Дӕ зӕрдӕ ахуыр кӕн хорз ӕвзӕрӕй иртасын
1 Ацы фӕстаг тыхст бонты Хуыцауы адӕм алы ран дӕр сты тынг уӕззау уавӕры, уыдон арӕх бахауынц алыхуызон карз фӕлварӕнты (2 Тим. 3:1—5). Не ’ппӕты дӕр уырнындзинады фидар лӕууынӕн хъӕуы ӕххуыс (1 Кор. 16:13). Хуыцауы фӕрцы фидар фӕлӕудзыстӕм, йӕ Ныхас ын ӕппынӕдзух куы кӕсӕм, йӕ сыгъдӕг удыл ын нӕ ныфс куы дарӕм ӕмӕ йӕ организацийы фидар куы лӕууӕм, уӕд (Пс. 36:28; Ром. 8:38, 39; Рар. 2:10).
2 Уӕдӕ фароны специалон иубойнон конгресстӕ дӕр уымӕн хуындысты «Зондӕй ут ӕххӕст азты». Ацы ныхӕстӕ ист ӕрцыдысты 1 Коринфӕгтӕм 14:20-ӕм стихӕй, уым кӕсӕм апостол Павелы ныхӕстӕ: «Ӕфсымӕртӕ! ма ут сывӕллӕттӕ зондӕй: фыддзинадмӕ ут сабитӕ, зондӕй та ут ӕххӕст азты». Куыд дыл фӕзынд уыцы конгресс?
3 «Цӕй стыр ныфс нын радта программӕ!» «Ацы конгрессы программӕ у, раст нӕ зӕрдӕ цы агуырдта, уый!» Ацы ныхӕстӕ загътой, конресс кӕй зӕрдӕмӕ фӕцыд, уыдон. Суанг ма, Иегъовӕйы Ӕвдисӕн чи нӕу, иу ахӕм нӕлгоймаг дӕр ӕрбацыд уыцы специалон конгресмӕ, цӕмӕй бакастаид, йӕ 12-аздзыд чызг донаргъуыд куыд иста, уымӕ. Уый загъта, программӕ тынг кӕй фӕцыд йӕ зӕрдӕмӕ, ӕмӕ бамбӕрста, йӕ бинонтӕн цы пайда ӕрхӕсдзӕн, уый. Ды дӕр афтӕ хуъыды кӕныс? Цӕй уӕдӕ программӕйы сӕйраг хъуыдытӕ нӕ зӕрдыл ӕрлӕууын кӕнӕм.
4 Бӕлвырд зонындзинӕдтӕ хъӕуынц, цӕмӕй хорз ӕвзӕрӕй иртасӕм. Фыццаг раныхасӕй, «Развивай свой ум уже сейчас», зӕгъгӕ, хъуыды кӕныс, царды цы зындзинӕдтыл ӕмбӕлӕм, уыдон фӕразынӕн нын цы баххуыс кӕндзӕн, уый? Ӕрмӕст нӕхи зонд нӕ. хъуамӕ архайӕм Библи хуыздӕр ӕмӕ арфдӕр ӕмбарыныл, науӕд нӕ алыварс цы ӕвзӕрдзинад ис, уый ныхмӕ лӕууын нӕ бон нӕ уыдзӕн. Библи бамбарынӕн нын ӕрмӕстдӕр Хуыцау баххуыс кӕндзӕн. Псаломзарӕггӕнӕгау мах дӕр кувӕм Иегъовӕмӕ, цӕмӕй нын ӕххуыс кӕна йӕ закъӕттӕ ӕмӕ йӕ ӕргомдзинӕдтӕ ӕмбарынӕн ӕмӕ йын ӕппӕт зӕрдӕйӕ лӕггад кӕнынӕн (Пс. 118:1, 2, 34).
