Ӕппӕты ӕхсызгондӕр куыст
1. Абон тынг цӕуыл фӕцин кӕнӕм?
1 Фыццаг ӕнусы-иу исчи йӕ низӕй куы фервӕзт, уӕд-иу адӕмы цинӕн кӕрон дӕр нал уыд (Лук. 5:24–26). Абон дӕр тынг фӕцин кӕнӕм, искӕмӕн Хуыцауы хуыздӕр базонынӕн куы баххуыс кӕнӕм, уӕд (Рарг. 22:1, 2, 17). Куыд ӕхсызгон нын вӕййы, Хуыцауы Ныхасы ӕмӕ йӕ сыгъдӕг тыхы фӕрцы адӕм сӕ цард кӕй фӕивынц, ахӕм цӕвиттонты тыххӕй кӕсын! Уӕлдай ӕхсызгондӕр та нын вӕййы, Библи кӕимӕ фӕахуыр кӕнӕм, уыцы адӕймаг йӕ цард куы фӕивы, уӕд.
2. Искӕимӕ Библи куы фӕахуыр кӕнӕм, уӕд цӕмӕн фӕцин кӕнӕм?
2 Хуыцауы ном куыд у? Хуыцау зындзинӕдтӕн кӕрон цӕуылнӕ скӕны? Хуыцауы Паддзахад адӕмӕн цы сараздзӕн? Ацы фарстатӕн дзуапп кӕй раттӕм, ӕрмӕст уый нын нӕ вӕййы ӕхсызгон, фӕлӕ ма Библи кӕимӕ ахуыр кӕнӕм, уый рӕстдзинад куы базоны ӕмӕ куы фӕцин кӕны, уый дӕр (Ӕмб. 15:23; Лук. 24:32). Ахуыргӕнинагӕн йӕ зонындзинӕдтӕ куы фӕфылдӕр вӕййынц, уӕд Хуыцаумӕ йӕ номӕй кувын райдайы, йӕ конд ӕмӕ йӕ уынд фӕивы, йе ’взӕр хъуыддӕгтӕ ныууадзы ӕмӕ иннӕтӕн хорз хабары тыххӕй фӕдзуры. Ӕмӕ кӕд дарддӕр дӕр размӕ цӕуа, Йегъовӕйӕн нывонддзырд ратта ӕмӕ донаргъуыд райса, уӕд не ’фсымӕр ӕмӕ не ’мкусӕг суыдзӕн. Ӕппӕт уыдӕттӕ нын хӕссынц стыр циндзинад (1 Фес. 2:19, 20).
3. Цӕмӕй искӕимӕ Библи ахуыр кӕнын райдайӕм, уый тыххӕй цы хъуамӕ аразӕм?
3 Дӕ бон у уыцы куысты архайын? Кӕд дӕу дӕр фӕнды ӕппӕты ӕхсызгондӕр куысты архайын, уӕд Йегъовӕмӕ кув, цӕмӕй дын баххуыс кӕна, ӕмӕ искӕимӕ Библи ахуыр кӕнын райдайай. Ӕмӕ дӕ куывдтытӕм гӕсгӕ архайгӕ дӕр кӕн (1 Иоан. 5:14). Алы ран дӕр ӕмӕ алы афон дӕр хъусын кӕн. Фадат дын-иу куы фӕзына, уӕд-иу Библийы ахуыры тыххӕй дзур (Еккл. 11:6). Ӕмӕ кӕд, фылдӕр базонын кӕй фӕнды, ахӕмтыл сӕмбӕлай, уӕд-иу сӕ абӕрӕг кӕн (1 Кор. 3:6–9).
4. Абон уӕлдай ахсджиаг цӕмӕн у адӕмӕн Библи ахуыр кӕныны тыххӕй дзурын?
4 Рӕстдзинад ӕххормаг ӕмӕ дойны адӕймагау чи агуры, ахӕм адӕм нырма тынг бирӕ ис. Ӕмӕ цӕмӕй Йегъовӕйы хуыздӕр базоной, уый тыххӕй семӕ Библи ахуыр кӕнын чи райдайдзӕн? (Матф. 5:3, 6). Цӕй уӕдӕ нӕ хъарутӕ иууылдӕр хорз хабар хъусын кӕнынмӕ ӕмӕ ахуыргӕнинӕгтӕ цӕттӕ кӕнынмӕ саразӕм, цалынмӕ хуымгӕрдӕны куыст нӕ фӕци, уӕдмӕ (Ис. 6:8).