Специалон иубойнон конгрессы ног программӕ
Специалон иубойнон конгресты темӕ уыдзӕн «Зондӕй ут ӕххӕст азты» ӕмӕ райдайдзысты 2000 азы сентябрӕй (1 Кор. 14:20). Уый нын цы пайда ӕрхӕсдзӕн? Мах цӕрӕм тынг ӕгъдаухӕлд дунейы. Цӕмӕй ныл дуне ма фӕтых уа ӕмӕ фыддзинадыл хорздзинадӕй уӕлахиз кӕнӕм, уый тыххӕй хъуамӕ арфдӕр кӕнӕм нӕ чырыстон ӕмбарынад. Уымӕн нын баххуыс кӕндзӕн специалон иубойнон конгрессы программӕ.
Программӕйы райдианы районон цӕстдарӕг равзардзӕн «Помощь в том, чтобы становиться взрослыми в понимании Библии». Уый нын бамбарын кӕндзӕн, куыд ис чырыстон уырнындзинад бафидар кӕнӕн. Хуынд докладгӕнӕг йӕ раныхасы «Сохраняйте духовность, обучая свое восприятие» лӕмбынӕг ӕрдзурдзӕн, куыд ахсджиаг у библион принциптӕй пайда кӕнын, цӕмӕй хорз ӕвзӕрӕй хицӕн кӕнӕм.
Фӕсивӕд дӕр хъуамӕ сӕ ӕмбарынад фылдӕр кӕной. Уый тыххӕй дзырд цӕудзӕн программӕйы хӕйтты «Почему нужно быть „младенцами на злое«» ӕмӕ «Молодежь, которая уже сейчас обретает понимание». Лӕппутӕ ӕмӕ чызджытӕ радзурдзысты, цы аразынц сӕ уырнындзинад фидар кӕныны тыххӕй, цӕмӕй сӕ ацы дунейы тӕссаг ӕмӕ тӕригъӕдджын хъуыддӕгтӕй цы бацымыдис кӕна, уый лӕмбынӕг ӕвзарой ӕмӕ дзы сӕхи хизой.
Куыд ис ӕцӕг амонд ссарӕн? Хуынд докладгӕнӕг уый бамбарын кӕндзӕн фӕстаг раныхасы «Польза от применения библейских принципов с пониманием». Уый ӕрхӕсдзӕн цӕвиттонтӕ, Хуыцауы Ныхас нын куыд ӕххуыс кӕны зындзинӕдтӕ фӕразынӕн, уынаффӕтӕ хӕссынӕн ӕмӕ Хуыцауы ахуырадӕй пайда исынӕн.
Хуыцауӕн нывонддзырд чи радта ӕмӕ донаргъуыд райсын кӕй фӕнды ацы конгрессы, уыдон иууылдӕр хъуамӕ сӕ фӕндоны тыххӕй рагацау зӕгъой сӕрдариуӕггӕнӕг цӕстдарӕгӕн. Конгресс кӕд уыдзӕн, уый куы фехъусын кӕной, уӕд ӕй уӕ къӕлиндарты банысан кӕнут ӕмӕ уӕ хъуыддӕгтӕ афтӕ саразут, цӕмӕй уыцы ахсджиаг программӕмӕ байхъусат. Специалон иубойнон конгрессӕй ӕппындӕр мацы рауадзут! Уый уын ратдзӕн тых, цӕмӕй ацы ӕгъдаухӕлд дунейы ӕндӕвдады ныхмӕ фӕлӕууат ӕмӕ Иегъовӕйыл иузӕрдионӕй баззайат.