Фӕзминаг у ӕрыгӕттӕн дӕр ӕмӕ ацӕргӕтӕн дӕр
Уымӕн уыд хорз, ӕнгом ахастытӕ Хуыцауимӕ. Уый йӕ цард снывонд кодта Иегъовӕйы фӕндон ӕххӕст кӕнынӕн. Уый «цыд ӕцӕг Хуыцауимӕ» ӕмӕ уый тыххӕй арфӕгонд ӕрцыд. Уыцы адӕймаг уыд Ной – фӕзминаг ӕрыгӕттӕн дӕр ӕмӕ ацӕргӕтӕн дӕр (Уӕв. 6:9). Видеофильмӕй «Ной – уый цыд Хуыцауимӕ», зӕгъгӕ, базондзынӕ, Ной куыд цард, Иегъовӕ йын цӕмӕн раарфӕ кодта ӕмӕ йын йӕ хорз миниуджытӕ дӕ бон фӕзмын куыд у.
Видеофильмы кӕрон ис «Викторинӕ». Бакӕс видеофильммӕ ӕмӕ дзуапп ратт: 1) Зӕдтӕй иуӕй-иутӕ ӕвзӕрӕй цы сарӕзтой ӕмӕ нефилимтӕ чи уыдысты? (Уӕв. 6:1, 2, 4) 2) Адӕм фыдгӕнджытӕ цӕмӕн систы ӕмӕ Хуыцау уымӕ цы цӕстӕй каст? (Уӕв. 6:4–6) 3) Ной иннӕ адӕмӕй цӕмӕй хицӕн кодта? (Уӕв. 6:22) 4) Фыдгӕнджытӕ куыд фесӕфтысты? (Уӕв. 6:17) 5) Нау цӕйас уыд? (Уӕв. 6:15) 6) Ной ма цы куыста ӕмӕ адӕм уымӕ цы цӕстӕй кастысты? (Матф. 24:38, 39; 2 Пет. 2:5) 7) Алы цӕрӕгойы мыггагӕй дӕр науы цалгӕйттӕ уыд? (Уӕв. 7:2, 3, 8, 9) 8) Къӕвда цас фӕуарыд ӕмӕ зӕхх ӕнӕхъӕнӕй дӕр доны бын цас фӕцис? (Уӕв. 7:11, 12; 8:3, 4) 9) Ной ӕмӕ йӕ бинонтӕ цӕмӕн фервӕзтысты? (Уӕв. 6:18, 22; 7:5) 10) Нау кӕм ӕрлӕууыд? (Уӕв. 8:4) 11) Науӕй рахизын тӕссаг кӕй нал у, уый Ной куыд базыдта? (Уӕв. 8:6–12) 12) Ной науӕй куы рахызт, уӕд цы сарӕзта? (Уӕв. 8:20–22) 13) Цы нысан кӕны арвӕрдын? (Уӕв. 9:8–16) 14) Цы нысан кӕны Хуыцауимӕ цӕуын? (Уӕв. 6:9, 22; 7:5) 15) Кӕд нӕ Нойы Дзӕнӕты фенын фӕнды, уӕд нӕ цы кӕнын хъӕуы? (Матф. 28:19, 20; 1 Пет. 2:21).
Дӕ бон Хуыцауимӕ цӕуын куыд у, уый тыххӕй иузӕрдион, коммӕгӕс Нойы хабарӕй цы базыдтай? Иегъовӕ йӕ абоны лӕггадгӕнджыты кӕй фервӕзын кӕндзӕн, ууыл дӕ бон дӕ ныфс дарын куыд у, уый тыххӕй дзы цы базыдтай? (Уӕв. 7:1; Ӕмб. 10:16; Дзут. 11:7; 2 Пет. 2:9)