«Йӕ афоныл загъд ныхас»
1 Мыййаг дын адӕмимӕ царддӕттӕг хабарыл дзурын зын вӕййы? Афтӕ дӕм фӕкӕсы, мыййаг, цӕмӕй дӕ хъусджыты зӕрдӕтыл бандавай, уый тыххӕй дӕ цавӕрдӕр зондджын ныхӕстӕ кӕй хъӕуы зӕгъын? Йесо йӕ ахуыргӕнинӕгты хъусын кӕнынмӕ куы арвыста, уӕд сын загъта: «Цӕугӕйӕ та хъусын кӕнут, кӕй ӕрхӕстӕг Уӕларвон Паддзахад» (Мтф. 10:7). Уыцы хабар уыд хуымӕтӕг ӕмӕ ӕнцон хъусынгӕнӕн. Уый абон дӕр афтӕ у.
2 Арӕх ныхас райдайынӕн фӕхъӕуы ӕрмӕстдӕр цалдӕр ныхасы. Филипп ефиопаг евнухыл куы сӕмбӕлд, уӕд ӕй бафарста: «Цы кӕсыс, уый ӕмбарыс?» (Ап. к. 8:30). «Йӕ афоныл загъд ныхасӕн» цӕй диссаджы фӕстиуджытӕ уыд! (Фӕс. н. 25:11).
3 Дӕуӕн дӕр дӕ бон у дӕ ныхас афтӕ райдайын. Куыд? У цырддзаст ӕмӕ алыхуызон уавӕрты ӕмбӕлон ныхӕстӕй пайда кӕн. Фарст радт ӕмӕ дзуапмӕ байхъус.
4 Сӕйраг фарстытӕ. Дӕ бон у ныхас райдайай дӕлдӕр лӕвӕрд фарстытӕй кӕцыфӕндыйӕ дӕр:
◼ «Хуыцауӕн табу кӕнгӕйӕ фӕдзурыс дӕнцон куывд (кӕнӕ куывд «Нӕ Фыд»)? (Мтф. 6:9, 10). Стихтӕ бакӕс ӕмӕ зӕгъ: «Иуӕй-иутӕ бафӕрсынц, зӕгъгӕ, „куыд хуыйны Хуыцауы ном, Йесойы ныхӕстӕм гӕсгӕ сыгъдӕг (кӕнӕ кадджын) чи хъуамӕ уа, уый?“ Иннӕтӕ та бафӕрсынц, зӕгъгӕ, „Йесойы ныхӕстӕм гӕсгӕ цавӕр Паддзахады тыххӕй хъуамӕ кувӕм?“ Ацы фарстытӕн дзуаппытӕ ссардтай?»
◼ «Искуы хъуыды кодтай царды нысаниуӕгыл?» Равдис адӕймагӕн, уый кӕй у баст Хуыцауы тыххӕй зонындзинӕдтыл (Еккл. 12:13; Иоан. 17:3).
◼ «Куыд хъуыды кӕныс, искуы адӕм мӕлӕтӕй фервӕздзысты?» Бакӕс Исайы 25:8-ӕм стих ӕмӕ Раргомады 21:4-ӕм стих, цӕмӕй дын адӕймаг дӕ дзуаппыл баууӕнда.
◼ «Цӕмӕй адӕм дунейы хӕццӕдзинадӕй фервӕзой, уый тыххӕй исты хуымӕтӕг мадзал зоныс?» Равдис, Хуыцау нын кӕй дзуры, «уарз дӕ хӕстӕджы», зӕгъгӕ (Мтф. 22:39).
◼ «Куыд дӕм кӕсы, искуы уыдзӕн дун-дунейы ахӕм бӕллӕх, зӕхх чи скуынӕг кӕна?» Адӕймагӕн зӕгъ, Библи нын зӕрдӕ кӕй ӕвӕры, зӕхх ӕнустӕм кӕй уыдзӕн, уымӕй (Пс. 103:5).
5 Хорз уацхъуыды тыххӕй адӕмимӕ ныхас кӕн хуымӕтӕгӕй, пайда кӕн ӕнцонӕмбарӕн ныхӕстӕй ӕмӕ у зӕрдӕхӕлар. Иегъовӕ дын раарфӕ кӕндзӕн, иннӕтӕн ӕцӕгады тыххӕй ӕрмӕст иу «ныхас» зӕгъыныл дӕр куы архайай, уӕддӕр.