Мах стӕм Йегъовӕйы ӕфсад!

1. Мах стӕм Хуыцауӕн йе ’фсад,

Уый дӕлбар ыстӕм.

«Йесо ӕрвтыл у Паддзах»,–

Алкӕм хъусын кӕнӕм.

Стӕм Хуыцауыл иузӕрдыг,

Размӕ у нӕ каст,

Тохы стӕм зынгзӕрдӕ,

Алкӕддӕр – ныфсхаст.

2. Мах стӕм Хуыцауы адӕм,

Ис нын абон куыст:

Чи у ныфссаст ’мӕ иунӕг,

Раттӕм уыдонӕн ныфс.

Се ’ппӕтӕн кӕнӕм ӕххуыс –

Ногӕй сӕм цӕуӕм,

Немӕ сӕ ӕдзухдӕр

Хонӕм не ’мбырдтӕм.

3. Мӕнӕ Хуыцауӕн йе ’фсад!

Тохмӕ сты цӕттӕ,

Йесо цӕуы сӕ разӕй,

Фидар сты се ’ппӕт дӕр.

Хъуамӕ абон уӕм къӕрцхъус,

Иузӕрдион уӕм,

Раст фӕндагыл алкӕд

Фидарӕй цӕуӕм.