Ӕххуысгӕнӕн фӕрӕз

Ӕцӕг чырыстӕттӕ адӕмӕн лӕггад кӕнынц, хорз хабар хъусынгӕнгӕйӕ (Фил. 2:17). Уыцы хъуыддаджы сын хорз ӕххуыс у, Интернеты кӕй ис брошюрӕтӕ, трактаттӕ ӕмӕ статьятӕ 20 ӕвзагыл. Ссарӕн сӕ ис Веб-сайты www.watchtower.org. Уыцы Веб-сайт уый тыххӕй нӕу, цӕмӕй дзы Иегъовӕйы Ӕвдисӕнтӕ ног литературӕ исой. Уымӕн йӕ нысан у адӕмӕн раст ӕрмӕг раттын, Иегъовӕйы Ӕвдисӕнтӕ Библийӕ цӕуыл ахуыр кӕнынц, уый тыххӕй.

Ӕрӕджы ма нӕ сӕрмагонд Веб-сайты фӕзынд брошюрӕ «Хуыцау нӕ цы домы?» 220 ӕвзагӕй фылдӕрыл. Ноджыдӕр ма 2004 азы 1 январӕй «Хъахъхъӕнӕн мӕсыг» ӕмӕ «Райхъал ут!»-ы алы ӕвзагыл дӕр фӕстаг фарсыл мыхуыр цӕудзӕн нӕ Веб-сайты адрис.

Уыцы адрис дӕ кӕд бахъӕудзӕн? Гӕнӕн ис сӕмбӕлай ахӕм адӕймагыл, фылдӕр базонын кӕй фӕнды, фӕлӕ ӕндӕр ӕвзагыл чи кӕсы. Кӕд йӕ бон у Интернетӕй пайда кӕнын, уӕд ын равдис «Хъахъхъӕнӕн мӕсыг» кӕнӕ «Райхъал ут»-ы фӕстаг фарсыл адрис. Нӕ Веб-сайтыл йӕ бон уыдзӕн ссарын йӕ мадӕлон ӕвзагыл брошюрӕ «Цы домы», цалынмӕ йын йӕхи ӕвзагыл литературӕ хӕссай, уӕдмӕ. Кӕнӕ йын йӕ адрис ратт, уыцы ӕвзагыл цы ӕмбырд кӕнӕ къорд хъусын кӕны, уыдонӕй искӕмӕ.