5 Иннӕ раныхасы, «Что поможет нам становиться взрослыми в понимании Библии», зӕгъгӕ, районон цӕстдарӕг йӕ хъус ӕрдардта Хуыцауы Ныхас ӕмӕ организацийы ахадындзинадмӕ. Ӕфсымӕр загъта, зӕгъгӕ, ӕмбарынад у «цавӕрдӕр хъуыддаджы нысан, мидис, нысаниуӕг бамбарын ӕмӕ базонын». Цӕмӕй нӕм ацы миниуӕг уа, уый тыххӕй нын чи баххуыс кӕндзӕн? Иегъовӕ адӕймӕгты хуызы цы лӕвӕрттӕ радта, уыдон (Еф. 4:11, 12). Йӕ зӕххон организаци нӕ разӕнгард кӕны, цӕмӕй алы бон дӕр кӕсӕм Библи ӕмӕ ӕнӕсцухӕй ӕмбырдтӕм цӕуӕм (Пс. 1:2). Ахуыр нӕ кӕны пайда кӕнын Библийӕ ӕмӕ нӕ публикацитӕй, сӕрмагондӕй ӕмӕ бинонтимӕ куы фӕахуыр кӕнӕм, афтӕ ма ӕмбырдмӕ ӕмӕ уацамындмӕ куы фӕцӕттӕ кӕнӕм, уӕд. Хуыцау мын цы дӕтты, уыдонӕй иууылдӕр пайда кӕнын? Иудадзыг мӕхӕдӕг Библи кӕсын? Ацы мадзӕлттӕ нӕ хъӕуынц, цӕмӕй нӕхи бахизӕм дунейы фӕндӕгтӕй, зондахастӕй, ӕнӕгъдау митӕй, философитӕй ӕмӕ ӕвзӕр ӕндӕвдадӕй (Кол. 2:6—8).
6 Хорз ӕвзӕрӕй иртасыныл дӕр ахуыр кӕнын хъӕуы. Хуынд докладгӕнӕг йӕ фыццаг раныхасы, «Сохраняйте духовность, обучая свое восприятие», зӕгъгӕ, загъта, дунейы адӕм хорз ӕвзӕрӕй кӕй нӕ хицӕн кӕнынц (Ис. 5:20, 21). Уый уымӕн афтӕ у, ӕмӕ сӕ кӕй нӕ фӕнды зонын Хуыцауы рӕстаг домӕнтӕ ӕмӕ уыдонмӕ гӕсгӕ архайын. Уыцы адӕмӕй хъауджыдӕр мах, монон ахуырад Иегъовӕйы организацийы чи райста, аргъ кӕнӕм Хуыцауы амындтӕн ӕмӕ уыдонмӕ гӕсгӕ цӕрӕм. Уымӕ гӕсгӕ нын ис фадат, цӕмӕй ахуыр кӕнӕм, Иегъовӕйы цӕсты раст ӕмӕ хорз цы у, ууыл, ӕмӕ йӕ фӕндонмӕ гӕсгӕ архайӕм (Ром. 12:2).
7 Ацы дунейы адӕм хорз ӕвзӕрӕй нӕ иртасынц ӕмӕ бӕллӕхты дӕр уый тыххӕй бахауынц. Фӕлӕ цӕмӕй уымӕй нӕхи бахизӕм, уый тыххӕй хъуамӕ ӕппынӕдзух нӕхи ахуыр кӕнӕм хорз ӕвзӕрӕй иртасыныл. Ацы хъуыддаджы куыд ис ӕнтысджын уын? Апостол Павел йе ’рвысты Дзуттытӕм 5:12—14-ӕм стихты дзуры, айдагъ дзырды «ӕхсыр» хӕрын фаг кӕй нӕу. Мах хъӕуы хъӕбӕр монон хӕринаг. Ӕмӕ цы базонӕм, уымӕй царды ӕнӕзивӕгӕй пайда кӕнӕм. Афтӕмӕй хуыздӕр бамбардзыстӕм, Иегъовӕйы уагӕвӕрдтӕ ӕмӕ домӕнтӕ раст кӕй сты, уый. Афтӕ нӕхи ахуыр кӕнӕм хорз ӕвзӕрӕй иртасыныл.
8 Хъыгагӕн, бирӕтӕн сӕ уырнындзинад ӕрлӕмӕгъ. Цымӕ цӕмӕн? Уымӕн ӕмӕ сӕ хъус нӕ дардтой, Иегъовӕйы цӕсты хорз ӕмӕ раст цы у, уымӕ. Уымӕ гӕсгӕ сыл ӕвзӕрырдӕм фӕзынд, адӕймаджы зыгъуыммӕ зондыл ӕфтауӕг радио ӕмӕ телеуынынады ралӕвӕрдтӕ, хӕлд музыкӕ ӕмӕ сӕ рӕстӕг компьютерон «дзӕнгӕда цӕгъдӕн уатты» кӕй ӕрвыстой, уый дӕр. Ӕмбаргӕ куы уӕм, уӕд нӕ иу уыдзыстӕм хӕлд, ӕнӕзонд ӕмӕ ӕвзӕр адӕмимӕ (Ӕмб. 13:20; Гал. 5:7; 1 Тим. 6:20, 21).
