ИНДОНЕЗИ
Разамындмӕ байхъуыстам, ӕмӕ удӕгасӕй баззадыстӕм!
Блазиус да Гомес
РАЙГУЫРД: 1963 аз.
ДОНАРГЪУЫД РАЙСТА: 1995 аз.
ЙӔ ХАБӔРТТӔ ЦЫБЫРТӔЙ: хистӕр нӕлгоймаг, ӕфсымӕртыл ӕмӕ хотыл тынг тыхсти, сакъадах Амбоныл (Молуккы сакъадӕхтӕ) пысылмӕттӕ ӕмӕ чырыстӕттӕ куы фӕбыцӕу сты, уӕд.
1999 азы 19 январы нӕ хӕдзарӕй иу-ӕртӕ километры дарддӕр пысылмӕттӕ ӕмӕ чырыстӕттӕ кӕрӕдзимӕ хӕцӕнгарз систой. Ӕнӕуи дӕр кӕрӕдзи ныхмӕ рагӕй цыдысты. Бӕстӕ сӕмтъерыa.
Бацархайдтон, цӕмӕй мӕ бинонтӕ ӕдас ран уыдаиккой, ӕмӕ стӕй ӕмбырды хотӕ ӕмӕ ӕфсымӕртӕм фӕдзырдтон, зӕгъын, куыд сты, уый базонон. Ӕз сын загътон, цӕмӕй ма тыхсой ӕмӕ, тӕссаг кӕм у, ахӕм бынӕттӕм ма цӕуой. Фӕстӕдӕр сӕ хистӕр нӕлгоймӕгтӕ бабӕрӕг кодтой. Уыдон сӕ бафидар кодтой ӕмӕ сын загътой, цӕмӕй фембӕлдтӕ гыццыл къордтӕй уагътаиккой.
Филиалӕй разамынд ӕрцыд: тӕссаг районты чи цард, уыцы хъусынгӕнджыты ӕнӕмӕнгӕй хъуыди ӕдас бынатмӕ раласын. Уыцы хабар цалдӕр бинонтӕн фехъусын кодтам. Хъыгагӕн, иу ӕфсымӕр йӕ хӕдзар ныууадзын нӕ бакуымдта, ӕмӕ йӕ фӕстӕдӕр гӕрзифтонг адӕм амардтой. Фӕлӕ филиалы разамындмӕ чи байхъуыста, уыдон иууылдӕр удӕгасӕй баззадысты.
a Уыцы быцӕу анхъӕвзта ӕнӕхъӕн провинци Малукуйыл ӕмӕ ахаста дыууӕ азӕй фылдӕр. Дӕсгай минтӕ сӕ хӕдзӕрттӕй лидзинаг фесты.