Лӕг ӕмӕ усӕн сӕ бон цы у аразын, цӕмӕй ноджы ӕнгомдӕр уой?

Авраам ӕмӕ Саррӕ уыдысты фӕзминаг бинонтӕ, кӕрӕдзи кӕй уарзтой ӕмӕ кӕрӕдзийӕн кӕй аргъ кодтой, уымӕй (Рд 12:11–13; 1Пт 3:6). Фӕлӕ уыдон уыдысты ӕнӕххӕст, стӕй сын уыд бирӕ зындзинӕдтӕ. Авраам ӕмӕ Саррӕйы цӕвиттонӕй лӕгтӕн ӕмӕ устытӕн сӕ бон зондӕн райсын цы у?

Ӕдзухдӕр кӕрӕдзиимӕ ныхас кӕнут. Дӕ цардӕмбал мӕстыйӕ исты куы зӕгъа, уӕд-иу ӕм ма фӕхъыг у, фӕлӕ-иу бацархай, цӕмӕй йӕ бамбарай (Рд 16:5, 6). Уӕ рӕстӕг иумӕ ӕрвитут. Дӕ ныхӕстӕй ӕмӕ дӕ хъуыддӕгтӕй бӕрӕг уӕд, кӕй йӕ уарзыс. Сӕйраджыдӕр та уӕ дыууӕйӕн дӕр царды ӕппӕты ахсджиагдӕр уӕд Йегъовӕмӕ ӕввахс кӕнын. Уый тыххӕй та уӕ хъӕуы иумӕ Библи иртасын, Хуыцаумӕ кувын ӕмӕ йын лӕггад кӕнын (Ек 4:12). Ӕнгом бинонтӕ кад хӕссынц Йегъовӕйӕн, бинонты цардӕн бындур чи ӕрӕвӕрдта, уыцы Хуыцауӕн.

БАКӔС ВИДЕОРОЛИКМӔ «ДӔ БИНОНТЫ ЦАРД ФИДАР КӔН» ӔМӔ ДЗУАПП РАТТ АЦЫ ФАРСТАТӔН:

• Цӕмӕй бӕрӕг уыд, Шан ӕмӕ Киарӕ кӕрӕдзийӕ кӕй адард сты, уый?

• Ахсджиаг цӕмӕн у, цӕмӕй лӕг ӕмӕ ус кӕрӕдзиимӕ ӕргом ныхас кӕной?

• Авраам ӕмӕ Саррӕйы цӕвиттон Шан ӕмӕ Киарӕйӕн куыд баххуыс кодта?

• Шан ӕмӕ Киарӕ цы сарӕзтой, цӕмӕй ӕнгомдӕр уыдаиккой?

• Лӕг ӕмӕ ус афтӕ цӕуылнӕ хъуамӕ хъуыды кӕной, ӕмӕ сӕ бинонты цард алцӕмӕй ӕххӕст уыдзӕн?