Хъахъхъӕнӕн мӕсыджы ОНЛАЙН-БИБЛИОТЕКӔ
Хъахъхъӕнӕн мӕсыджы
ОНЛАЙН-БИБЛИОТЕКӔ
ирон
ӕ
  • ӕ
  • БИБЛИ
  • ПУБЛИКАЦИТӔ
  • ФЕМБӔЛДТӔ
  • lr 42 сӕр, 217–221 фф.
  • Кусын цӕмӕн хъӕуы?

Ацы ӕрмӕгмӕ видео нӕй.

Бахатыр кӕн, видео рафыссын нӕ рауад.

  • Кусын цӕмӕн хъӕуы?
  • Хъус ӕппӕты хуыздӕр Ахуыргӕнӕгмӕ
  • Темӕимӕ баст ӕрмӕг
  • Хъӕддӕсныйы куыст
    Хъахъхъӕнӕн мӕсыг хъусын кӕны Йегъовӕйы Паддзахад 2010
  • Дӕ фыдӕбонӕй дӕ зӕрдӕ райӕд
    Хуыцауы уарзтӕй дӕхи ӕнӕхай ма фӕкӕн
  • Дӕ куыстӕй райгонд цӕй фӕрцы уыдзынӕ?
    Хъахъхъӕнӕн мӕсыг хъусын кӕны Йегъовӕйы Паддзахад 2015
  • Йесо ӕппӕты хуыздӕр Ахуыргӕнӕг цӕмӕн уыди?
    Хъус ӕппӕты хуыздӕр Ахуыргӕнӕгмӕ
Фылдӕр фенын
Хъус ӕппӕты хуыздӕр Ахуыргӕнӕгмӕ
lr 42 сӕр, 217–221 фф.

42 СӔР

Кусын цӕмӕн хъӕуы?

ЗӔГЪ-МА, фылдӕр цы уарзыс: кусын ӕви хъазын? ~ Хъазын дӕр хорз у. Зӕгъӕм, Библийы Иерусалимы тыххӕй фыст ис, зӕгъгӕ, «йӕ уынгты хъазы бирӕ лӕппутӕ ӕмӕ чызджытӕ» (Захари 8:5).

Ӕппӕты хуыздӕр Ахуыргӕнӕг бирӕ уарзта, сывӕллӕттӕ куыд хъазынц, уымӕ кӕсын. Уӕлӕрвты куы цард, уӕд афтӕ загъта: «Ӕз уыдтӕн Хуыцауӕн йӕ фарсмӕ ӕмӕ йын уыдтӕн хорз кусӕг. Ӕдзухдӕр цин кодтон йӕ разы». Кӕсыс, уӕлӕрвты Йесо Йегъовӕимӕ кусгӕ кодта. Ӕмӕ уӕлӕрвты куы уыди, уӕд ма афтӕ дӕр загъта: «Мӕ зӕрдӕйӕн мын циндзинад хастой зӕххон адӕм». О, уый размӕ йӕ куыд базыдтам, афтӕмӕй ӕппӕты хуыздӕр Ахуыргӕнӕг уарзта алкӕй дӕр – стырты дӕр ӕмӕ гыццылты дӕр (Ӕмбисӕндтӕ 8:30, 31).

Адӕм мӕнӕуы куыристӕ ӕмбырд кӕнынц

Йесо уӕлӕрвты куы цард, уӕд ын циндзинад цы хаста?

Куыд хъуыды кӕныс, Йесо-иу гыццылӕй хъазыди? ~ Ӕвӕццӕгӕн-иу хъазыдаид. Фӕлӕ Йесойы тыххӕй базыдтам, уӕлӕрвты «хорз кусӕг» кӕй уыди. Ӕмӕ уӕд зӕххыл дӕр исты куыста? ~ Йесойӕ адӕм дзырдтой, зӕгъгӕ, уый у хъӕддӕсныйы, кӕнӕ пълотниччы, фырт. Фӕлӕ йын йӕхи дӕр хуыдтой пълотник. Уый куыд ӕмбаргӕ у? ~ Ӕвӕццӕгӕн ӕй йӕ фыд Иосиф сахуыр кодта уыцы куыстыл. Ӕмӕ Йесо йӕхӕдӕг дӕр сси пълотник (Матфейы 13:55; Марчы 6:3).

