Хуыцауы чиныг – стыр хӕзна

1. Иу чиныг ис – йӕ ныхӕстӕй уый абон

У цин ӕмӕ ныфсы хос адӕмӕн.

Ыстыр тых ис йӕ диссаджы хъуыдыты,

Цард ратты «мардӕн», цӕстырухс – «куырмӕн».

О, уыцы стыр хӕзна у махӕн Библи.

Хуыцауы ’взӕрст лӕгтӕ йӕ уӕд фыстой –

Хуыцау Йегъовӕйы ӕцӕгдӕр уарзтой,

Йӕ сыгъдӕг тыхы разамынд уыдтой.

2. Ныффыстой раст, Хуыцау куыд скодта дуне,

Куыд фӕзынд йе стыр хъаруйӕ ӕппӕт,

Куыд скодта ’наипп, ’нӕтӕригъӕд адӕм,

Фӕлӕ ыстӕй куыд фесӕфти Дзӕнӕт.

Стӕй дарддӕр иу зӕды тыххӕй ныффыстой –

Уый загъта уӕд, кӕй нӕу Йегъовӕ раст.

Йӕ фыдвӕнд маст ӕмӕ мӕлӕт ӕрхаста,

Фӕлӕ Йегъовӕйы стыр бон у ’ввахс.

3. Цӕрӕм мах абон амондджын рӕстӕджы –

Ӕрвтыл Хуыцауы Паддзахад фӕзынд.

Йегъовӕ фервӕзын кӕндзӕн тагъд алкӕй,

Кӕй фӕнды уымӕ хъусын ’мӕ цӕрын.

Йӕ чиныг ацы цины хабар дзуры,

Йӕ сыгъдӕг, рухс ныхӕстӕй ’фсӕды уд.

Уый у ӕцӕг фарн, удӕнцойы суадон.

Кӕсӕм ӕй алкӕд, стыр хӕзна нын у.