9 Фӕсивӕд хъуамӕ уой «фыддзинадмӕ сабитӕ». Программӕйы уыд дыууӕ раныхасы, уыдон ӕрыгӕтты разӕнгард кодтой дарддӕр дӕр хорз ӕвзӕрӕй иртасынмӕ. Раныхӕсты ӕфсымӕртӕ бамбарын кодтой, зӕгъгӕ, «фыддзинадмӕ сабитӕ» уын нысан кӕны Иегъовӕйы цӕсты фыддзинадыл нымад цы у, уымӕ баззайын ӕвӕлтӕрдӕй, ӕмӕ йӕм сывӕллонау кӕсын (1 Кор. 14:20). Не ’ппӕты дӕр разӕнгард кодтой, цӕмӕй нӕ хъус дарӕм, нӕ рӕстӕг цӕуыл цӕуы, уымӕ, ӕмӕ алы ӕвзӕрдзинадӕй дӕр нӕхи хизӕм (Еф. 5:15—17). Уыцы раныхӕсты ма дзырд цыд, цӕмӕй банымайӕм, монон хъуыддӕгтӕ хуыздӕр бамбарынӕн нӕ цы хъыгдары, ахӕм чингуытӕ кӕсынӕн нын цас рӕстӕг ацӕуы, уый. Уыцы уынаффӕмӕ байхъуыстай? Цард цы сбӕрӕг кодта? Алыбон Библи кӕй кӕсӕм, уымӕй хъаудджыдӕр ма хъуамӕ рӕстӕг арӕм, Ӕхсӕнад цы ӕрмӕг мыхуыр кӕны, уый кӕсынӕн. Уый не ’ппӕтӕн дӕр, уыимӕ ӕрыгӕттӕн дӕр, ӕххуыс кӕндзӕн «ӕмбарынад ссарынӕн» (Ӕмб. 4:7—9).
10 «Польза от применения библейских принципов с пониманием». Афтӕ хуындис иубойнон специалон конрессы программӕйы фӕстаг раныхас. Раныхасимӕ цы ӕфсымӕры фӕхуыдтой, уый бамбарын кодта, Иегъовӕ кӕй у, иу адӕймаджы бон дӕр кӕронмӕ бамбарын кӕй нӕу, ахӕм царддӕттӕг ӕмбарынады Суадон. Ӕрмӕст ма ахъуыды кӕн, ды зонындзинӕдтӕ исыс Иегъовӕйӕ! Ӕмбарынадмӕ зӕрдиагӕй чи тырны ӕмӕ йӕ уырнындзинадимӕ чи куры, уыдонӕн ӕй Хуыцау рӕдауӕй дӕтты (Ӕмб. 2:3—5, 9; 28:5). Ацы фадатӕй дӕ бон цас у, уыйбӕрц пайда кӕныс?
11 Конгресы ма нӕ разӕнгард кодтой, цӕмӕй Библи куы кӕсӕм, уӕд дзы уагӕвӕрдтӕ агурӕм (2 Тим. 3:16, 17). Цӕмӕй бӕлвырддӕр бамбарӕм Иегъовӕйы хъуыдытӕ, уый тыххӕй хъӕуы уагӕвӕрдтӕ лӕмбынӕг иртасын. Цӕмӕй йӕ уагӕвӕрдтӕ нӕ сӕры ӕмӕ нӕ зӕрдӕйы баззайой, уый тыххӕй ма хъӕуы рӕстӕг хицӕн кӕнын уыдоныл хъуыды кӕнынӕн. Афтӕ нӕхи ахуыр кӕнӕм хорз ӕвзӕрӕй иртасыныл, ӕмӕ нын уый ӕххуыс кӕндзӕн, нӕ царды нын цы ахсджиаг фарстатӕ фӕзыны, уыдон ӕнтысджынӕй скъуыддзаг кӕнынӕн (Йес. Н. 1:8). Аныхас кӕнӕм, арӕхдӕр цавӕр уавӕрты бахауӕм, уыдонӕй иуӕй-иутыл, ӕмӕ ӕркӕсӕм, Библийы амындтӕй куы пайда кӕнӕм, уӕд нын уыдон куыд баххуыс кӕндзысты, уымӕ.
