Райдианы дӕм цы уарзондзинад уыд, уый ма фесаф
1 Йесо фыццаг ӕнусы Ефесы ӕмбырдӕн загъта: «Хъуамӕ дын иу цӕйдӕр тыххӕй бауайдзӕф кӕнон: райдианы дӕм цы уарзондзинад уыд, уый дӕм нал ис» (Рарг. 2:4). Бӕрӕг у, бирӕтӕ Йегъовӕйы раздӕр куыд уарзтой, афтӕ йӕ кӕй нал уарзтой. Ӕцӕгдзинад куы базыдтам, уӕд бауарзтам Хуыцауы ӕмӕ адӕмы, ӕмӕ нӕ уый разӕнгард кодта нӕ ныфсы тыххӕй зӕрдиагӕй хъусын кӕнынмӕ. Цы саразӕн ис, цӕмӕй нӕм райдианы цы уарзондзинад уыд, уый ма фесафӕм ӕмӕ хъусын кӕныны хъуыддаджы ма ӕрлӕмӕгъ уӕм?
2 Библи ахуыр кӕн ӕмӕ ӕмбырдтӕм цу. Ӕцӕгдзинад куы базыдтам, уӕд Хуыцауы ӕмӕ адӕмы цӕмӕн бауарзтам? Библи ахуыр кӕнгӕйӕ Йегъовӕйы тыххӕй цыдӕриддӕр базыдтам, уый фӕрцы нӕм нӕ фӕзынд ахӕм уарзондзинад? (1 Иоан. 4:16, 19). Уӕдӕ цӕмӕй нӕ уарзондзинад «фылдӕрӕй-фылдӕр кӕна», уый тыххӕй хъуамӕ дарддӕр дӕр бӕлвырд зонындзинӕдтӕ агурӕм, иртасӕм «Хуыцауы арф хъуыддӕгтӕ» (Фил. 1:9–11; 1 Кор. 2:10).
3 Ацы фӕстаг бонты Библи алы бон дӕр ахуыр кӕнын тынг зын у, уымӕн ӕмӕ нӕ бирӕ цыдӕртӕ къуылымпы кӕны ӕмӕ тыхсын кӕны (2 Тим. 3:1). Хъуамӕ нӕ рӕстӕг афтӕ пълан кӕнӕм, нӕ уырнындзинад нын чи бафидар кӕна, уыцы хӕринагӕй цух куыд не ’ййафӕм. Ахсджиаг у ӕдзухдӕр ӕмбырдтӕм цӕуын дӕр, уӕлдайдӕр, «уыцы бон куыд хӕстӕг кӕны», афтӕ (Дзут. 10:24, 25).
4 Хъусын кӕн. Зӕрдиагӕй куы хъусын кӕнӕм, уӕд уый руаджы дӕр Хуыцауы раздӕрау уарздзыстӕм. Уацамынды куы вӕййӕм, уӕд нӕ рох кӕнӕм Йегъовӕйы зӕрдӕвӕрдтӕ ӕмӕ нын уый ӕххуыс кӕны, цӕмӕй нӕ ныфс фидар уа ӕмӕ нӕ уарзондзинад ма фесӕфа. Цӕмӕй Библийы ахуырӕдтӕ хорз базонӕм, уый тыххӕй сӕ хъӕуы иртасын, ӕмӕ уӕд нӕ уырнындзинад фидар кӕндзӕн (1 Тим. 4:15, 16).
5 Хъуамӕ Йегъовӕйы бирӕ уарзӕм, мацы йын хӕлӕг кӕнӕм (Рарг. 4:11). Дӕ уарзондзинад лӕмӕгъ кӕнын ма бауадз. Дӕ фыццаг уарзты цӕхӕр ма бамынӕг уӕд: Библи зӕрдиагӕй ахуыр кӕн, ӕмбырдтӕм ӕдзух цу ӕмӕ адӕмӕн зынгзӕрдӕйӕ хъусын кӕн, дӕ зӕрдӕйӕн тынг зынаргъ чи у, уыцы хабар (Ром. 10:10).