Хъусинӕгтӕ

◼ Литературӕ парахат кӕнынӕн. Декабры: чиныг «Ӕппӕты номдзыддӕр адӕймаг». Раттӕн ма ис «Мӕ библион радзырдты чиныг» дӕр. Январы: ӕмбырды цы 192-фарсон чингуытӕ ис, уыдонӕй кӕцыфӕнды дӕр. Февралы: чиныг «Баввахс у Иегъовӕмӕ». Кӕд уе ’мбырды нӕ уа, уӕд дӕттӕн ис чиныг «Ӕнувыд Сфӕлдисӕг уӕвы?». Мартъийы: брошюрӕ «Ма бафынӕй ут!». Чи бацымыдис кӕна, уымӕн радт чиныг «Базонынад», уыимӕ бацархай, цӕмӕй йемӕ Библи ахуыр кӕнын райдайай.

◼ 2005 азы 22 январы «Райхъал ут!»-ы (уыр.) уыдзӕн статьятӕ – сӕ иумӕйаг ном у «Дохтырты куыстӕн аргъ кӕн». Ацы статьятӕ уый тыххӕй фыст сты, цӕмӕй рынчын адӕймаг йӕ дохтыры хуыздӕр ӕмбара. Фӕлӕ ма, ӕнӕмӕнг, ахъаз уыдзысты дохтыртӕн дӕр, уымӕн ӕмӕ дзы дзырд цӕуы, Библийы ныфсы хабар иуӕй-иу дохтырты зӕрдӕ куыд бацагайдта, ууыл. Чи зоны дӕ бафӕнда ацы журналтӕй фылдӕр райсын, цӕмӕй дзы раттай дӕ дохтырӕн ӕмӕ ма ӕнӕниздзинады фадыджы чи кусы, ӕндӕр ахӕмтӕн. Ӕмбырдты ацы журналтӕй ӕнӕуи заказӕй фылдӕр куы хъӕуа, уӕд хъуамӕ рагацау фехъусын кӕной филиалмӕ.

◼ Тагъд алы ӕмбырдмӕ дӕр йӕхи ӕвзагыл ӕрвыст ӕрцӕудзысты 2005 азы Ӕрымысӕн изӕрмӕ хуынды гӕххӕттытӕ. Кӕд уӕ территорийы ӕндӕр ӕвзӕгтыл дӕр дзурынц, ӕмӕ уӕ фӕнды уыцы ӕвзӕгтыл дӕр хуынды гӕххӕттытӕ райсын, уӕд уӕ заказ ӕвӕстиатӕй арвитут бланкыл (S-14). Хуынды гӕххӕттытӕ цы ӕвзӕгтыл уыдзысты, уыцы хыгъд уыдзӕн фыстӕджы «Хъусинаг ӕппӕт ӕмбырдтӕн дӕр», ӕмӕ ӕрвыст ӕрцӕудзӕн алы ӕмбырдмӕ дӕр. Курӕм уӕ, хуынды гӕххӕттытӕ заказ кӕнут, уӕ территорийы цы ӕвзӕгтыл дзурынц, ӕрмӕстдӕр уыцы ӕвзӕгтыл.

◼ 2006 азы Ӕрымысӕн изӕр уыдзӕн 12 апрелы, ӕртыццӕджы, хурныгуылды фӕстӕ. Рагацау ӕй уый тыххӕй хъусын кӕнӕм, ӕмӕ кӕд иу Паддзахады залы цалдӕр ӕмбырды вӕййы, уӕд цӕмӕй ӕфсымӕртӕ уыцы бонмӕ афойнадыл ӕндӕр залтӕ баххуырсой. Хистӕр нӕлгоймӕгтӕ хъуамӕ агъуысты хицауимӕ баныхас кӕной, цӕмӕй дзы уыцы рӕстӕг хъӕр-хъӕлӕба ма уа ӕмӕ Ӕрымысӕн изӕр уаг ӕмӕ ӕгъдауыл ацӕуа.

◼ Ӕрымысӕн изӕр куыд ахсджиаг у, уый зӕрдыл даргӕйӕ, хистӕр нӕлгоймӕгты совет, раныхасимӕ чи рацӕудзӕн, уыцы ӕфсымӕры радмӕ гӕсгӕ кӕнӕ алы аз дӕр уыцы иуы нысан кӕныны бӕсты, хъуамӕ равзара фӕлтӕрдджын хистӕр нӕлгоймаджы. Кӕд уе ’мбырды ис хистӕр нӕлгоймаг сӕрст чырыстӕттӕй ӕмӕ йӕ бон у ныхасы рацӕуын, уӕд ӕй бахӕс кӕнын хъӕуы уымӕн.

◼ Ацы аз декабрӕй «Хъахъхъӕнӕн мӕсыг»-ы ахуыргӕнӕн статьяты зарджытӕ уыдзысты, 100 зарӕг кӕм ис, уыцы брошюрӕйӕ, ирон ӕвзагыл, (sb100-OSS) ӕмӕ сӕ номыртӕ дӕр уыдзысты, ацы брошюрӕйы куыд амынд сты, афтӕ. 2005 азы Скъолайы программӕйы та зарджыты номыртӕ амынд сты, 225 зарӕджы цы чиныджы ис (уыр.), уымӕ гӕсгӕ.

◼ 2005 азы 27 июнӕй, чиныгахуыры райдайдзыстӕм ахуыр кӕнын чиныг «Раргомад – йӕ диссаджы сӕххӕст хӕстӕг у!» (уыр.).