Хуыцауы Ныхас хъусынгӕнджыты скъола – ӕрмӕг нӕ зӕрдыл ӕрлӕууын кӕнӕм

Дӕлдӕр цы фарстытӕ ис, уыдон ӕвзӕрст цӕудзысты 2007 азы 25 июнӕй райдайгӕ къуыри Хуыцауы Ныхас хъусынгӕнджыты скъолайы. 2007 азы 7 майӕ райдайгӕ къуырийӕ 25 июнӕй райдайгӕ къуыримӕ цы ӕрмӕг рацыдыстӕм, уый нӕ зӕрдыл ӕрлӕууын кӕндзыстӕм. Ӕрмӕг ӕвзардзӕн Скъолайы цӕстдарӕг, 30 минуты дӕргъы. Фиппаинаг: фарсты фӕстӕ, дзуапп кӕм ис, уый амынд куы нӕ уа, уӕд дӕхи хъӕудзӕн ӕрмӕг бацагурын. (Кӕс «Хъусынгӕнджыты скъола», 36, 37 фф.)

ДЗЫРДАРӔХСТДЗИНАД

1. Нӕ бон цы у саразын, цӕмӕй ӕгӕр ма тыхсӕм ӕмӕ нӕ хъӕлӕс фӕхуыздӕр кӕнӕм? (be 185 ф., 1–3 абз.).

2. Нӕ бон куыд у, цӕмӕй уацамынды «алыхуызон адӕмӕн дӕр суӕм алцыдӕр»? (1 Кор. 9:20–23) (be 186 ф., 2–4 абз.).

3. Нӕ бон куыд у Йегъовӕйы бафӕзмын, иннӕтӕм хъусын куыд хъӕуы, уыцы хъуыддаджы? (Райд. 18:23–33; 3 Пад. 22:19–22) (be 187 ф., 1, 2, 4 абз.).

4. Адӕмӕн куыд баххуыс кӕнӕм, цӕмӕй Хуыцауы фӕндагыл слӕууой? (be 187 ф., 5 абз.–188 ф. 3 абз.).

5. Адӕмӕн цӕмӕн хъуамӕ кад кӕнӕм? (be 190 ф., 3 абз., фӕлгӕт).

ФЫЦЦАГ ХӔСЛӔВӔРД

6. Хуыцауы Ныхас кӕмӕн амонӕм, уыдонӕн сӕ зӕрдӕтӕм фӕндаг агурын цӕмӕн хъӕуы? (be 59 ф., 1 абз.).

7. Кӕй ахуыр кӕнӕм, уыдоныл нӕ хъуыддӕгтӕ куыд ӕндавынц? (be 61 ф., 1 абз.).

8. Куыд ныхас кӕнӕм, уый фӕхуыздӕр кӕнӕн куыд ис нӕ бинонты ’хсӕн? (be 62 ф., 3 абз.).

9. Пехуымпар Йереми хъӕбатырдзинад куыд равдыста? (bsi07 3 ф., 36 абз.).

10. Йеремийы хъарӕджы чиныг фидарӕй цӕуыл дзуры, фӕлӕ хорз цӕмӕн у зонын, Хуыцау фыдгӕнджытыл кӕй тӕрхон кӕндзӕн? (bsi07 5 ф., 13 абз.).

БИБЛИ ӔРВЫЛКЪУЫРИ КӔСЫН

11. Йеремийы 37:21 цы хабар фыст ис, уый нӕ куыд фидар кӕны?

12. Варух цӕмӕн загъта, зӕгъгӕ мын Йегъовӕ мӕ рисыл рис бафтыдта, ӕмӕ уымӕ гӕсгӕ сфӕлмӕцыдтӕн, ӕмӕ йӕм ахӕм зӕрдӕйы уаг цӕмӕн фӕзынд? (Йер. 45:1–5).

13. Вавилон ӕдзӕрӕг кӕд сси? (Йер. 50:13).

14. Кувыны тыххӕй Йеремийы хъарӕг 3:8, 9, 42–45 цы базонӕн ис?

15. Иезекилы чиныджы 1 сӕры цавӕр «уӕрдоны» кой цӕуы?