Йегъовӕйы зӕрдӕмӕ чи цӕуы, ахӕм ирхӕфсӕнтӕ ӕвзар

Йегъовӕ у «амондджын Хуыцау» (1 Тимофеймӕ 1:11). Ӕмӕ йӕ фӕнды, цӕмӕй мах дӕр амондджын уӕм ӕмӕ цардыл цин кӕнӕм. Йегъовӕйӕн ӕхсызгон вӕййы, нӕ фӕллад суадзынӕн рӕстӕг куы ссарӕм, уый. Ацы урокӕй базондзыстӕм, куыд ис афтӕ баулӕфӕн, цӕмӕй-иу нӕхӕдӕг дӕр райгондӕй баззайӕм ӕмӕ-иу нӕ Йегъовӕ дӕр райгонд уа.

1. Ирхӕфсӕнтӕ ӕвзаргӕйӕ нӕ зӕрдыл цы хъуамӕ дарӕм?

Дӕ фӕллад куыд фӕуадзыс? Иуӕй-иутӕ уарзынц чингуытӕ кӕсын, музыкӕмӕ хъусын, киномӕ кӕнӕ та интернеты истӕмӕты кӕсын. Иннӕтӕ та уарзынц сӕ фӕллад се ’мбӕлттимӕ хӕхты кӕнӕ доны был уадзын кӕнӕ та исты хъӕзтытӕй хъазын. Фӕлӕ-иу хъуамӕ сбӕлвырд кӕнӕм, цы ирхӕфсӕн равзарынмӕ хъавӕм, уый «Хицауы зӕрдӕмӕ... цӕуы» ӕви нӕ (Ефесӕгтӕм 5:10). Уый тынг ахсджиаг у, уымӕн ӕмӕ абон бирӕ ирхӕфсӕнты ис, Йегъовӕ йе сӕфт цӕмӕй уыны, уыдӕттӕ, зӕгъӕм, тыхми, ӕнӕгъдаудзинад ӕмӕ спиритизм. (Бакӕс Псалом 11:5.) Цы нын баххуыс кӕндзӕн, цӕмӕй хорз ирхӕфсӕнтӕ ӕвзарӕм?

Йегъовӕйы чи уарзы, ахӕм ӕмбӕлттӕ нын куы уа, уӕд уыдон хуыздӕрырдӕм фӕзындзысты нӕхиуыл дӕр ӕмӕ, цы ирхӕфсӕнтӕ ӕвзардзыстӕм, ууыл дӕр. Айразмӕйы уроктӕй иуӕй куыд базыдтам, афтӕмӕй, «зондджынтимӕ чи цӕуы, уый суыдзӕн зондджын». Фӕлӕ нӕ рӕстӕг, Хуыцауы чи нӕ уарзы, ахӕм адӕмимӕ куы ’рвитӕм, уӕд «фыдбылызы бахаудзыстӕм» (Ӕмбисӕндтӕ 13:20).

2. Ирхӕфсӕнтыл нын цас рӕстӕг цӕуы, уымӕ хъус дарын цӕмӕн хъӕуы?

Цы ирхӕфсӕнтӕ ӕвзарӕм, уыдон кӕд ӕвзӕр не сты, уӕддӕр хъуамӕ нӕ хъус дарӕм, цас рӕстӕг сыл бахардз кӕнӕм, уымӕ. Кӕннод-иу нын, ахсджиагдӕр цы у, уыдӕттӕн фаг рӕстӕг нал баззайдзӕн. Библийы фыст ис: «Уӕ рӕстӕгӕй, хуыздӕр куыддӕриддӕр у, афтӕ пайда кӕнут». (Бакӕс Ефесӕгтӕм 5:15, 16.)

ФЫЛДӔР БАЗОН

Базон, дӕ бон куыд у хорз ирхӕфсӕнтӕ ӕвзарын.

3. Дӕхи хиз ӕвзӕр ирхӕфсӕнтӕй

Ирхӕфсӕнтӕ ӕвзаргӕйӕ лӕмбынӕг цӕмӕн хъуамӕ уӕм? Бакӕсут ВИДЕОРОЛИКМӔ ӕмӕ стӕй аныхас кӕнут, дӕлдӕр цы фарстатӕ ис, уыдоныл.

ВИДЕОРОЛИК: «Цавӕр ирхӕфсӕнтӕ хъуамӕ ӕвзарон?» (4:39)

• Рагон Ромы гладиаторты хъӕзтытӕ ӕмӕ абоны ирхӕфсӕнтӕй иуӕй-иутӕ ӕмхуызон цӕмӕй сты?

• Дэнни ирхӕфсӕнты тыххӕй цы базыдта?

Бакӕсут Ромӕгтӕм 12:9 ӕмӕ стӕй аныхас кӕнут ацы фарстайыл:

• Ацы стих дын куыд баххуыс кӕндзӕн хорз ирхӕфсӕнтӕ ӕвзарынӕн?