Цымӕ Йесо йӕ куыст хорз кодта? ~ Кӕд уӕлӕрвты хорз кусӕг уыди, уӕд цымӕ зӕххыл дӕр пълотниччы куыст афтӕ хорз кодта? ~ Уыцы рӕстӕг пълотниччы куыст уыди тынг зын. Ӕвӕццӕгӕн-иу Йесойы хъуыди хъӕдмӕ ацӕуын, бӕлас акалын, ныллыгтӕ йӕ кӕнын ӕмӕ хъӕдтӕ хӕдзармӕ ӕрбахӕссын. Стӕй-иу уыцы хъӕдтӕй, ӕвӕццӕгӕн, сарӕзта стъӕлттӕ, бандӕттӕ ӕмӕ бирӕ ӕндӕр цыдӕртӕ.

Куыд дӕм кӕсы, Йесойӕн йӕ куыст циндзинад хаста? ~ Зӕгъ-ма, иннӕтӕн рӕсугъд стъӕлттӕ, бандӕттӕ кӕнӕ ӕндӕр истытӕ куы аразис, уӕд нӕ цин кӕнис? ~ Библийы афтӕ фыст ис, зӕгъгӕ, адӕймаг цы кусы, ууыл куы цин кӕна, уӕд уымӕй хуыздӕр ницы ис. Куыст адӕймагӕн цы циндзинад ӕрхӕссы, ахӕм циндзинад ын хъазт никуы ’рхӕсдзӕн (Екклесиаст 3:22).

Адӕймаг куы куса, уӕд уый пайда у магъзӕн дӕр ӕмӕ буарӕн дӕр. Бирӕ сывӕллӕттӕ бон-изӕрмӕ фӕбадынц телевизоры раз кӕнӕ фӕхъазынц видеохъӕзтытӕй. Уый тыххӕй тынг снард вӕййынц ӕмӕ вӕййынц лӕмӕгъ, рынчынтӕгӕнаг. Уыдоны амондджын схонӕн нӕй. Ӕмӕ иннӕтӕн дӕр циндзинад нӕ хӕссынц. Фӕлӕ цӕмӕй амондджын уӕм, уый тыххӕй нӕ цы хъӕуы аразын? ~

Ацы чиныджы 17-ӕм сӕрӕй базыдтам, адӕймаг иннӕтӕн исты куы лӕвар кӕна ӕмӕ сын куы ӕххуыс кӕна, уӕд амондджын кӕй уыдзӕн (Хъуыддӕгтӕ 20:35). Библи Йегъовӕйы хоны «амондджын Хуыцау» (1 Тимофеймӕ 1:11). Ӕмбисӕндты чиныджы та кастыстӕм, Йесо Хуыцауы раз ӕдзухдӕр кӕй цин кодта. Йесо амондджын цӕмӕн уыди? ~ Уый тыххӕй йӕхӕдӕг афтӕ загъта: «Мӕ Фыд ныр дӕр ма кусы, ӕмӕ ӕз дӕр кусын» (Иоанны 5:17).

Йесо зӕххыл куы цард, уӕд ӕдзух пълотниччы куыст нӕ кодта. Йегъовӕ йын радта стырдӕр куыст. Зоныс, цавӕр? ~ Йесо афтӕ загъта: «Хъӕуы мӕ Хуыцауы паддзахады тыххӕй хорз хабар хъусын кӕнын, уымӕн ӕмӕ уый тыххӕй ӕрвыст дӕн» (Лукайы 4:43). Йесо кӕмӕн хъусын кодта, уыцы адӕмӕй йыл чидӕртӕ баууӕндыдысты ӕмӕ йын йӕ ныхӕстӕ иннӕтӕн дӕр дзырдтой. Мӕнӕ ам нывыл цы самариаг сылгоймаджы уыныс, уый дӕр, Йесойӕ цы фехъуыста, уыдӕттӕ иннӕтӕн радзырдта (Иоанны 4:7–15, 27–30).

