Уӕздан у

Уагӕвӕрд: «Уӕ дзыхыныхас алкӕддӕр уӕд фӕлмӕн» (Кол. 4:6).

Павел куыд бакодта?

ВИДЕОРОЛИК: «Павел афинӕгтӕн хъусын кӕны»

1. Бакӕс ВИДЕОРОЛИКМӔ кӕнӕ бакӕс Хъуыддӕгтӕ 17:22, 23. Уый фӕстӕ ахъуыды кӕн ацы фарстатыл:

а) Горӕт Афинтӕ мӕнгхуыцӕуттӕй йедзаг кӕй уыди, уый фенгӕйӕ Павел куыд фӕци? (Кӕс Хъуыддӕгтӕ 17:16.)
б) Афинӕгтӕ цӕуыл ӕууӕндыдысты, уымӕй Павел куыд спайда кодта, цӕмӕй сын хорз хабар ӕнӕ уайдзӕфӕй радзырдтаид?

Павелӕй цӕуыл ахуыр кӕнӕм?

2. Адӕм нӕм хуыздӕр байхъусынц, цы зӕгъӕм, куыд зӕгъӕм ӕмӕ кӕд зӕгъӕм, ууыл куы фӕхъуыды кӕнӕм, уӕд.

Павелы фӕзм

3. Дӕ ныхӕстыл-иу хъуыды кӕн. Зӕгъӕм, чырыстон диныл хӕст чи нӕу, ахӕм адӕймагимӕ куы ныхас кӕнай, уӕд, чи зоны, хуыздӕр уыдзӕн, цӕмӕй комкоммӕ Библийы кӕнӕ Йесойы кой ма кӕнай.

4. Адӕймаджы бараст кӕнынмӕ тагъд ма кӕн. Йӕ хъуыды зӕгъын-иу ӕй бауадз. Библимӕ гӕсгӕ раст цы нӕу, ахӕм исты куы зӕгъа, уӕд-иу йемӕ быцӕу кӕнын ма райдай (Иак. 1:19). Куы йӕм хъусай, уӕд бамбардзынӕ, цӕуыл ӕууӕнды ӕмӕ цӕмӕн, уый (Ӕмб. 20:5).

5. Куы хъӕуа, уӕд-иу йемӕ сразы у ӕмӕ-иу дзы раппӕл. Чи зоны йӕ фидарӕй уырны, йӕ дин раст кӕй у. Дӕ ныхас-иу райдай, уӕ дыууӕ дӕр разы цӕуыл стут, ахӕм истӕмӕй ӕмӕ йын стӕй сабыргай ӕххуыс кӕн Библийы ахуырӕдтӕ бамбарынӕн.

НОДЖЫДӔР МА БАКӔС

Ӕмб. 25:15; 2 Тим. 2:23–26; 1 Пет. 3:15