Йегъовӕ йе сӕфт кӕмӕй уыны, уыцы хъуыддӕгтӕй иуӕй-иутӕ цавӕртӕ сты? Бакӕсут Ӕмбисӕндтӕ 6:16, 17 ӕмӕ Галатӕгтӕм 5:19–21. Алы стихы фӕстӕ дӕр-иу аныхас кӕнут ацы фарстайыл:

• Ацы стихты цы хъуыддӕгты кой ис, уыдонӕй ныры ирхӕфсӕнты кӕцытӕ ӕмбӕлынц?

Дӕ бон куыд у хорз ирхӕфсӕнтӕ ӕвзарын?

Ахъуыды-иу кӕн:

• Йегъовӕ йе сӕфт цӕмӕй уыны, ахӕмӕй дзы исты ис?

• Ахсджиагдӕр хъуыддӕгтӕ аразын мӕ нӕ хъыгдары?

• Йегъовӕйы чи нӕ уарзы, ахӕм адӕмимӕ бирӕ рӕстӕг нӕ фервитын?

Фыдбылызы бахауынӕй дӕхи цас тынгдӕр хизай, уыйас хуыздӕр. Уӕдӕ куы ’мбарай, ирхӕфсӕн хорз кӕй нӕу, уӕд дзы хъуамӕ дӕхи хизай

4. Дӕ рӕстӕгӕй раст пайда кӕн

ВИДЕОРОЛИК: «Дӕ рӕстӕг цӕуыл ацӕуы?» (2:45)

• Кӕд ӕфсымӕр ӕвзӕрӕй ницӕмӕ каст, уӕддӕр, йӕ рӕстӕг куыд ӕрвыста, уый йыл куыд ӕндӕвта?

Бакӕсут Филиппӕгтӕм 1:10 ӕмӕ стӕй аныхас кӕнут ацы фарстайыл:

• Ацы стих нын куыд баххуыс кӕндзӕн, ирхӕфсӕнтыл цас рӕстӕг хардз кӕндзыстӕм, уый аскъуыддзаг кӕнынӕн?

5. Хорз ирхӕфсӕнтӕ ӕвзар

Кӕд иуӕй-иу ирхӕфсӕнтӕ Йегъовӕйы зӕрдӕмӕ нӕ цӕуынц, уӕддӕр, хорзыл кӕй нымайы, ахӕм ирхӕфсӕнтӕ бирӕ ис. Бакӕсут Екклесиаст 8:15 ӕмӕ Филиппӕгтӕм 4:8 ӕмӕ стӕй аныхас кӕнут ацы фарстайыл:

• Цавӕр хорз ирхӕфсӕнтӕ цӕуынц дӕ зӕрдӕмӕ?

ЦЫ БАЗЫДТАЙ

Йегъовӕйы фӕнды, цӕмӕй хорз ирхӕфсӕнтӕ ӕвзарӕм ӕмӕ-иу нӕ рӕстӕг хъӕлдзӕгӕй арвитӕм.

Дӕ зӕрдыл ӕрлӕууын кӕн

• Чырыстӕттӕ сӕхи цавӕр ирхӕфсӕнтӕй хъуамӕ хизой?

• Ирхӕфсӕнтыл нын цас рӕстӕг цӕуы, уымӕ нӕ хъус цӕмӕн хъуамӕ дарӕм?

• Йегъовӕйы зӕрдӕмӕ чи нӕ цӕуы, ахӕм ирхӕфсӕнтӕ цӕуылнӕ хъуамӕ ӕвзарӕм?

ФЫЛДӔР ӔРМӔГ

Нӕхи куыд ирхӕфсдзыстӕм, уый чи скъуыддзаг кӕны?

«Йегъовӕйы Ӕвдисӕнтӕн уый бар ис, цӕмӕй цыфӕнды кинотӕм дӕр кӕсой, цыфӕнды зарджытӕм дӕр хъусой ӕмӕ цыфӕнды чингуытӕ дӕр кӕсой?» (интернет-статья)

Базон, дӕ бон куыд у, дӕ фӕллад куыд уадздзынӕ, уый фӕдыл хорз уынаффӕтӕ хӕссын.

«Дӕ ирхӕфсӕнтӕ дын пайда хӕссынц?» (2011 азы 15 октябры «Хъахъхъӕнӕн мӕсыг»)

Иу нӕлгоймаджы хабарӕй, «Урс адӕмӕй ме сӕфт нал уынын», зӕгъгӕ, базондзынӕ, ӕндӕр ирхӕфсӕнтӕ ӕвзарын цӕмӕн райдыдта.

«Библи ивы адӕймаджы цард» (2010 азы 1 июлы «Хъахъхъӕнӕн мӕсыг»)

Базон, иу сылгоймаг хӕйрӕджытимӕ баст ирхӕфсӕны фӕдыл раст уынаффӕ куыд рахаста.

«Уӕхи хизут, спиритизм кӕм ис, ахӕм ирхӕфсӕнтӕй» (2:02)