Пионерӕй лӕггад кӕнын — арфӕйаг хъуыддаг
1, 2. Пионеры лӕггадимӕ цавӕр арфӕйаг хъуыддӕгтӕ сты ӕнгом баст ӕмӕ цӕмӕн?
1 «Царды мын ӕппӕты стырдӕр ӕхцондзинад хӕссы адӕмӕн ӕцӕгад дзурын»,— загъта иу ӕфсымӕр-пионер. Иннӕ пионер, хо, та дзуры: «Ӕз адджын фынӕй кӕнын, ӕмӕ мӕ зӕрдӕ алы бон дӕр зӕрин хурау рухс вӕййы». Ацы пионертӕ загътой, хъусын кӕныны хъуыддаджы арфӕдзинӕдтӕ чи банкъардта, уыцы хотӕ ӕмӕ ӕфсымӕрты хъуыды (Ӕмб. 10:22).
2 Хуыцауы Ныхасӕй адӕмӕн ирвӕзынгӕнӕг зонындзинад райсынӕн куы феххуыс кӕнӕм, уӕд нӕхи ӕцӕгдӕр амондджын фӕхатӕм (Ап. к. 20:35; 1 Фес. 2:19, 20). «Хуыцауы Ныхасӕн стыр тых ис, адӕмӕн ивы сӕ цард, ӕмӕ уый уынгӕйӕ мах цин кӕнӕм, нӕ уырнындзинад фидар кӕны»,— ныффыста, бирӕ рӕстӕджы дӕргъы пионерӕй чи лӕггад кӕны, ахӕм ӕфсымӕр. Пионертӕ удуӕлдайӕ иннӕтӕн кӕй ӕххуыс кӕнынц ӕмӕ адӕмимӕ Библи кӕй ахуыр кӕнынц, уый фӕрцы хайджын сты ахӕм арфӕдзинӕдтӕй.
3, 4. Пионерӕй лӕггадгӕнгӕйӕ адӕймаг Иегъовӕйыл йӕ ныфс дарын куыд ахуыр кӕны ӕмӕ йын уый йӕ уырнындзинад куыд фидар кӕны?
3 Иегъовӕйыл ныфс дарын. Пионертӕ сӕ лӕггады ӕрвылбон дӕр Хуыцауы сыгъдӕг удыл сӕ ныфс кӕй дарынц, уый сын ӕххуыс кӕны «уды дыргъыл» кусынӕн ӕмӕ ма сӕ хъахъхъӕнгӕ дӕр кӕны (Гал. 5:16, 22, 23). Уымӕй уӕлдай ма, пионертӕ Хуыцауы Ныхасӕй иудадзыг кӕй пайда кӕнынц, уымӕ гӕсгӕ йӕ арӕх тынг хорз фӕзонынц, ӕмӕ Фыстады фӕрцы ӕнтыстджынӕй дзурынц ӕцӕгады сӕрыл, стӕй иннӕты дӕр фидар кӕнынц (2 Тим. 2:15). Бирӕ азты дӕргъы пионерӕй чи лӕггад кӕны, ахӕм ӕфсымӕр загъта: «Пионер кӕй дӕн, уый фӕрцы Библи хуыздӕр базыдтон, ӕмӕ уыцы зонындзинӕдты руаджы ӕз бирӕтӕн баххуыс кодтон Иегъовӕ ӕмӕ йӕ фӕндты тыххӕй базонын». Куыд ӕхсызгон у уый!
4 Ӕххӕстрӕстӕг пионертӕ ма хъуамӕ Иегъовӕйыл сӕ ныфс дарой бирӕ ӕндӕр хъуыддӕгты дӕр. Сӕ уырнындзинад бафидар вӕййы, куы фӕуынынц, цардамӕлттӕ кӕнгӕйӕ сын Иегъовӕ кӕй ӕххуыс кӕны. 72-аздзыд ӕфсымӕр, 55 азы пионерӕй чи лӕггад кӕны, уый загъта: «Никуы уыд афтӕ, ӕмӕ мын Иегъовӕ ма баххуыс кодтаид». Уымӕй уӕлдай ма пионертӕ, хуымӕтӕг цард кӕй кӕнынц, уый фӕрцы царды сӕхи бирӕ сагъӕстӕй бахизынц. Афтӕ дӕуӕй дӕр ис зӕгъӕн? (Матф. 6:22; Дзут. 13:5, 6).
5. Пионерӕй лӕггад кӕнын Иегъовӕмӕ ӕввахсдӕр кӕнынӕн куыд ӕххуыс кӕны?
5 Хуыцаумӕ ӕввахс кӕнын. Иегъовӕйы зонынӕй зынаргъдӕр нын ӕппындӕр ницы ис (Пс. 62:4). Иегъовӕйы кӕй уарзӕм, уый тыххӕй йын ӕппӕт зӕрдӕйӕ куы лӕггад кӕнӕм, уӕд ӕм ӕввахсдӕр кӕнӕм (Иак. 4:8, НФ). 18 азӕй фылдӕр пионер чи у, уыцы ӕфсымӕр дзуры: «Пионерӕй лӕггад кӕныны фӕрцы нӕ бон у „саходын ӕмӕ фенын куыд хорз у“ Иегъовӕ ӕмӕ бонӕй-бонмӕ не Сфӕлдисӕгмӕ ӕввахсдӕр кӕнын» (Пс. 33:9).
6. Пионертӕм цавӕр миниуджытӕ хъуамӕ уа ӕмӕ ма сӕ куыст, сӕхицӕй уӕлдай, пайда кӕмӕн хӕссы?
6 Пионерты хъуамӕ сӕ уавӕртӕ амоной лӕггад кӕнынмӕ, уымӕй уӕлдай ма сын хъуамӕ уа фидар уырнындзинад, хъуамӕ Хуыцау ӕмӕ адӕмы сыгъдӕгзӕрдӕйӕ уарзой ӕмӕ цӕттӕ уой сӕхи цӕмӕйдӕрты фӕцух кӕнынмӕ (Матф. 16:24; 17:20; 22:37—39). Фӕлӕ пионерты рухс цӕсгӕмттӕй бӕрӕг у, пионерӕй лӕггад кӕныны хъуыддаг цы арфӕдзинӕдтӕ хӕссы, уыдон кӕй ницӕимӕ ис абарӕн (Мал. 3:10). Арфӕгонд ӕрмӕст пионертӕ не ’рцӕуынц, сӕ зӕрдӕйы уаг ма хорзырдӕм фӕзыны сӕ бинонтыл дӕр ӕмӕ ӕмбырдтыл дӕр (Фил. 4:23, НД).