Йесо Самариаг сылгоймагимӕ ныхас кӕны цъайы цур; Йесо хъӕддӕсныйы куыст кӕны

Йесо зӕххыл куы цард, уӕд цы куыста?

Куыд хъуыды кӕныс, Йесойы фӕндыди уыцы куыст кӕнын? ~ Йесо афтӕ загъта: «Мӕнӕн мӕ хӕринаг у, чи мӕ рарвыста, уый фӕндон ӕххӕст кӕнын ӕмӕ йын йӕ хъуыддаг кӕронмӕ ахӕццӕ кӕнын» (Иоанны 4:34). Зӕгъ-ма, тынг цы хӕринаг уарзыс, уый куы фӕхӕрыс, уӕд нӕ фӕцин кӕныс? ~ Уӕд ӕй дӕ бон у бамбарын, Хуыцау Йесойӕн цы куыст радта, уый Йесо куыд тынг уарзта.

Хуыцау нӕ афтӕ сфӕлдыста, ӕмӕ кусын куы сахуыр вӕййӕм, уӕд вӕййӕм амондджын. Библийы фыст ис, зӕгъгӕ, адӕймаг цы кусы, ууыл кӕй цин кӕны, уый йын Хуыцауы лӕвар у. Уӕдӕ гыццылӕй кусын куы сахуыр уай, уӕд алкӕддӕр уыдзынӕ амондджын (Екклесиаст 5:19).

Уый афтӕ ӕмбаргӕ нӕу, ӕмӕ, стыртӕ куыд кусынц, сывӕллӕттӕ дӕр хъуамӕ афтӕ кусой. Фӕлӕ сывӕллӕттӕн дӕр сӕ бон у цыдӕртӕ аразын. Дӕ мад ӕмӕ дӕ фыд алы бон дӕр цӕуынц куыстмӕ, цӕмӕй ӕхца бакусой ӕмӕ сӕ бон уа бинонтӕн хӕринаг ӕлхӕнын ӕмӕ хӕдзары тыххӕй ӕхца фидын. Ӕмӕ йӕ, ӕвӕццӕгӕн, зоныс, хӕдзары дӕр бирӕ куыстытӕ кӕй ис, зӕгъӕм, хъӕуы ӕфснайын, цӕмӕй хӕдзары уа сыгъдӕг.

Куыд у дӕ бон дӕ ныййарджытӕн ӕххуыс кӕнын? ~ Зӕгъӕм, дӕ бон у стъолыл хӕринаг ӕрӕвӕрын, тӕбӕгътӕ ныхсын, бырӕттӕ аппарын, дӕ уат ӕмӕ дӕ хъазӕнтӕ бафснайын. Ӕвӕццӕгӕн, ныр дӕр афтӕ фӕкӕныс. Ӕмӕ уымӕй тынг ӕххуыс кӕныс дӕ ныййарджытӕн.

Мад хъазӕнтыл фӕхауы

Дӕ хъазӕнтӕ дӕ фӕстӕ цӕмӕн хъуамӕ ӕфснайай?

