Хъӕбатыр у

Уагӕвӕрд: «Сой ӕмӕ буд зӕрдӕйӕн куыд ӕхсызгон сты, раст афтӕ адджын у, зӕрдӕбын уынаффӕ чи ратты, уыцы ӕмбал дӕр» (Ӕмб. 27:9).

Йесо куыд бакодта?

ВИДЕОРОЛИК: «Йесо хъӕздыг хицауӕн уынаффӕ радта»

1. Бакӕс ВИДЕОРОЛИКМӔ кӕнӕ бакӕс Марчы 10:17–22. Уый фӕстӕ ахъуыды кӕн ацы фарстатыл:

а) Дӕумӕ гӕсгӕ, Йесо хъӕздыг хицаумӕ цавӕр хорз миниуджытӕ федта?
б) Йесойы уарзондзинад ӕмӕ хъӕбатырдзинад цӕмӕн хъуыд, цӕмӕй хъӕздыг хицауӕн уынаффӕ радтаид?

2. Библи кӕимӕ ахуыр кӕнӕм, уыцы адӕймаджы хъуамӕ уарзӕм, стӕй йын ӕмбарын кӕнӕм, цы аразын ӕй хъӕуы, цӕмӕй Йегъовӕмӕ ӕввахсдӕр кӕна.

3. Библи кӕимӕ ахуыр кӕныс, уымӕн ӕххуыс кӕн, цӕмӕй-иу йӕ разы нысӕнттӕ сӕвӕра ӕмӕ-иу цӕмӕй йӕ къухы бафтой.

а) Пайда кӕн, чиныджы «Амондджынӕй цӕр ӕнустӕм!» чи ис, уыцы рубрикӕйӕ – «Дӕ нысан».
б) Ахуыргӕнинагӕн ӕххуыс кӕн, цӕмӕй бамбара, цы аразын ӕй хъӕуы, цӕмӕй йӕ нысӕнттӕ йӕ къухы ӕфтой. Уыдонмӕ хауынц, цыбыр рӕстӕгмӕ йӕ къухы чи бафтдзӕн, ахӕм нысӕнттӕ дӕр ӕмӕ, фылдӕр рӕстӕг кӕмӕн хъӕуы, ахӕм нысӕнттӕ дӕр.
в) Исты-иу ын куы бантыса, уӕд-иу дзы раппӕл.

4. Хъуамӕ зонай, ахуыргӕнинаджы йӕ уырнындзинад фидар кӕнын цы хъыгдары ӕмӕ йын уыцы зындзинӕдты сӕрты хизынӕн ӕххуыс кӕнай.

а) Ахъуыды кӕн:
- «Библи кӕимӕ ахуыр кӕнын, уый донаргъуыд райсын цы хъыгдары?»
- «Мӕ бон ын баххуыс кӕнын цӕмӕй у?»
б) Йегъовӕмӕ скув, цӕмӕй дын хъӕбатырдзинад ратта, ӕмӕ йемӕ ӕргом ӕмӕ фӕлмӕнӕй аныхас кӕнай, цы саразын ӕй хъӕуы, ууыл.

5. Кӕд адӕймаг йӕ царды ницы ивы, уӕд йемӕ мауал ахуыр кӕн.

а) Библи кӕимӕ ахуыр кӕныс, уыимӕ ма ахуыр кӕнын хъӕуы ӕви нӕ, уый бамбарыны тыххӕй ахъуыды кӕн ахӕм фарстатыл:
- «Цы базоны, уымӕ гӕсгӕ цӕрыныл архайы?»
- «Ӕмбырдтӕм цӕуы ӕмӕ иннӕтӕн хорз хабары тыххӕй дзуры?»
- «Кӕд Библи рагӕй ахуыр кӕны, уӕд ӕй фӕнды, цӕмӕй Йегъовӕйы Ӕвдисӕн суа?»
б) Библи кӕимӕ ахуыр кӕныс, уый ивын куы нӕ фӕнда:
- Зӕгъ ын, цӕмӕй ахъуыды кӕна, цы йӕ хъыгдары, ууыл.
- Фӕлмӕнӕй йын бамбарын кӕн, йемӕ цӕуылнӕуал ахуыр кӕндзынӕ.
- Зӕгъ ын, цы йӕ хъӕудзӕн саразын, ногӕй йӕ ахуыр кӕнын куы бафӕнда, уӕд.