Специалон конгрессы ног программӕ
Ног лӕггаддзинады азы специалон конгрессы сӕргонд ист у Библийӕ: «Басӕттут Хуыцауӕн; хӕйрӕгӕн йӕ ныхмӕ слӕуут» (Иак. 4:7). Ацы уӕззау рӕстӕджыты уый цӕй хорз фӕдзӕхст у! Хуыцауы фӕдзӕхстытӕ куы ӕххӕст кӕнӕм, уӕд афтӕмӕй лӕудзыстӕм Сайтаны ныхмӕ. Программӕйӕ базондзыстӕм, нӕ уырнындзинад нын чи лӕмӕгъдӕр кӕны, Хӕйрӕджы ахӕм фыдвӕндты ныхмӕ нӕ бон фидар фӕлӕууын куыд у, уый. Уыцы конгрессы нын цы монон «хӕзнатӕ» балӕвар кӕндзысты, уыдонӕй иуӕй-иутӕ цавӕртӕ сты?
Районон цӕстдарӕг йӕ раныхасы «Нӕ бинонты ’хсӕн ӕвдисӕм, Хуыцауӕн кӕй басастыстӕм, уый», зӕгъгӕ, равдисдзӕн, бинонтӕн сӕ бон куыд у, Хуыцауӕн басӕтгӕйӕ, дунейы ӕндӕвдады ныхмӕ фӕлӕууын. Уыцы бон фыццаг раныхасы «Цы нысан кӕны Хӕйрӕгӕн йӕ ныхмӕ слӕууын», зӕгъгӕ, хуынд докладгӕнӕг бамбарын кӕндзӕн, цӕмӕн ӕмӕ куыд хъуамӕ архайӕм фӕндфидарӕй, цӕмӕй нын Сайтан нӕ уырнындзинад ма фӕцудын кӕна. Дыууӕ раныхасы уыдзысты фӕсивӕды тыххӕй, уымӕн ӕмӕ уыдон дӕр хъуамӕ сӕхи хъахъхъӕной Хӕйрӕджы фыдвӕндтӕй. Кардзыд чырыстӕттӕй бирӕтӕ ӕрыгонӕй аскъуыддзаг кодтой, дунейы фӕндӕттӕм гӕсгӕ кӕй никуы архайдзысты, уый. Ӕхсызгон нын уыдзӕн сӕ хабӕрттӕ фехъусын.
Алчидӕр хъуамӕ хицӕутты коммӕ кӕса. Уымӕ гӕсгӕ хуынд докладгӕнӕг фӕстаг раныхасы дзурдзӕн, Хуыцауӕн кӕй басастыстӕм, уый цы цыппар фадыджы хъуамӕ уа бӕрӕг, ууыл: 1) хицӕутты раз; 2) ӕмбырды; 3) куысты ӕмӕ; 4) бинонты ’хсӕн. Цӕй диссаджы хорз программӕ уыдзӕн!
Уыцы специалон конгрессы аргъуыд райсын кӕй фӕнда, уыдон хъуамӕ уый тыххӕй, гӕнӕн уӕвгӕйӕ, раздӕр зӕгъой сӕрдариуӕггӕнӕг цӕстдарӕгӕн. Алчидӕр нӕ хъуамӕ йӕ къӕлиндары банысан кӕна конгрессы бон ӕмӕ спълан кӕна ӕнӕхъӕн программӕмӕ дӕр байхъусын. Алкӕддӕр Иегъовӕйы коммӕ куы кӕсӕм, уӕд ӕнустӕм уыдзыстӕм арфӕгонд.