Ахӕм ӕххуыс хорз цӕмӕй у, ууыл-ма аныхас кӕнӕм. Зӕгъӕм, хъазт куы фӕуай, уӕд хъазӕнтӕ хъӕуы бафснайын. Куыд хъуыды кӕныс, цӕмӕн? ~ Афтӕмӕй хӕдзар уыдзӕни ӕфснайд, стӕй дзы никӕуыл ницы фыдбылыз ӕрцӕудзӕн. Фыдбылыз та куыд хъуамӕ ӕрцӕуа? Дӕ хъазӕнтӕ куы нӕ бафснайай ӕмӕ дӕ мад хӕдзармӕ куы ’рбацӕуа ӕмӕ йӕ къухты истытӕ куы уа, уӕд дӕ хъазӕнтӕй искӕцы йӕ къахы бын фӕуыдзӕн ӕмӕ йӕ къах фӕбырдзӕн. Афтӕмӕй хаугӕ дӕр акӕндзӕн ӕмӕ йӕхи ныццӕвдзӕн. Чи зоны ма йӕ дохтыртӕм ласын дӕр бахъӕуа. Ӕмӕ дӕм уӕд уый хорз фӕкӕсдзӕн? ~ Уӕдӕ дӕ хъазӕнтӕ дӕ фӕстӕ куы ’фснайай, уӕд уый стыр ӕххуыс уыдзӕн алкӕмӕн дӕр.

Сывӕллӕттӕн ма ис ӕндӕр куыст дӕр. Хъӕуы сӕ скъолайы ахуыр кӕнын. Скъолайы бирӕ цӕуылдӕрты фӕахуыр кӕнынц, зӕгъӕм, кӕсын. Сывӕллӕттӕй иутӕ кӕсын уарзынц, иннӕтӕ та – нӕ. Ӕмӕ кӕд ды дӕр кӕсын нӕ уарзыс, уӕддӕр, кӕсын куы сахуыр уай, уӕд дӕхӕдӕг дӕр цин кӕндзынӕ. Кӕсын куы зонай, уӕд бирӕ цыдӕртӕ базондзынӕ. Дӕхи бон уыдзӕни Библи дӕр кӕсын. Уӕдӕ хорз куы ахуыр кӕнай, уӕд уый дӕхицӕн уыдзӕни пайда, афтӕ нӕу? ~

Фӕлӕ иуӕй-иутӕ кусын нӕ уарзынц. Ӕвӕццӕгӕн, ды дӕр ахӕмты зоныс. Фӕлӕ нӕ Хуыцау афтӕ кӕй сфӕлдыста, цӕмӕй кусгӕ дӕр кӕнӕм, уый тыххӕй хъуамӕ кусын бауарзӕм. Зӕгъ-ма, ӕппӕты хуыздӕр Ахуыргӕнӕг йӕ куыст цас уарзта? ~ Уыцы куыст ын уыди, тынг цы хӕринаг уарзта, уый хуызӕн. Ӕмӕ уый цавӕр куыст уыди? ~ Адӕмӕн дзырдта Йегъовӕйы тыххӕй ӕмӕ, ӕнустӕм цӕрӕн куыд ис, уый тыххӕй.

Уӕдӕ цӕмӕй цингӕнгӕйӕ кусӕм, уый тыххӕй ис ахъуыды кӕнӕн: ацы куыст цӕмӕн хъӕуы бакӕнын? Уый куы зонай, уӕд дын йӕ бакӕнын дӕр ӕнцондӕр уыдзӕн. Ӕмӕ цыфӕнды ма аразай, уӕддӕр-иу ӕй хорз сараз. Ӕмӕ уӕд ды дӕр, ӕппӕты хуыздӕр Ахуыргӕнӕг куыд цин кодта, афтӕ цин кӕндзынӕ.

Библи адӕймагӕн ӕххуыс кӕны, цӕмӕй йӕ куыст хорз кӕна. Бакӕс-ма, Ӕмбисӕндты 10:4; 22:29; Екклесиасты 3:12, 13 ӕмӕ Колоссӕгтӕм 3:23 цы фыст ис, уый.

    Публикацитӕ иронау (1997–2025)
    Рацу
    Бацу
    • ирон
    • Арвитын
    • Настройкӕтӕ
    • Copyright © 2025 Watch Tower Bible and Tract Society of Pennsylvania
    • Условия использования
    • Политика конфиденциальности
    • Настройки конфиденциальности
    • JW.ORG
    • Бацу
    Арвитын