Хъахъхъӕнӕн мӕсыджы ОНЛАЙН-БИБЛИОТЕКӔ
Хъахъхъӕнӕн мӕсыджы
ОНЛАЙН-БИБЛИОТЕКӔ
ирон
ӕ
  • ӕ
  • БИБЛИ
  • ПУБЛИКАЦИТӔ
  • ФЕМБӔЛДТӔ
  • lfb 54 сӕр, 130 ф.–131 ф., 1 абз.
  • Йегъовӕ Ионӕимӕ уыд фӕразон

Ацы ӕрмӕгмӕ видео нӕй.

Бахатыр кӕн, видео рафыссын нӕ рауад.

  • Йегъовӕ Ионӕимӕ уыд фӕразон
  • Библийы радзырдтӕй цӕуыл ахуыр кӕнӕм
  • Темӕимӕ баст ӕрмӕг
  • Сахуыр фӕлмӕнзӕрдӕдзинадыл
    Сӕ уырнындзинад сын фӕзмут
  • Ионӕ сахуыр адӕмӕн тӕригъӕд кӕнын
    Хъахъхъӕнӕн мӕсыг хъусын кӕны Йегъовӕйы Паддзахад 2009
  • Ионӕ ӕмӕ стыр кӕсаг
    Мӕ библион радзырдты чиныг
  • Йӕ рӕдыдтытӕй цӕуылдӕр сахуыр
    Сӕ уырнындзинад сын фӕзмут
Фылдӕр фенын
Библийы радзырдтӕй цӕуыл ахуыр кӕнӕм
lfb 54 сӕр, 130 ф.–131 ф., 1 абз.
Ионӕ денджызы ныгъуылы, йӕ рӕзты та стыр кӕсаг фӕцӕйленк кӕны

54 СӔРГОНД

Йегъовӕ Ионӕимӕ уыд фӕразон

Ассирийы горӕт Ниневийы цард тынг ӕвзӕр адӕм. Йегъовӕ йӕ пехуымпар Ионӕйӕн загъта, зӕгъгӕ, Ниневимӕ ацу ӕмӕ сӕ бафӕдзӕхс, цӕмӕй се ’взӕр хъуыддӕгтӕ ныууадзой. Фӕлӕ Ионӕ бынтон ӕндӕрырдӕм алыгъд. Фарсисмӕ чи цыд, уыцы наутӕй иуыл сбадт ӕмӕ уырдӕм араст.

Иуафон денджызы тыхджын дымгӕ сыстад, ӕмӕ, науыл чи цыд, уыдон фӕтарстысты. Уӕд сӕ хуыцӕуттӕм кувын райдыдтой ӕмӕ дисгӕнгӕ дзырдтой, ахӕм хабар ныл цӕмӕн ӕрцыд, зӕгъгӕ. Ӕмӕ сын уӕд Ионӕ загъта: «Уый мӕ аххос у. Ӕз Йегъовӕйӕ алыгътӕн, цы мын бафӕдзӕхста, уый нӕ бакодтон. Денджызы мӕ ныппарут, ӕмӕ уӕд денджыз ӕрсабыр уыдзӕн». Уыдон нӕ разы кодтой, фӕлӕ сын Ионӕ уӕддӕр дзырдта, ныппарут мӕ денджызы, зӕгъгӕ. Ӕмӕ йӕ куы ныппӕрстой, уӕд бӕстӕ ныссабыр.

Ионӕ афтӕ хъуыды кодта, ӕмӕ амӕлдзӕн. Ӕмӕ ныгъуылын куы райдыдта, уӕд Йегъовӕмӕ скуывта. Уый фӕстӕ йӕ Йегъовӕ стыр кӕсагӕн аныхъуырын кодта. Фӕлӕ Ионӕ мӕлгӕ нӕ акодта. Кӕсаджы хуылфы Хуыцаумӕ скуывта: «Дзырд дын дӕттын, алкӕддӕр дӕм кӕй хъусдзынӕн». Ионӕ кӕсаджы хуылфы фӕци ӕртӕ боны, фӕлӕ йыл ницы ӕрцыди. Стӕй Йегъовӕ афтӕ бакодта, ӕмӕ йӕ кӕсаг сурзӕхмӕ раппӕрста.

