Арфӕйы куывд

1. Табу дӕуӕн, о Йегъовӕ, нӕ Фыд,

Байхъус, нӕ Хуыцау, дӕумӕ у нӕ куывд.

Хъусыс ды алкӕй дӕр, мах дӕм цӕуӕм

Ӕмӕ нӕ удтӕ дӕ бӕрны кӕнӕм.

Арӕх рӕдийӕм – лӕмӕгъ адӕм стӕм.

Кувӕм, ныббар нын, лӕгъстӕ дын кӕнӕм.

Балхӕдта Фырт мах йӕ тугӕй дӕуӕн.

Курӕм дӕ не ’ппӕт дӕр, ахуыр нӕ кӕн.

2. Амондджын уый у, кӕй фӕхуыдтай ды:

Зондамынд исы, дӕ кӕрты цӕры.

Хорз дӕ куыд базонӕм, уымӕ тырнӕм.

Мах фӕнды, алкӕд дӕ хӕдзары уӕм.

Тасы ӕфтауы дӕ диссаджы тых

Ӕмӕ дӕ адӕмӕн стыр ныфс дӕтты.

Сфидар дӕ Паддзахад, кад ын кӕнӕм,

Алкӕмӕн ацы хорз хабар хӕссӕм.

3. Циныл нын цин ӕфтау, арфӕ нын кӕн.

Уадз ӕмӕ ’гас зӕхх дӕр кува дӕуӕн.

Мӕнӕ, уӕлӕрвты дӕ Паддзахад ис,–

Нал уыдзӕн низтӕ, мӕлӕт ӕмӕ рис.

Фесафдзӕн Йесо фыддзинады фӕд,

Цин кӕндзӕн де сфӕлдыст дун-дуне уӕд.

Цӕй ’мӕ ныззарӕм уӕлахизы зард:

«Паддзах Йегъовӕ, дӕуӕн кӕнӕм кад!»