12 «Нӕ уӕлӕдарӕс ӕмӕ не ’ддаг бакаст ӕмбӕлон сты?» Адӕмӕн сӕ уӕлӕдарӕс ӕмӕ се ’ддаг бакаст ууыл дзурӕг у, ӕмӕ сын змӕнтӕг зондахаст кӕй ис. Ахӕм зондыл хӕст адӕм вӕййынц сӕмпӕрчъи, уыдон ӕнӕфсӕрмӕй гомриуӕй ӕмӕ гомӕгъдтӕй фӕцӕуынц. Библийӕ нын цавӕр уагӕвӕрдтӕ баххуыс кӕндзысты ахӕм ӕндӕвдады ныхмӕ фӕлӕууынӕн? Хорз ӕвзӕрӕй иртасын куы зонӕм, уӕд мах 1 Тимофеймӕ 2:9, 10-ӕм стихты (НФ) ныхӕстӕ нӕ зӕрдыл бадардзыстӕм ӕмӕ дарӕс кӕндзыстӕм «ӕфсӕрмыгӕнгӕйӕ ӕмӕ зондджынӕй... ӕмбӕлгӕ дӕр иу куыд кӕны, сӕхи Хуыцауы куыстӕн чи снывонд кодта», уыдонӕн. Ахӕм уагӕвӕрдтӕ ма ис 2 Коринфӕгтӕм 6:3-ӕм стихы ӕмӕ Колоссӕгтӕм 3:18, 20-ӕм стихты.
13 «Цы хъӕуы, цӕмӕй бинонтӕ уой хъӕрмуддӕр?» Ахсджиаг у, цӕмӕй бинонтӕ иууылдӕр кӕрӕдзи ӕмбарой. Иаковы 1:19-ӕм стихы дзырдӕуы: «Алкӕцы адӕймаг уӕд рӕвдз хъусынмӕ, сындӕг ныхӕстӕм, сындӕг мӕсты кӕнынмӕ». Бинонтӕ кӕрӕдзиимӕ хъуамӕ ӕрмӕст дзургӕ ма кӕной, фӕлӕ ма хъуамӕ кӕрӕдзимӕ хъусгӕ дӕр кӕной, уымӕн ӕмӕ бинонты ахастытӕ абарӕн ис, фӕндагыл машинӕтӕ дыууӕрдӕм куыд цӕуынц, уыимӕ. Раст куы уӕм, фӕлӕ карзӕй куы дзурӕм, рӕхуыст ныхас куы кӕнӕм, уӕд нӕ ныхӕстӕ, зӕрдӕ цы скъахой, уымӕй дарддӕр ӕхсызгон нӕ уыдзысты. Лӕг дӕр ӕмӕ ус дӕр, ныййарӕг дӕр ӕмӕ сывӕллон дӕр — мах иууылдӕр хъуамӕ ныхас кӕнӕм «ӕдзухдӕр арфӕдзинадимӕ, цӕххӕй хъацӕнгондӕй» (Кол. 4:6).
14 «Мулк ӕрӕмбырд кӕнынмӕ бӕллыс?» Адӕмӕй бирӕтӕ бӕллынц мулк ӕрӕмбырд кӕнынмӕ, фӕлӕ уымӕй сӕ цард рогдӕр нӕ кӕны, фӕлӕ уӕззаудӕр. Мулк адӕймаджы амондджындӕр нӕ кӕны. (Екк. 5:9; Лук. 12:15; 1 Тим. 6:9, 10). Мулк ӕмбырд кӕныны хызӕй хи хизынӕн Йесо радта ахсджиаг уагӕвӕрд: «Цӕст сыгъдӕг дарын». Цардмӕ раст цӕстӕй кӕсын ӕмӕ хуымӕтӕг цард кӕнын нысан кӕны, царды фыццаг бынаты Паддзахады хъуыддӕгтӕ ӕвӕрын ӕмӕ ӕрмӕстдӕр уый фӕстӕ иннӕ хъуыддӕгтӕ аразын (Матф. 6:22, 23, 33).
15 Не ’ргом цӕмӕ хъуамӕ здахӕм. Исты хъуыддӕгтӕ лыг кӕнынӕн Хуыцауы Ныхас у ӕууӕнчы аккаг, рӕстаг уагӕвӕрдты суадон. Хъуамӕ базонӕм уыцы уагӕвӕрдтӕ, ахъуыды сыл кӕнӕм ӕмӕ бамбарӕм, царды сӕ куыд ис спайда кӕнӕн, уый. «Нӕ зӕрдӕ куы сахуыр кӕнӕм хорздзинад ӕвзӕрдзинадӕй иртасын», уӕд нын уый ӕрхӕсдзӕн пайда ӕмӕ Иегъовӕйӕн та — кад (Дзут. 5:14, НФ).