2010 азы иубонон конгрессы программӕ
1. а) Фӕстаг азты иубонон конгресстӕй иуӕй-иутӕ цы хуындысты? ӕ) Иубонон конгресстӕй дын уацамынды цавӕр хъуыдытӕ баххуыс кодтой?
1 «Ахсджиагдӕр цы у, уый-иу сбӕлвырд кӕнут», «Иу дзугау кӕрӕдзимӕ ӕнгом лӕуут ӕмӕ фидар ут», «Ӕцӕгдзинады тыххӕй ӕвдисӕн лӕуут», «Мах стӕм ӕлыг, Йегъовӕ та нӕ Дурынгӕнӕг» (Фил. 1:9, 10, 27; Иоан. 18:37; Ис. 64:8). Афтӕ хуындысты иубонон конгресстӕй иуӕй-иутӕ. Тынг не ’нхъӕлмӕ кӕсыс ног иубонон конгресмӕ? Уыцы конгресс арӕзт уыдзӕн 1 Коринфӕгтӕм 7:29 стихыл ӕмӕ хуыйны «Рӕстӕг бирӕ нал баззад».
2. Конгресмӕ рагацау цӕттӕ кӕнӕн куыд ис?
2 Куыддӕр уын фехъусын кӕной, уе ’мбырдӕн иубонон конгресс кӕд уыдзӕн, уый, афтӕ-иу уӕхи цӕттӕ кӕнын райдайут. Иуӕй-иу ныййарджытӕ сӕ сывӕллӕттӕн фӕзӕгъынц, цӕмӕй конгрессы бон къӕлиндары фӕнысан кӕной ӕмӕ сӕхицӕн гӕххӕттыл ныффыссой, конгресмӕ сӕ цы бахъӕудзӕн, уый. Стӕй ма сын фӕзӕгъынц, цӕмӕй банымайой, конгресмӕ цас баззад, уый дӕр. Бинонтӕй Библи куы ахуыр кӕнат, уӕд-иу уӕ фыстытӕм гӕсгӕ уӕ зӕрдыл ӕрлӕууын кӕнут, уыйразмӕйы конгресстӕй иуӕй-иу хъуыдытӕ. Уӕ бон ма у ӕркӕсын «Хуыцауы Ныхас хъусынгӕнджыты скъолайы» чиныджы 13–16 фӕрстӕм, цӕмӕй конгрессы лӕмбынӕг хъусат (Лук. 8:18).
3. Конгресс нын стыр пайда кӕд фӕуыдзӕн?
3 Цы базонай, уымӕ гӕсгӕ архай. Конгрессы фӕстӕ арӕх фехъусӕн вӕййы: «Цы диссаджы конгресс уыди!» Ӕмӕ уый ӕцӕгдӕр афтӕ вӕййы, уымӕн ӕмӕ конгресстӕ сты Йегъовӕйы лӕвӕрттӕ (Ӕмб. 10:22). Цы фехъусай, уый дын цӕмӕй фӕпайда уа, уый тыххӕй йыл хъӕуы хъуыды кӕнын ӕмӕ йӕ зӕрдыл бадарын (Лук. 8:15). Конгрессӕй хӕдзармӕ цӕугӕйӕ дӕ бинонтимӕ кӕнӕ, машинӕйы кӕимӕ цӕуыс, уыдонимӕ ныхас кӕн программӕйыл. Дӕ разы цы нысӕнттӕ ӕвӕрыс ӕмӕ дын уацамынды чи баххуыс кӕндзӕн, уыцы хъуыдытыл иннӕтимӕ ныхас кӕн. Уый фӕрцы дын конгресс бирӕ рӕстӕг пайда хӕсдзӕн (Иак. 1:25).
4. Ацы конгресс нын куыд баххуыс кӕндзӕн?
4 Тынг нӕ цы хъуыди, уый нын куы балӕвар кӕнынц, уӕд нын уӕлдай ӕхсызгон вӕййы. Цымӕ зӕрдиагӕй не ’нхъӕлмӕ кӕсӕм, Йегъовӕ нын ацы конгресмӕ цы ’рцӕттӕ кодта, уымӕ? Ма дызӕрдыг кӕнӕм, цы фехъусӕм, уый нын стыр пайда кӕй ӕрхӕсдзӕн. Нӕ уӕларвон Фыд Йегъовӕ нын ӕрцӕттӕ кодта, чи нӕ бафидар кӕндзӕн ӕмӕ нын уацамынды чи баххуыс кӕндзӕн, ахӕм лӕвар (2 Тим. 4:2; Иак. 1:17).