Ног фӕтк конгрессты программӕ фӕлхат кӕнынӕн
Сайтаны дуне бонӕй-бонмӕ фыддӕр кӕны, Иегъовӕ та нӕ разӕнгард кӕны, цӕмӕй «иуварс кӕнӕм ӕнӕрӕстдзинад ӕмӕ дунейаг фӕндӕттӕ, ӕдӕгъдауӕй, раст ӕмӕ хорз намысы цӕрӕм ныры ӕнусы» (Тит. 2:12). «Ӕууӕнкджын ӕмӕ зондджын цагъары» уылты нын цы дӕтты, уымӕ хауынц ӕрвылазон районон ӕмӕ иубонон конгресстӕ (Матф. 24:45). Куыд тынг нын фидар кӕнынц ацы фембӕлдтӕ нӕ уырнындзинад!
2005 лӕггады азы уыцы конгрессты программӕ фӕлхат кӕндзыстӕм ног фӕткмӕ гӕсгӕ, цӕмӕй цы амындтӕ райсӕм, уыдон бахъуыды кӕнӕм ӕмӕ сӕ царды пайда кӕнӕм. Ацы уӕлӕмхасӕн сыфы 5, 6 фӕрстыл статьяты ис, цы конгресстӕ нӕм ӕнхъӕлмӕ кӕсы, уыдоныл афӕлгӕст, ӕмӕ фарстытӕ фӕлхат кӕнынӕн. Ӕмбырдтӕ уыцы ӕрмӕгмӕ ӕркӕсдзысты хъусын кӕныны фембӕлды, конгрессты размӕ ӕмӕ сӕ фӕстӕ. Уый куыд саразын хъӕудзӕн?
Районон конгрессӕй иу кӕнӕ дыууӕ къуыри раздӕр хъусын кӕныны фембӕлды уыдзӕн 10-минутон раныхас статья «Районон конгрессы ног программӕ»-мӕ гӕсгӕ, цӕмӕй хъусынгӕнджыты ноджы тынгдӕр ӕрфӕнда конгресмӕ ацӕуын. Ныхасырацӕуӕг ма йӕ хъус ӕрдардзӕн фӕлхат кӕныны фарстытӕм ӕмӕ се ’ппӕты дӕр сразӕнгард кӕндзӕн конгрессы рӕстӕджы сӕйраг хъуыдытӕ цыбыртӕй фыссынмӕ. Ӕмӕ афтӕмӕй, конгрессӕй цалдӕр къуырийы фӕстӕ цы фӕлхат уа, уымӕ сӕхи бацӕттӕ кӕндзысты.
Конгрессӕй иу-дыууӕ къуырийы куы рацӕуа, уӕд хъусын кӕныны фембӕлды 15 минуты дӕргъы фӕлхат цӕудзӕн конгрессы фыццаг боны программӕ. Иннӕ къуыри та 15 минуты рахицӕн кӕндзысты дыккаг боны программӕ сфӕлхат кӕнынӕн. Хъусджытимӕ ныхас арӕзт уыдзӕн, ацы уӕлӕмхасӕн сыфы фӕлхат кӕнынӕн цы фарстытӕ ис, уыдонмӕ гӕсгӕ. Сӕйраджыдӕр хъус ӕрдарын хъӕуы, ӕрмӕгӕй царды куыд ис спайда кӕнӕн, уымӕ. Хистӕр нӕлгоймӕгтӕн сӕ бон у хъусын кӕныны фембӕлды иннӕ хӕйттӕ фӕцыбырдӕр кӕнын, искӕцы дзы айсын кӕнӕ та сӕ ӕндӕр хаттмӕ ахӕссын, цӕмӕй ацы 15-минутон фӕлхатӕн рӕстӕг уа.
Раст ахӕм фӕтк уыдзӕн иубонон конгрессы программӕ равзарынӕн дӕр, ӕрмӕст уый ӕнӕхъӕнӕй фӕлхат цӕудзӕн иу фембӕлды 15 минуты дӕргъы. Ацы уӕлӕмхасӕн сыф нӕ алкӕйдӕр хъӕуы йӕхимӕ бафснайын ӕмӕ дзы пайда кӕнын, цӕмӕй нын Иегъовӕйы диссаджы зондамынд ахъаз фӕуа (Ис. 48:17, 18).