Кӕд Йегъовӕ Ионӕйы удӕгасӕй ныууагъта, уӕддӕр уый ууыл дзурӕг нӕ уыд, ӕмӕ йӕ Ниневимӕ цӕуын нал хъуыди. Йегъовӕ та йын ногӕй загъта, цӕмӕй уырдӕм ацыдаид. Ӕмӕ йӕм ацы хатт Ионӕ байхъуыста. Уый ацыд ӕмӕ дзы цы ӕвзӕр адӕм цард, уыдонӕн загъта: «Цыппор боны фӕстӕ Ниневи пырхгонд ӕрцӕудзӕн». Уый фӕстӕ ӕрцыд, Ионӕ ӕнхъӕл дӕр кӕмӕн нӕ уыд, ахӕм хабар – ниневиӕгтӕ йӕм байхъуыстой ӕмӕ се ’взӕр хъуыддӕгтӕ ныууагътой. Ниневийы паддзах йӕ адӕмӕн загъта: «Хуыцаумӕ скувут ӕмӕ уӕ хъуыддӕгтыл ӕрфӕсмон кӕнут. Кӕд нӕ ӕцӕг Хуыцау нӕ фесафид». Адӕм кӕй ӕрфӕсмон кодтой, уый Йегъовӕ куы федта, уӕд Ниневийы цӕрджыты нал фесӕфта.

Ионӕ ӕрбахӕстӕг кӕны Ниневимӕ

Ионӕ смӕсты, Хуыцау уыцы горӕт кӕй нӕ ныппырх кодта, уый тыххӕй. Ахъуыды-ма кӕн, Йегъовӕ куыд фӕразон у, ууыл. Кӕд ӕм Ионӕ нӕ байхъуыста, уӕддӕр ын фӕтӕригъӕд кодта. Ионӕ та Ниневийы цӕрджытӕн ӕппындӕр нӕ тӕригъӕд кодта. Уый тӕргайхуызӕй горӕты ӕдде куысыфтӕджы аууоны сбадт. Гыццыл фӕстӕдӕр куысыфтӕг бахус, ӕмӕ Ионӕ смӕсты. Ӕмӕ йын уӕд Йегъовӕ загъта: «Дӕумӕ ацы куысыфтӕг ӕвгъау фӕкаст, Ниневийы цӕрджытӕ та дӕм тӕригъӕд нӕ кӕсынц. Ӕз сын фӕтӕригъӕд кодтон ӕмӕ сӕ уый тыххӕй удӕгасӕй ныууагътон». Уый цӕуыл дзурӕг уыд? Йегъовӕйӕн Ниневийы цӕрджытӕ цыфӕнды зайӕгойӕ дӕр бирӕ зынаргъдӕр уыдысты.

«Йегъовӕ... уын быхсы, уымӕн ӕмӕ йӕ нӕ фӕнды, цӕмӕй исчи фесӕфа, фӕлӕ йӕ фӕнды, цӕмӕй се ’ппӕтӕн дӕр уа ӕрфӕсмон кӕныны фадат» (2 Петры 3:9)

Фарстатӕ. Йегъовӕ Ионӕйӕн цавӕр ахсджиаг хабӕрттӕ бамбарын кодта? Ионӕйы хабарӕй мах цӕуыл ахуыр кӕнӕм?

Ионӕ 1:1–4:11

    Публикацитӕ иронау (1997–2025)
    Рацу
    Бацу
    • ирон
    • Арвитын
    • Настройкӕтӕ
    • Copyright © 2025 Watch Tower Bible and Tract Society of Pennsylvania
    • Условия использования
    • Политика конфиденциальности
    • Настройки конфиденциальности
    • JW.ORG
    • Бацу
    Арвитын