Журналтӕ дӕтгӕйӕ цы ис зӕгъӕн
«Хъахъхъӕнӕн мӕсыг», 15 авг. (уыр.)
«Куыд хъуыды кӕныс, адӕймаг ӕппӕты тынгдӕр иузӕрдион кӕуыл хъуамӕ уа? [Бауадз ӕй йӕ хъуыды зӕгъын.] Ацы статьяйы дзырдӕуы, ӕцӕг Хуыцауыл кӕй хъуамӕ уӕм иузӕрдион. [Рафӕлдах журнал 5 фарсыл ӕмӕ бакӕс 2 Паддзахӕдты 22:26.] Зыдтай, адӕймаг Хуыцауыл иузӕрдион куы уа, уӕд ын уый иннӕты уарзынӕн кӕй ӕххуыс кӕндзӕн? Мӕнмӕ гӕсгӕ ӕхсызгонӕй бакӕсдзынӕ уый тыххӕй».
«Райхъал ут!», 22 авг. (уыр.)
«Куыд хъуыды кӕныс, тӕссаг нӕу, адӕм быроны бын куы фӕуой, уымӕй?» [Бауадз ӕй йӕ хъуыды зӕгъын.] Йӕ сӕйраг аххосаг у, адӕм кӕй ницӕуыл ауӕрдынц. Йесо йӕ фӕдылдзӕуджыты ахуыр кодта, цӕмӕй алцӕуылдӕр ауӕрстаиккой. [Бакӕс Иоанны 6:12.] Ацы журнал ӕвдисы, Библийы уагӕвӕрдтӕ бинонтӕн куыд ӕххуыс кӕнынц, цӕмӕй алцӕуылдӕр ауӕрдой ӕмӕ папылойгӕнаг ма уой».
«Хъахъхъӕнӕн мӕсыг», 1 сент.
«Ӕвӕццӕгӕн бафиппайдтай, бирӕ рӕтты сыхӕгтӕ раздӕрау кӕрӕдзи кӕй нал зонынц? [Бауадз ӕй йӕ хъуыды зӕгъын.] Йесо бацамыдта, цӕмӕй хорз сыхаг уай, уый тыххӕй сӕйраджыдӕр цы хъӕуы, уый. [Бакӕс Матфейы 7:12.] Ацы статьятӕ нын ӕвдисынц, цы кӕнын нӕ хъӕуы, цӕмӕй хорз сыхӕгтӕ уӕм ӕмӕ иннӕты дӕр уымӕ разӕнгард кӕнӕм».
«Райхъал ут!», 8 сент. (уыр.)
«Адӕймагмӕ кӕд цы ӕнхъӕлмӕ кӕсы, уый кӕй нӕ зоны, ууыл бирӕтӕ сразы уыдзысты. [Бакӕс Екклесиаст 9:11.] Кӕм ис раст разамынд ссарӕн? [Бауадз ӕй йӕ хъуыды зӕгъын.] Бирӕтӕ ӕххуыс агурынц нумерологийы, ома нымӕцтӕй дӕсны фӕрсынц. Цымӕ афтӕмӕй хъысмӕт базонӕн ис? Кӕм ис фидӕны тыххӕй ӕууӕнчы аккаг информаци ссарӕн? Ацы фарстытӕн „Райхъал ут!“ дзуаппытӕ дӕтты».