Сӕрныллӕг у

Уагӕвӕрд: «Ут сӕрныллӕг ӕмӕ иннӕты уӕхицӕй уӕлдӕр ӕвӕрут» (Фил. 2:3).

Павел куыд бакодта?

Апостол Павелӕн йӕ къух хъахъхъӕнӕджы къухмӕ рӕхысӕй баст, афтӕмӕй уӕзданӕй ныхас кӕны паддзах Агриппӕимӕ, хицау Фестимӕ ӕмӕ Вереникӕимӕ.

ВИДЕОРОЛИК: «Павел паддзах Агриппӕйӕн хъусын кӕны»

1. Бакӕс ВИДЕОРОЛИКМӔ кӕнӕ бакӕс Хъуыддӕгтӕ 26:2, 3. Уый фӕстӕ ахъуыды кӕн ацы фарстатыл:

а) Павел паддзах Агриппӕимӕ куыд ныхас кодта, уымӕй куыд зыны, сӕрныллӕг кӕй уыд, уый?
б) Павел ын йе ’ргом йӕхимӕ нӕ, фӕлӕ Йегъовӕмӕ ӕмӕ Фыстадмӕ куыд раздӕхта? (Кӕс Хъуыддӕгтӕ 26:22.)

Павелӕй цӕуыл ахуыр кӕнӕм?

2. Адӕм хорз хабармӕ хуыздӕр байхъусынц, семӕ сӕрныллӕгӕй ӕмӕ уӕзданӕй куы фӕныхас кӕнӕм, уӕд.

Павелы фӕзм

3. Уӕздан ныхас кӕн. Афтӕ-иу ма ныхас кӕн, цыма ды алцыдӕр зоныс, иннӕтӕ та ӕппындӕр ницы зонынц.

4. Бӕрӕг уӕд, цы хабар дзурыс, уый Библийӕ кӕй у. Хуыцауы Ныхас адӕмы зӕрдӕтӕ бацагайы. Ӕмӕ дзы адӕмимӕ ныхас кӕнгӕйӕ арӕх куы пайда кӕнӕм, уӕд сӕ уырнындзинад нӕ ныхӕстыл арӕзт нӕ цӕудзӕн, фӕлӕ Хуыцауы Ныхасыл.

5. Фӕлмӕнӕй ныхас кӕн. Афтӕ ма хъуыды кӕн, ӕмӕ хъуамӕ адӕймагӕн цыфӕндыйӕ дӕр бамбарын кӕнай, раст кӕй дӕ, уый. Мах быцӕу кӕнын нӕ фӕнды. Сӕрныллӕгдзинад равдисдзынӕ, дӕхиуыл куы хӕцай ӕмӕ, ныхас фӕуын кӕд хъӕуы, уый куы ’мбарай, уӕд (Ӕмб. 17:14; Тит. 3:2). Йемӕ фӕлмӕнӕй куы ныхас кӕнай, уӕд, чи зоны, иннӕ хатт хорз хабармӕ байхъуса.

НОДЖЫДӔР МА БАКӔС

Ром. 12:16–18; 1 Кор. 8:1; 2 Кор. 3:5