14 (34) зарӕг
Нӕ ном макуы счъизи кӕнӕм
1. Кадджын Иегъовӕ, ӕппӕтхъом, ӕнусон,
Раст у дӕ тӕрхон, ӕгӕрон — дӕ уарзт.
Ды дӕ ӕцӕгады, ’ппӕт зонды суадон,
Хицау уӕлӕрвты дӕ — иунӕг ’мӕ раст.
Зӕдтӕ дын райгӕ лӕггад кӕнынц алкӕд,
Де стыр кад де сконд дунейы уынӕм.
«Ме ’взӕрст Ӕвдисӕнтӕ»,— ном нын ды радтай.
Уыцы ном макуы ысчъизи кӕнӕм!
2. Ратт нын ӕххуыс, кад дӕ номӕн куыд хӕссӕм
Ӕмӕ дӕ «фыстӕм» куыд зилӕм хӕрдӕй,
Йесойы къахвӕдтыл мах раст куыд цӕуӕм,
Алкӕд йӕ амындтӕм хъусӕм зӕрдӕй.
Не ’гъдау, нӕ уагмӕ нӕ хъус хъуамӕ дарӕм,
Дӕ кад кӕддӕрид бӕрзӕндты хӕссӕм.
Стӕм дын Ӕвдисӕнтӕ, кад у уый махӕн.
Уыцы ном макуы ысчъизи кӕнӕм!
3. Дарддӕр ӕххӕст кӕнӕм кадджын ’мӕ уаз куыст,
Уарзт ӕмӕ фарнимӕ — н’ алы хъуыддаг.
Райгонд ыстӕм мах; дӕ кад хъуысы дардыл,—
Уымӕй нӕ зӕрдӕтӕ цинӕй сты дзаг.
Цӕй ӕмӕ аргъ кӕнӕм алкӕд нӕ номӕн,
Царды ӕцӕгад дӕр тауӕм рӕдау.
Иууыл сӕйраг та — дӕуӕн цин хӕсдзыстӕм,
О Иегъовӕ, нӕ Паддзах, Хуыцау!