Бӕрӕгбӕтты рӕстӕг цы кусдзынӕ?
Бӕрӕгбӕтты рӕстӕг бирӕтӕ вӕййынц сӕ хӕдзӕртты ӕмӕ уый хорз фадат вӕййы хъусын кӕнынӕн. Хорз уаид, ӕмбырдтӕ-иу куы спълан кӕниккой, бӕрӕгбӕтты рӕстӕг куыд хъусын кӕндзысты, уый. Нӕ участокты адӕм фылдӕр куы фынӕй кӕной, уӕд хуыздӕр уыдзӕн уацамындон фембӕлды рӕстӕг гыццыл фӕивын. Хъусын кӕныны фембӕлды зӕгъын хъӕудзӕн, бӕрӕгбоны рӕстӕг уе ’мбырд куыд хъусын кӕндзӕн, уый тыххӕй ӕмӕ йӕ бон кӕмӕн у, уыдоны сразӕнгард кӕнын хъӕудзӕн, цӕмӕй уыцы хъуыддаджы зӕрдиагӕй бацархайой. Кӕй зӕгъын ӕй хъӕуы, ахӕм рӕстӕг ма нӕ бон вӕййы баулӕфын ӕмӕ нӕхи хъуыддӕгтӕ бакӕнын дӕр. Фӕлӕ хорз уаид, уацамындӕн дӕр-иу рӕстӕг куы рахицӕн кӕниккам. Уый фӕрцы схайджын уыдзыстӕм, Хуыцауӕн лӕггад кӕныны хъуыддаг цы удӕнцой хӕссы, уымӕй (Матф. 11:29, 30).