Хъусинӕгтӕ

◼ Литературӕ парахат кӕнынӕн. Январы: ӕмбырды цы 192-фарсон чингуытӕ ис, уыдонӕй кӕцыфӕнды дӕр. Февралы: чиныг «Баввахс у Иегъовӕмӕ». Кӕд уе ’мбырды нӕ уа, уӕд дӕттӕн ис чиныг «Ӕнувыд Сфӕлдисӕг уӕвы?». Мартъийы: брошюрӕ «Ма бафынӕй ут!». Чи бацымыдис кӕна, уымӕн ратт чиныг «Базонынад» ӕмӕ бацархай йемӕ Библи ахуыр кӕнын райдайын. Апрелы: журналтӕ «Хъахъхъӕнӕн мӕсыг» ӕмӕ «Райхъал ут!». Иннӕ хатт цымыдисгӕнӕг адӕммӕ куы цӕуай, уӕд-иу бацу, Ӕрымысӕн изӕры кӕнӕ ӕндӕр фембӕлды чи уыд, фӕлӕ ӕмбырды хъуыддӕгты чи нӕ архайы, ахӕм адӕймӕгтӕм дӕр ӕмӕ сын ратт чиныг «Кувут Хуыцауӕн». Бацархайын хъӕуы, цӕмӕй искӕимӕ хӕдзары Библи ахуыр кӕнын райдайӕм, уӕлдайдӕр та, чиныг «Базонынад» ӕмӕ брошюрӕ «Цы домы» чи ахуыр кодта, уыдонимӕ.

◼ Ӕхсызгонӕй уын хъусын кӕнӕм, 2004 азы 8 октябры Сомихы Иегъовӕйы Ӕвдисӕнтӕн сӕрибарӕй архайыны бар кӕй радтой.

◼ 2005 азы январӕй «Нӕ хъусын кӕныны хъуыддаг» уырыссаг ӕвзагыл цӕудзӕн хицӕнӕй Белоруси ӕмӕ Уӕрӕсейӕн, хицӕнӕй Азербайджан, Гуырдзыстон ӕмӕ Сомихӕн, хицӕнӕй Таджикистан, Узбекистан ӕмӕ Хъазахстанӕн, ӕмӕ хицӕнӕй Хъыргъызстанӕн. «Нӕ хъусын кӕныны хъуыддаг» цыфӕнды ӕвзагыл ма цӕуа, уӕддӕр ӕндӕр ӕвзӕгтыл дзурӕг ӕмбырдтӕ ӕмӕ къордты хистӕр нӕлгоймӕгты хъӕуы хъус дарын, сӕхи ӕвзагыл цы хъусинӕгтӕ цӕуы, уыдонмӕ нӕ, фӕлӕ цы бӕстӕйы цӕрынц, уыцы ӕвзагыл цы хъусинӕгтӕ уа, уыдонмӕ. Уый тыххӕй хистӕр нӕлгоймӕгтӕ хъуамӕ сӕ бӕстӕйы ӕвзагыл сӕхицӕн заказ кӕной цалдӕр «Нӕ хъусын кӕныны хъуыддаджы».

◼ Февралӕй 6-ӕм мартъийы онг районон цӕстдарӕгӕн уыдзӕн ног ӕргом раныхас «Зондджын ут ӕгъатыр дунейы».

◼ Ӕмбырдтӕ хъуамӕ хорз бацӕттӕ кӕной, цӕмӕй ацы аз Ӕрымысӕн изӕр 24 мартъийы, цыппӕрӕмы, хурныгуылды фӕстӕ сбӕрӕг кӕной. Кӕд раныхас хурныгуылды размӕ ис райдайӕн, уӕддӕр нысӕнттӕ адӕттӕн ис ӕрмӕстдӕр хурныгуылды фӕстӕ. Базонут, сымахмӕ хур кӕд аныгуылы, уый. Хорз уаид, алы ӕмбырд дӕр Ӕрымысӕн изӕр хицӕнӕй куы сбӕрӕг кӕнид, фӕлӕ уымӕн алкӕд гӕнӕн нӕ вӕййы. Иу Паддзахады залӕй цалдӕр ӕмбырды куы пайда кӕной, уӕд сӕ, ӕвӕццӕгӕн, искӕцыты уыцы изӕрмӕ бахъӕудзӕн ӕндӕр агъуыст бацагурын. Хорз уаид, гӕнӕн кӕм уа, уым программӕты ’хсӕн 40 минуты бӕрц куы уаид, цӕмӕй ацы Изӕр алкӕмӕндӕр фӕахъаз уа. Хъӕуы ма бацархайын, цӕмӕй нӕ машинӕтӕ иннӕ транспорты цыд ма къуылымпы кӕной ӕмӕ макӕй бахъыгдарой, искӕй бынатмӕ ӕмӕ фӕстӕмӕ куы ласӕм, уӕд. Хистӕр нӕлгоймӕгты совет хъуамӕ баныхас кӕна, бынӕттон уавӕрты хуыздӕр цы уыдзӕн саразын, ууыл.

◼ Мартъийы хъусын кӕныны фембӕлдтӕй иуы ныхас кӕндзыстӕм киноныв видеокассетӕйыл «Ной – уый цыд Хуыцауимӕ». Кинонывтӕ «Ной – уый цыд Хуыцауимӕ» ӕмӕ «Давид йӕ ныфс дардта Хуыцауыл» рацыдысты DVD-йыл, сӕ иумӕйаг ном «Ной цыд Хуыцауимӕ – Давид йӕ ныфс дардта Хуыцауыл». Сты ахӕм ӕвзӕгтыл: англисаг, испайнаг, италиаг, немыцаг, португайлаг (бразилиаг), уырыссаг, французаг ӕмӕ япойнаг. Видеокассетӕтӕ ӕмӕ DVD-тӕ ӕмбырдты бон заказ кӕнын у иннӕ мӕйы литературӕйы заказимӕ.

◼ Фиппаинаг km 12/2004 хъусинагмӕ. Уӕрӕсейы ӕмӕ Белорусийы цыдӕриддӕр ӕмбырдтӕ ӕмӕ къордтӕ ис, (уырыссаг къухӕй амонгӕ ӕвзагӕй фӕстӕмӕ), уыдон 2005 азы 27 июнӕй райдайгӕ къуырийӕ ӕмбырды чиныгахуыры ахуыр кӕндзысты чиныг «Раргомад – йӕ диссаджы сӕххӕст хӕстӕг у!». Ацы чиныг ӕмбырды кӕнӕ къорды ӕвзагыл куы нӕ уа, уӕд ӕй кӕсдзысты уырыссаг ӕвзагыл, фарстытӕ ӕмӕ дзуаппытӕ та дӕтдзысты сӕхи ӕвзагыл. Уый фӕдыл бӕстондӕр уынаффӕтӕ лӕвӕрд ӕрцыди, 2004 азы 15 октябрӕй ӕппӕт хистӕр нӕлгоймӕгты советтӕн цы фыстӕг ӕрвыст уыд, уым.

◼ 2004 азы 28 августы республикӕ Хакасийы горӕт Абаканы ӕмӕ хъӕу Майнӕйы Иегъовӕйӕн снывонд кодтой Паддзахады залтӕ.

2004 азы 25 сентябры Ленинграды облӕсты горӕт Киришийы ӕмӕ 6 октябры та горӕт Воронежы Иегъовӕйӕн снывонд кодтой Паддзахады залтӕ. Программӕмӕ байхъуыста: 200, 174, 116 ӕмӕ 183 адӕймаджы.