Цы базоныс, уый-иу сныв кӕн, цӕмӕй йӕ хуыздӕр бахъуыды кӕнай

Алы хатт нын ӕнцон нӕ вӕййы, цы иртӕстам, уый бахъуыды кӕнын. Цы нын баххуыс кӕнид? Зӕгъӕм, Йесо цытӕ амыдта, уыдон ӕнцонтӕй ӕрхъуыды кӕнӕм. Цӕмӕн? Уый пайда кодта цӕстуынгӕ цӕвиттонтӕй, ӕмӕ сӕ нӕ бон вӕййы нӕ цӕстытыл ауайын кӕнын. Уый фӕрцы та, цы амыдта, уый хорз бахъуыды кӕнӕм. Уӕдӕ, цы базонӕм, уый нӕ бон вӕййы нӕ цӕстытыл ауайын кӕнын. Уымӕн нын цы баххуыс кӕндзӕн? Цы фӕиртасӕм, уый-иу куы аныв кӕнӕм.

Адӕймаг ног цыдӕртӕ хуыздӕр бахъуыды кӕны, куы сӕ сныв кӕны, уӕд. Ӕмӕ ныв кӕнӕн ӕрмӕст предметтӕ нӕй, фӕлӕ, басгарӕн цы нӕй, ахӕм цыдӕртӕ дӕр, зӕгъӕм, ӕнкъарӕнтӕ, миниуджытӕ, уавӕртӕ ӕмӕ афтӕ дарддӕр. Ӕнӕмӕнг нӕу, цӕмӕй дӕсны нывгӕнӕг уай – хуымӕтӕг нывтӕ дӕр фаг сты. Ӕмӕ куыд рабӕрӕг, афтӕмӕй уый уӕлдай стыр ӕххуыс у ацӕргӕтӕн.

Уӕдӕ иннӕ хатт исты иртасгӕйӕ афӕлвар, цы базыдтай, уый сныв кӕнын. Кӕс-ма-иу, дис дӕр ма кӕндзынӕ, куыд бирӕ бахъуыды кодтай, ууыл.