӕлтӕрд хъусынгӕнӕгӕн бахӕс кӕн радзурын, искӕимӕ Библи ахуыр кӕнын райдайынӕн сын цы ӕххуыс кӕны, уый тыххӕй. Се ’ппӕты дӕр сразӕнгард кӕн, цӕмӕй сӕ разы ахӕм нысан сӕвӕрой, ӕмӕ искӕимӕ Библи ахуыр кӕнын райдайой ӕмӕ йӕ адарддӕр кӕной (om 91 ф., уыр.).

176 зарӕг ӕмӕ кӕронбӕттӕн куывд.

21 июлӕй райдайгӕ къуыри

184 зарӕг.

10 мин. Хъусинӕгтӕ. Ӕхцайы хыгъд.

10 мин. «Районон конгрессы ног программӕ». Раныхас ӕмӕ ныхас хъусджытимӕ. Фехъусын кӕн, иннӕ районон конгресс кӕд уыдзӕн, уый. Уе ’мбырд цалдӕр мӕйы фӕстӕ конгресмӕ куы цӕуа, уӕд хъӕуы фехъусын кӕнын, цӕмӕй аргъуыд исын кӕй фӕнда, уыдон уый тыххӕй сӕрдариуӕггӕнӕг цӕстдарӕгӕн зӕгъой. Се ’ппӕтдӕр бацархайӕнт, Библи кӕимӕ ахуыр кӕнынц, уыдоны куыд фӕхоной ӕмӕ программӕйӕ иу хай дӕр куыд нӕ рауадзой.

25 мин. Мах дӕр уыдонау уӕндонӕй хъусын кӕнӕм. Ныхас хъусджытимӕ, бындуриуӕг кӕны чиныг «Кувут Хуыцауӕн»-ыл, 170, 171 фф. Хъусджытӕн зӕгъ, цӕмӕй дзуапп раттой 7-ӕм абзацы мыхуыр фарстытӕн ӕмӕ сӕ дзуаппыты спайда кӕной амынд стихтӕй. Равзар цалдӕр стихы ӕмӕ сӕ бакӕс. Радзур, ацы хабӕрттӕй цӕуыл ахуыр кӕнӕм ӕмӕ нын куыд ӕххуыс кӕнынц, цӕмӕй нын хъусын кӕныны хӕслӕвӕрдмӕ раст цӕстӕнгас уа.

201 зарӕг ӕмӕ кӕронбӕттӕн куывд.

28 июлӕй райдайгӕ къуыри

45 зарӕг.

10 мин. Хъусинӕгтӕ. Хъусынгӕнджыты зӕрдыл ӕрлӕууын кӕн, цӕмӕй июлӕн уацамынды хыгъд раттой. 4-ӕм фарсыл лӕвӕрд уынаффӕтӕй спайда кӕн ӕмӕ бацӕттӕ кӕн дыууӕ равдысты: куыд ис раттӕн 1 августы «Хъахъхъӕнӕн мӕсыг» (уыр.) ӕмӕ 8 августы «Райхъал ут!». Дыууӕ равдысты дӕр кӕд ӕрмӕстдӕр иу журналы тыххӕй дзурӕм, уӕддӕр хъӕуы раттын дыууӕ дӕр. Равдыстытӕй иуы хъусынгӕнӕг хъусын кӕны, фадат ын куы фӕзынд, уӕд.

15 мин. Ӕркӕсинаг фарстатӕ.

20 мин. «Къордӕй хъусын кӕнын хӕссы цин»b. 3-аг абзацыл дзургӕйӕ, спайда кӕн 2001 азы сентябры «Нӕ паддзахадон лӕггаддзинад»-ы «Фарстыты асыкк»-ӕй. Цыбыр интервью райс чиныгахуыры цӕстдарӕгӕй. Бафӕрс ӕй, цы сарӕзта, цӕмӕй йӕ чиныгахуыры къорд уацамынды цӕуа ӕмӕ сын цы пайда хӕссы, иумӕ кӕй хъусын кӕнынц, уый.

36 зарӕг ӕмӕ кӕронбӕттӕн куывд.

4 августӕй райдайгӕ къуыри

178 зарӕг.

10 мин. Хъусинӕгтӕ. Зӕгъ, ацы мӕй цы литературӕ парахат кӕнӕм, уый тыххӕй. Равдис иу кӕнӕ дыууӕ цыбыр цӕвиттоны.

20 мин. «Алыхуызон ӕвзӕгтыл кӕм дзурынц, ахӕм территорийы литературӕ парахат кӕнын»c. Статья равзар мыхуыр фарстытӕм гӕсгӕ. 3-аг абзацыл дзургӕйӕ равдис, уӕ территорийы адӕм цы ӕвзӕгтыл дзурынц ӕмӕ ӕмбырд цы ӕвзагыл нӕй, уыцы ӕвзӕгтӕй иуыл хуымӕтӕг цӕвиттон (km 7/02 1 ф., 4 абз.).

15 мин. Ӕрыгон фӕсивӕд кадджын кӕнынц Иегъовӕйы! Раныхас, ныхас хъусджытимӕ ӕмӕ интервьютӕ. Ӕрыгӕттӕ фембӕлдты хорз дзуаппытӕ куы фӕдӕттынц, уӕд махӕн ӕхсызгон вӕййы. Хуыцауы Ныхас хъусынгӕнджыты скъолайы зӕрдиагӕй кӕй архайынц ӕмӕ фӕлтӕрдджындӕр кӕй кӕнынц, уымӕй зӕрдӕ рухс кӕны. Уыдон ӕцӕг уырнындзинад равдисынц, уацамынды хорз ӕвдисӕнад куы фӕдӕттынц, уӕд. Се ’фсарм ӕмӕ се ’гъдауӕй кад кӕнынц Иегъовӕйӕн (km 6/98 7 ф., уыр.). Чырыстон фӕндагыл цӕугӕйӕ сын хорзӕй цы бантысы, уымӕй бындур ӕвӕрынц, фидӕны сын сӕ бӕрны цы хӕслӕвӕрдтӕ бакӕндзысты, уыдонӕн. Цыбыр интервью райс дыууӕ кӕнӕ ӕртӕ ӕрыгон чырыстонӕй, ӕмбырды хъуыддӕгты иудадзыг чи архайы ӕмӕ уымӕй йӕ зӕрдӕ кӕмӕн рухс кӕны, ахӕмтӕй. Уе ’мбырды ӕрыгон фӕсивӕдӕн сыгъдӕгзӕрдӕйӕ раарфӕ кӕн, Иегъовӕйы кадджын кӕнынӕн цы хорз хъуыддӕгтӕ аразынц, уый фӕдыл.

49 зарӕг ӕмӕ кӕронбӕттӕн куывд.

[Фиппаинӕгтӕ]